കോട്ടയം: കരുനാഗപ്പള്ളിയില് പത്താം ക്ലാസ് വിദ്യാര്ഥിയായ മകന്റെ വേര്പാട് താങ്ങാനാകാതെ അമ്മ കുഴഞ്ഞു വീണ് മരിച്ചു. കുലശേഖരപുരം കോട്ടയ്ക്കുപുറം തേനേരില് വീട്ടില് മധുവിന്റ മകന് ആദിത്യനും (15) മധുവിന്റെ ഭാര്യ സന്ധ്യ(38)യുമാണ് ഒരേ ദിവസം മരിച്ചത്. ആദിത്യന് മരിച്ച് മണിക്കൂറുകള്ക്കുള്ളിലാണ് അമ്മയും മരിച്ചത്.
ചൊവ്വാഴ്ച രാവിലെയാണ് ആദിത്യനെ വീടിനു സമീപത്തെ മരത്തില് തൂങ്ങി മരിത്ത നിലയില് കണ്ടെത്തിയത്. ഉടന്തന്നെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. കുലശേഖരപുരം ഗവ. എച്ച്.എസ്.എസിലെ പത്താം ക്ലാസ് വിദ്യാര്ഥിയാണ് ആദിത്യന്.
മകന്റെ വിയോഗം താങ്ങാനാവാതെ വൈകീട്ട് ആറുമണിയോടെ സന്ധ്യ കുഴഞ്ഞു വീഴുകയായിരുന്നു. സന്ധ്യയെ ഉടന് തന്നെ ഓച്ചിറയിലെ സ്വകാര്യ ആശുപത്രിയില് എത്തിച്ചെങ്കിലും രാത്രി പത്തരയോടെ മരിച്ചു. ഇരുവരുടെയും മൃതദേഹം ബുധനാഴ്ച ഒരുമിച്ച് വീട്ടുവളപ്പില് സംസ്കരിച്ചു. അനന്തുവാണ് ആദിത്യന്റ സഹോദരന്.
The mother of a 10th class student, who could not bear the separation of her son, collapsed and died.