കോഴിക്കോട് : കോഴിക്കോട് കോടഞ്ചരിയില് ഭര്തൃവീട്ടില് യുവതി ആത്മഹത്യ ചെയ്ത സംഭവത്തില് പരാതിയുമായി കുടുംബം രംഗത്ത്. സ്ത്രീധന പീഡനം മൂലമാണ് ആത്മഹത്യയെന്നാണ് പരാതി.
മുറമ്ബാത്തി കിഴക്കതില് അബ്ദുള് സലാമിന്റെ മകള് ഹഫ്സത്താണ് ഭര്തൃവീട്ടില് തൂങ്ങി മരിച്ചത്. 20 വയസായിരുന്നു. കുടുംബത്തിന്റെ പരാതിയില് പൊലീസ് കേസെടുത്തു. ഈ മാസം 20നാണ് ഹഫ്സത്തിനെ ഭര്തൃ വീട്ടില് തൂങ്ങിമരിച്ച നിലയില് കണ്ടെത്തിയത്.
ഓട്ടോഡ്രൈവറായ ഷിഹാബുദ്ദീനാണ് ഹഫ്സത്തിന്റെ ഭര്ത്താവ്. ഇയാളും വീട്ടുകാരും സ്ത്രീധനത്തിന്റെ പേരില് യുവതിയെ ശാരീരികമായും മാനസികമായും പീഡിപ്പിച്ചിരുന്നുവെന്ന് ഹഫ്സത്തിന്റെ മാതാപിതാക്കള് പറയുന്നു.
2020 നവംബര് 5നായിരുന്നു ഹഫ്സത്തിന്റെയും ഷിഹാബുദ്ദിന്റെയും വിവാഹം. മാസങ്ങള്ക്കുള്ളില് തന്നെ സ്ത്രീധനത്തിന്റെ പേരില് പ്രശ്നങ്ങള് തുടങ്ങിയിരുന്നു.പൊലീസ് കേസെടുത്ത് അന്വേഷണം തുടങ്ങി.
Kozhikode woman commits suicide at her husband's house; The family is on the scene with the complaint