ഇത് ഇന്ത്യയാണ് ഇവിടെ ഇങ്ങനെയാണ് ; അഹമ്മദാബാദ് ചേരി ഒഴിയാന്‍ 45 കുടുംബങ്ങളോട്​ നിര്‍ദേശം

Loading...

അഹമ്മദാബാദ് ​: ഗുജറാത്തിലെ സര്‍ദാര്‍ വല്ലഭായ് പട്ടേല്‍ സ്റ്റേഡിയത്തിന് സമീപം ചേരി പ്രദേശത്ത് താമസിക്കുന്ന 45 കുടുംബങ്ങള്‍ക്ക് അഹമ്മദാബാദ് മുനിസിപ്പല്‍ കോര്‍പ്പറേഷന്‍ കുടിയൊഴിപ്പിക്കല്‍ നോട്ടീസ് അയച്ചതായി റിപ്പോര്‍ട്ട്്. ഇന്ത്യന്‍ എക്സ്പ്രസ് ആണ്​ ഇതു സംബന്ധിച്ച വാര്‍ത്ത പുറത്തുവിട്ടത്​.

ഏഴ്​ ദിവസത്തിനുള്ളില്‍ ചേരി ഒഴിഞ്ഞു പോകണമെന്നാണ്​ നോട്ടീസില്‍ നിര്‍ദ്ദേശിച്ചിരിക്കുന്നത്​. എന്നാല്‍ ഫെബ്രുവരി 11 തീയതി രേഖപ്പെടുത്തിയ നോട്ടീസ്​ ചേരി നിവാസികള്‍ക്ക്​ ഇന്നലെയാണ്​ നല്‍കിയിരിക്കുന്നത്​. നോട്ടീസ്​ പ്രകാരം ഇന്നാണ്​ ഒഴിയാനുള്ള അവസാന തീയതി. സ്​ത്രീകളും കുട്ടികളുമുള്‍പ്പെടെ 45 കുടുംബങ്ങളില്‍പെട്ട 200ഓളം ആളുകളാണ്​ കുടിയിറക്ക ഭീഷണി നേരിടുന്നത്​.

ഈ മാസം അവസാനം സ്റ്റേഡിയത്തില്‍ നടക്കുന്ന പരിപാടിയില്‍ യു.എസ്​ പ്രസിഡന്‍റ്​ ഡൊണാള്‍ഡ് ട്രംപ്​ പ​ങ്കെടുക്കുന്നുണ്ട്​. 24, 25 തീയതികളിലാണ്​ ട്രംപിന്‍െറ ഇന്ത്യ സന്ദര്‍ശനം. ഇതോടനുബന്ധിച്ചാണ്​ തങ്ങള്‍ക്ക്​ ഒഴിഞ്ഞു പോകാന്‍ നോട്ടീസ്​ നല്‍കിയതെന്ന്​ ചേരി നിവാസികള്‍ ആരോപിച്ചു.

ട്രൂവിഷന്‍ ന്യൂസ്‌ ടെലഗ്രാമില്‍ ലഭിക്കുവാന്‍ ഇവിടെ ക്ലിക്ക് ചെയ്യുക

ട്രംപിന്‍െറ വരവ്​ പ്രമാണിച്ച്‌​ പാതയോരത്തെ ചേരി മറയ്​ക്കാന്‍ സര്‍ദാര്‍ വല്ലഭായ്​ പ​ട്ടേല്‍ അന്താരാഷ്​ട്ര വിമാനത്താവളം മുതല്‍ ഇന്ദിര ബ്രിഡ്​ജ്​ വരെയുള്ള ഒന്നര കിലോമീറ്റര്‍ ദൂരം മതില്‍ പണിതുയര്‍ത്തുന്നത്​ വിവാദമായതിന്​ പിന്നാലെയാണ്​ പുതിയ നീക്കം. 22 വര്‍ഷത്തോളം ചേരിയില്‍ താമസിച്ചു വര​ുന്ന കുടുംബങ്ങള്‍ ഉള്‍പ്പെടെയുള്ളവരോടാണ്​ ഒഴിഞ്ഞു പോകാന്‍ നിര്‍ദേശിച്ചിരിക്കുന്നത്​. 65 കുടുംബങ്ങളാണ്​ ചേരിയില്‍ കഴിയുന്നത്​.

അതേസമയം, ചേരി നിലനില്‍ക്കുന്നത്​ നഗരസഭയുടെ അധീനതയിലുള്ള ഭൂമിയിലാണെന്നും നഗരാസൂത്രണത്തിന്‍െറ ഭാഗമായാണ്​ ‘കൈയേറ്റ ഭൂമിയില്‍’ നിന്ന്​ ക​ുടുംബങ്ങളോട്​ ഒഴിയാന്‍ നിര്‍ദ്ദേശം നല്‍കിയതെന്നുമാണ്​ നഗരസഭ നല്‍കു​ന്ന വിശദീകരണം.

തങ്ങളുടെ ബുദ്ധിമുട്ടുകളെ കുറിച്ച്‌​ പറഞ്ഞപ്പോള്‍ ‘നിങ്ങള്‍ എവി​േടക്ക്​ വേണമെങ്കിലും പോയ്​ക്കോളൂ’ എന്നാണ്​ അധികൃതര്‍ പറഞ്ഞതെന്ന്​ ചേരി നിവാസിയായ പങ്കജ്​ ദാമര്‍ ​പറയുന്നു. എല്ലാ കുടുംബങ്ങളിലും ചുരുങ്ങിയത്​ നാല്​ പേരെങ്കിലുമുണ്ട്​. ഈ കുറഞ്ഞ സമയത്തിനുള്ളില്‍ എങ്ങോട്ട്​ മറുമെന്നാണ്​ ചേരി നിവാസികള്‍ ചോദിക്കുന്നത്​.

ചുവടെ കൊടുക്കുന്ന അഭിപ്രായങ്ങള്‍ ട്രൂവിഷന്റെതല്ല . സോഷ്യല്‍ നെറ്റ്‌വര്‍ക്ക് വഴി ചര്‍ച്ചയില്‍ പങ്കെടുക്കുന്നവര്‍ അശ്ലീലമോ അസഭ്യമോ തെറ്റിദ്ധാരണാജനകമോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്. വ്യക്തികള്‍, മതസ്ഥാപനങ്ങള്‍ എന്നിവയ്‌ക്കെതിരേയുള്ള പരാമര്‍ശങ്ങള്‍ ഒഴിവാക്കേണ്ടതാണ്....ട്രൂവിഷന്‍ ടീം