ബ്രെസ്റ്റ് ക്യാന്‍സര്‍ സാധ്യത ചിലരില്‍ കൂടുതലാണ്; കാരണം ഇതാ

ബ്രെസ്റ്റ് ക്യാന്‍സര്‍ സാധ്യത ചിലരില്‍ കൂടുതലാണ്; കാരണം ഇതാ
Oct 14, 2021 09:30 PM | By Divya Surendran

ഇന്നത്തെ കാലത്ത് ക്യാന്‍സറുകളാണ് ഭീഷണിയായി നില്‍ക്കുന്ന ഒരു രോഗാവസ്ഥ. തുടക്കത്തില്‍ കണ്ടെത്തി ചികിത്സിച്ചാല്‍ പൂര്‍ണ ഭേദം സാധ്യമെങ്കിലും തുടക്കത്തില്‍ കണ്ടെത്താന്‍ പലര്‍ക്കും സാധിയ്ക്കാതെ വരുന്നില്ലെന്നത് തന്നെയാണ് രോഗം കൂടുതല്‍ ഗുരുതരമാകുന്നതിന് കാരണവും. ക്യാന്‍സറുകള്‍ ശരീരത്തിന്റെ ഏതു ഭാഗത്തെ വേണമെങ്കിലും ബാധിയ്ക്കാം. സ്ത്രീ പുരുഷ ഭേദമന്യേ ബാധിയ്ക്കുന്ന ക്യാന്‍സറുകളാണ് പ്രധാനമെങ്കിലും സ്ത്രീ പുരുഷന്മാരുടെ പ്രത്യേക അവയവങ്ങളെ ബാധിയ്ക്കുന്നവയുമുണ്ട്. സ്ത്രീകളേയും അപൂര്‍വമെങ്കിലും പുരുഷന്മാരേയും ബാധിയ്ക്കുന്ന ഒന്നാണ് ബ്രെസ്റ്റ് ക്യാന്‍സര്‍. ഇന്നത്തെ കാലത്ത് പല സ്ത്രീകളിലും കണ്ടു വരുന്ന മറ്റൊന്നാണ് ഒവേറിയന്‍ ക്യാന്‍സറും. ബ്രെസ്റ്റ് ക്യാന്‍സര്‍ വരുന്നത് പല കാരണങ്ങള്‍ കൊണ്ടാണ്. എന്നാല്‍ ഇത് വരാന്‍ സാധ്യതയേറെയുള്ള ചില വിഭാഗങ്ങളുണ്ട്. ഇതെക്കുറിച്ചറിയൂ.

20-25 ശതമാനം ക്യാന്‍സറുകള്‍ പാരമ്പര്യമായി വരുന്നു. അച്ഛന്റെ, അല്ലെങ്കില്‍ അമ്മയുടെ കുടുംബത്തില്‍ നിന്നും വരുമ്പോഴാണ് ഇത് പാരമ്പര്യമായി വരുന്നത്. പ്രത്യേകിച്ചും കുടുംബത്തില്‍ രണ്ടോ അതില്‍ കൂടുതലോ ക്യാന്‍സര്‍ രോഗികളെങ്കില്‍ വരും തലമുറയിലേക്ക് ഈ ജീനുകള്‍ കൈമാറ്റാം ചെയ്യപ്പെടാനുള്ള, വരും തലമുറയില്‍ ഇത്തരം ക്യാന്‍സറുകള്‍ക്കുള്ള സാധ്യത ഏറെയാണ്. പ്രത്യേകിച്ചും ബ്രെസ്റ്റ്, അണ്ഡാശയ ക്യാന്‍സറുകള്‍. അമ്മയുടെ അനുജത്തിക്ക്, അമ്മയ്ക്ക്, അമ്മയുടെ ചേച്ചിയ്ക്ക്, അല്ലെങ്കില്‍ ചേച്ചിയുടേയോ അനിയത്തിയുടേയോ മകള്‍ക്ക് എന്നിങ്ങനെ ഉദാഹരണം പറയാം. ഇങ്ങനെ വന്നാല്‍ പാരമ്പര്യമായി ക്യാന്‍സര്‍ വരാനുള്ള സാധ്യത കൂടുതലാണ്.

രണ്ട് മാറിടത്തിലും ഒരാള്‍ക്ക് ബ്രെസറ്റ് ക്യാന്‍സര്‍ വന്നാല്‍, അണ്ഡാശയത്തിലും ബ്രെസ്റ്റിലും ഒരാള്‍ക്ക് തന്നെ ക്യാന്‍സര്‍ വന്നാല്‍, ഇതല്ലെങ്കില്‍ കുടുംബത്തില്‍ ഏതെങ്കിലും പുരുഷന് ബ്രെസ്റ്റ് ക്യാന്‍സര്‍ വന്നാല്‍ ഈ രോഗം പാരമ്പര്യമായി വരാനുള്ള സാധ്യതകളേറെയാണ്. ഈ ജനിതക കോശത്തിന് തകരാറുണ്ടോയെന്ന് കണ്ടെത്താന്‍ സാധിയ്ക്കുന്ന പരിശോധനയുണ്ട്. ക്യാന്‍സറുമായി വന്ന രോഗിയിലാണ് ഈ ടെസ്റ്റ് നടത്തുന്നത്. അവരുടെ രക്തപരിശോധനയിലൂടെ. ബ്രാക്ക (ബിആര്‍സിഎ) എന്നാണ് ഈ ടെസ്റ്റിന്റെ പേര്.ബിആര്‍സിഎ1, ബിആര്‍സിഎ2 എന്നിങ്ങനെ രണ്ടു ടെസ്റ്റുകളാണ് ചെയ്യുക.

ഈ രോഗി പൊസററീവായി കണ്ടാല്‍ ബാക്കിയുള്ള കുടുംബാംഗങ്ങളും ഈ ടെസ്റ്റ് ചെയ്യുന്നത് നല്ലതാണ്. ഇത്തരം സാധ്യതയെങ്കില്‍ ഈ രോഗം നിര്‍ണയിക്കാനുള്ള ടെസ്റ്റുകളിലൂടെ കടന്നു പോകണം. അതായത് മാമോഗ്രാം പോലുളള ടെസ്റ്റുകള്‍ കൃത്യമായി ചെയ്യണം. മാമോഗ്രാം കൂടാതെ എംആര്‍ഐ, രക്തപരിശോധന തുടങ്ങിയ പല വഴികളുമുണ്ട്. ഇതു പോലെ ഈ അവയവം വരെ സാധ്യത ഒഴിവാക്കാന്‍ നീക്കുന്നവരുണ്ട്. റിസ്‌ക്‌സ റിഡക്ഷന്‍ സര്‍ജറിയുണ്ട്. ചില സര്‍ജറികള്‍. ഇതു പോലെ ഗുളിക കൊണ്ട് തടഞ്ഞ് നിര്‍ത്താന്‍ സാധിയ്ക്കില്ലെങ്കിലും ഇതിന് സാധ്യത കുറയ്ക്കാന്‍ സാധിയ്ക്കുന്ന വിധത്തിലെ ഗുളികകളുമുണ്ട്.

ഏതാണ്ട് 70 ശതമാനം സ്തനാര്‍ബുദവും ഉണ്ടാകുന്നത് ആര്‍ത്തവ വിരാമത്തിന് ശേഷമാണ്. ബാക്കി പ്രായക്കാരിൽ ഉണ്ടാകാനുള്ള സാധ്യത 30 ശതമാനവും. എന്നാൽ ശ്രദ്ധിക്കേണ്ട കാര്യം, സ്തനാര്‍ബുദം ഉണ്ടാകാനുള്ള കാരണങ്ങൾ വളരെ ചെറിയ പ്രായത്തിൽ തന്നെ ശരീരത്തിൽ സംഭവിച്ച് തുടങ്ങുന്നു എന്നതാണ്. പെൺകുട്ടികൾ ഋതുമതിയാകുന്നതിനും ആദ്യ ഗര്‍ഭധാരണത്തിനും ഇടയിലുള്ള കാലം സ്തനവളർച്ചയിൽ നിർണ്ണായക പങ്ക് വഹിക്കുന്നുണ്ട്. അതായത് വ്യായാമം, ആരോഗ്യകരമായ ഭക്ഷണരീതി, പുകവലി, മദ്യപാനം തുടങ്ങിയ ദുശ്ശീലങ്ങള്‍ ഒഴിവാക്കൽ എന്നീ കാര്യങ്ങൾ കൗമാര പ്രായത്തിൽ തന്നെ ശീലിച്ചാൽ സ്തനാർബുദ സാധ്യത ഒരു പരിധി വരെ ഒഴിവാക്കാം.

കൂടുതല്‍ അറിയൂ, ആരോഗ്യം പരിപാലിക്കൂ 

Breast cancer is more likely in some people; Because here's it.

Next TV

Related Stories
പപ്പായ കഴിച്ചാലുള്ള ആരോ​ഗ്യ​ഗുണങ്ങൾ അറിയാമോ?

Nov 30, 2021 08:46 AM

പപ്പായ കഴിച്ചാലുള്ള ആരോ​ഗ്യ​ഗുണങ്ങൾ അറിയാമോ?

പപ്പായയിൽ ധാരാളം പോഷക​ഗുണങ്ങൾ അടങ്ങിയിരിക്കുന്നു. വിറ്റാമിൻ എ, വിറ്റാമിൻ സി, വിറ്റാമിൻ ഇ എന്നിവ പപ്പായയിൽ ഉയർന്ന...

Read More >>
ഒമിക്രോൺ ഭീതിയില്‍ ലോകം; ലക്ഷണങ്ങള്‍, നിലവിലെ കണ്ടെത്തലുകള്‍

Nov 29, 2021 02:46 PM

ഒമിക്രോൺ ഭീതിയില്‍ ലോകം; ലക്ഷണങ്ങള്‍, നിലവിലെ കണ്ടെത്തലുകള്‍

കൊവിഡിന്‍റെ പുതിയ വകഭേദമായ ഒമിക്രോൺ ഭീതിയിലാണ് ലോകരാജ്യങ്ങൾ. പരിശോധനാ സംവിധാനം ശക്തിപ്പെടുത്തിയും വിദേശ യാത്രികർക്ക് കർശന...

Read More >>
കാലാവധി കഴി‍ഞ്ഞ ലിപ്സ്റ്റിക്ക് ഉപയോ​ഗിക്കരുത്; കാരണം...

Nov 29, 2021 06:07 AM

കാലാവധി കഴി‍ഞ്ഞ ലിപ്സ്റ്റിക്ക് ഉപയോ​ഗിക്കരുത്; കാരണം...

ലിപ്‌സിറ്റിക് ഉപയോഗിക്കാന്‍ എടുക്കുമ്പോള്‍ അതിന്റെ എക്‌സ്പയറി ഡേറ്റ് നിര്‍ബന്ധമായും നോക്കണം. കാലാവധി കഴി‍ഞ്ഞ ലിപ്സ്റ്റിക്ക് ഉപയോഗിക്കുന്നതും...

Read More >>
ചര്‍മ്മത്തിനും കൊടുക്കാം കോഫി; ഗുണങ്ങള്‍ പലത്

Nov 28, 2021 06:36 PM

ചര്‍മ്മത്തിനും കൊടുക്കാം കോഫി; ഗുണങ്ങള്‍ പലത്

ചര്‍മ്മത്തിലെ കരുവാളിപ്പ്, കറുത്ത പാടുകള്‍, ചുളിവുകള്‍ തുടങ്ങിയവ തടയാന്‍ കാപിപ്പൊടി കൊണ്ടുള്ള ഫേസ് പാക്കുകള്‍ സഹായിച്ചേക്കാം. അത്തരത്തില്‍...

Read More >>
ലെെം​ഗിക ബന്ധത്തിന് ശേഷം മൂത്രാശയ അണുബാധ പിടിപെടാതിരിക്കാൻ ശ്രദ്ധിക്കേണ്ടത്

Nov 27, 2021 08:57 PM

ലെെം​ഗിക ബന്ധത്തിന് ശേഷം മൂത്രാശയ അണുബാധ പിടിപെടാതിരിക്കാൻ ശ്രദ്ധിക്കേണ്ടത്

സുരക്ഷിതമായ സെക്സ് ലൈംഗികമായി പകരുന്ന അണുബാധയ്ക്കുള്ള സാധ്യത കുറയ്ക്കുന്നു. മാത്രമല്ല അതുമായി ബന്ധപ്പെട്ട യുടിഐ പ്രശ്നങ്ങളും. ലൈംഗിക...

Read More >>
തലമുടി സംരക്ഷണത്തിന് ഇവ ശ്രദ്ധിച്ചാല്‍ മതിയാവും

Nov 26, 2021 07:58 AM

തലമുടി സംരക്ഷണത്തിന് ഇവ ശ്രദ്ധിച്ചാല്‍ മതിയാവും

നിത്യജീവതത്തിൽ നാം ചെയ്യേണ്ട ചില കാര്യങ്ങള്‍ ശ്രദ്ധിച്ചാല്‍, തലമുടി കൊഴിച്ചിലിനെ അകറ്റാം. തലമുടിയുടെ സംരക്ഷണത്തിനായി ശ്രദ്ധിക്കേണ്ട ചില...

Read More >>
Top Stories