കണ്ണൂർ : കണ്ണൂർ തളിപ്പറമ്പിൽ ലീഗ് ഓഫീസ് തീ വെച്ചു നശിപ്പിച്ച നിലയിൽ. തളിപ്പറമ്പ് കുറ്റിക്കോലിലാണ് മുസ്ലിംലീഗ് ഓഫീസായ സി.എച്ച്.സെന്റര് തീവെച്ച് നശിപ്പിച്ചത്. ഇന്ന് പുലര്ച്ചെ ഒന്നരയോടെയായിരുന്നു സംഭവം.
ഇന്നലെ രാത്രി തളിപ്പറമ്പിലെ മരം വ്യവസായിയായ ദിൽഷാദ് പാലക്കാടനും അദ്ദേഹത്തിന്റെ കാറിന് നേരെയും ആക്രമണമുണ്ടായിരുന്നു.
കൂടാതെ തളിപ്പറമ്പ് മഹല്ല് വഖഫ് സ്വത്ത് സംരക്ഷണസമിതി ജന.സെക്രട്ടെറിയും സി.പി.എം പ്രവര്ത്തകനും സിപിഎം ഞാറ്റുവേല ബ്രാഞ്ച് അംഗവുമായ കുറിയാലി സിദ്ദിഖിനേയും മുഖംമൂടി സംഘം മര്ദ്ദിച്ചിരുന്നു.
ഇരുവരും തളിപ്പറമ്പ് സഹകരണ ആശുപത്രിയില് ചികില്സയിലാണ്. അതിന് പിന്നാലെയാണ് കുറ്റിക്കോലിലെ മുസ്ലിംലീഗ് ഓഫീസായ സി.എച്ച്.സെന്റര് കത്തിച്ചത്.
ഓഫീസ് പൂര്ണമായും കത്തിനിശിച്ചു. അകത്തുണ്ടായിരുന്ന ടി.വി.ഉള്പ്പെടെ അടിച്ചു തകര്ത്തു. ഇന്നലെ ഉണ്ടായ ആക്രമണത്തിന്റെ തുടർച്ചയായാണ് ഈ അക്രമണത്തെ കാണാൻ സാധിക്കുന്നത്. പൊലീസ് അന്വേഷണം ആരംഭിച്ചു.
League office set on fire and destroyed in Kannur Thaliparamba