കോഴിക്കോട് : എടച്ചേരി ടൗണിൽ ഓട്ടോറിക്ഷയും ടിപ്പർ ലോറിയും കൂട്ടിയിടിച്ച് ഓട്ടോ യാത്രക്കാരായ പിഞ്ചുകുട്ടിയടക്കം നാലു പേർക്ക് പരിക്കേറ്റു. ഇന്ന് രാവിലെ 11 മണിയോടെയാണ് ആശുപത്രിയിൽ നിന്ന് മടങ്ങുകയായിരുന്ന പെരിങ്ങത്തൂർ സ്വദേശികൾ സഞ്ചരിച്ച ഓട്ടോയും എതിരെ വരികയായിരുന്ന ടിപ്പർ ലോറിയും കൂട്ടിയിടിച്ചത്.
ഇടിയുടെ ആഘാതത്തിൽ ഓട്ടോറിക്ഷ തകർന്നു. ഓട്ടോറിക്ഷയിൽ കുടുങ്ങികിടന്ന യാത്രക്കാരെ ചേലക്കാട് നിന്നെത്തിയ ഫയർ ആൻഡ് റസ്ക്യൂ ടീമും നാട്ടുകാരും ചേർന്ന് പുറത്തെടുത്ത് ആശുപത്രിയിൽ എത്തിക്കുകയായിരുന്നു. കുട്ടിയുടെ പരിക്ക് സാരമുള്ളതാണെന്ന് നാട്ടുകാർ പറഞ്ഞു. കുട്ടിയോടൊപ്പം സഞ്ചരിച്ച വീട്ടുകാർക്കും ഓട്ടോ ഡ്രൈവറുമാണ് പരിക്കേറ്റ മറ്റുള്ളവർ.
Autorickshaw and tipper lorry collide in Edachery; Four people, including a young child, were injured
