---
title: "അരിയിൽ ഷുക്കൂർ കേസ്: ജയരാജനും രാജേഷിനുമെതിരായ കള്ളക്കഥ തകർന്നെന്ന് എം വി ഗോവിന്ദൻ"
english_title: "Ariyil Shukoor Case: False Story Against P Jayarajan and T V Rajesh Collapsed, Says M V Govindan"
publisher: "truevisionnews.com"
canonical_url: "https://truevisionnews.com/news/392308/ariyil-shukoor-case-govindan-reacts-acquittal-new"
published_at: "2026-11-19T16:23:00+05:30"
category: "Politics"
language: "ml"
image: "https://cf.zdn.im/img/truevisionnews.com/0/image-uploads/6afed73477dd9_ariyil-shukoor-case-govindan-reacts-acquittal-new.jpg"
keywords: ["AriyilShukoorCase", "MVGovindan", "CPM", "KeralaNews", "CBICourt", "PJayarajan", "TVRajesh"]
---

# അരിയിൽ ഷുക്കൂർ കേസ്: ജയരാജനും രാജേഷിനുമെതിരായ കള്ളക്കഥ തകർന്നെന്ന് എം വി ഗോവിന്ദൻ

> **Lead Summary:** **തിരുവനന്തപുരം: **അരിയിൽ ഷുക്കൂർ കേസിൽ പി ജയരാജനും ടി വി രാജേഷിനുമെതിരായ കള്ളക്കഥ കോടതിയിൽ തകർന്നെന്ന് സിപിഎം ജില്ലാ സെക്രട്ടറി എം വി ഗോവിന്ദൻ. എറണാകുളത്തെ സിബിഐ പ്രത്യേക കോടതി ഇരുവരെയും വെറുതേവിട്ടതിന് പിന്നാലെയായിരുന്നു അദ്ദേഹത്തിന്റെ പ്രതികരണം.

## Article Content

**തിരുവനന്തപുരം: **അരിയിൽ ഷുക്കൂർ കേസിൽ പി ജയരാജനും ടി വി രാജേഷിനുമെതിരായ കള്ളക്കഥ കോടതിയിൽ തകർന്നെന്ന് സിപിഎം ജില്ലാ സെക്രട്ടറി എം വി ഗോവിന്ദൻ. എറണാകുളത്തെ സിബിഐ പ്രത്യേക കോടതി ഇരുവരെയും വെറുതേവിട്ടതിന് പിന്നാലെയായിരുന്നു അദ്ദേഹത്തിന്റെ പ്രതികരണം.

ലീഗും കോൺഗ്രസും ചേർന്നുണ്ടാക്കിയ കള്ളക്കഥയായിരുന്നു സിപിഎം നേതാക്കളെ പ്രതിചേർത്തതെന്ന് എം വി ഗോവിന്ദൻ പറഞ്ഞു. കേസിൽ കുറ്റക്കാരെന്ന് നിലവിൽ കണ്ടെത്തിയ 13 പേരും തുടർനിയമനടപടി സ്വീകരിക്കുമെന്നും പാർട്ടി അവർക്കൊപ്പം നിൽക്കുമെന്നും അദ്ദേഹം വ്യക്തമാക്കി. അവർ പാർട്ടിയുടെ പ്രധാന കേഡർമാരാണെന്നും ഗോവിന്ദൻ കൂട്ടിച്ചേർത്തു.

പത്മജ വേണുഗോപാൽ ബിജെപി വിട്ടത് കോൺഗ്രസിന്റെയും ബിജെപിയുടെയും ആഭ്യന്തരപ്രശ്നമാണെന്നും എം വി ഗോവിന്ദൻ പ്രതികരിച്ചു. കേരളത്തിലെ യുഡിഎഫ് ബിജെപിക്ക് വേണ്ടിയാണ് ഭരണം നടത്തുന്നതെന്നും ഇരുമുന്നണികളും തമ്മിൽ നൂൽവ്യത്യാസം പോലുമില്ലെന്നും അദ്ദേഹം പറഞ്ഞു. അവർ അങ്ങോട്ടും ഇങ്ങോട്ടും പോകുന്നത് സ്വാഭാവികമാണെന്നും ഗോവിന്ദൻ കൂട്ടിച്ചേർത്തു.

കണ്ണൂരിലെ യൂത്ത് ലീഗ് പ്രവർത്തകനും തളിപ്പറമ്പ് മണ്ഡലം എംഎസ്എഫ് ട്രഷററുമായിരുന്ന അരിയിൽ അബ്ദുൾ ഷുക്കൂറിനെ കൊലപ്പെടുത്തിയ കേസിൽ വ്യാഴാഴ്ചയാണ് കോടതി വിധി പറഞ്ഞത്. 13 പ്രതികളെ കുറ്റക്കാരെന്ന് കണ്ടെത്തിയ കോടതി, സിപിഎം സംസ്ഥാന സെക്രട്ടറിയേറ്റ് അംഗം പി ജയരാജൻ, സംസ്ഥാന സമിതി അംഗം ടി വി രാജേഷ്, സംസ്ഥാന സെക്രട്ടറി എം വി ഗോവിന്ദന്റെ മകൻ ശ്യാംജിത്ത് ഉൾപ്പെടെ 18 പ്രതികളെ വെറുതേവിട്ടു. പി ജയരാജനും ടി വി രാജേഷിനുമെതിരേ ഗൂഢാലോചനാക്കുറ്റമാണ് ചുമത്തിയിരുന്നത്.

കുറ്റക്കാരെന്ന് കണ്ടെത്തിയവരിൽ ഏഴ് പ്രതികൾക്ക് ജീവപര്യന്തം തടവാണ് കോടതി വിധിച്ചത്. ഒന്നാം പ്രതി കെ വി സുമേഷ്, മൂന്നാംപ്രതി അനൂപ്, ഏഴാംപ്രതി പവിത്രൻ, ഒൻപതാംപ്രതി പി വി മനോഹരൻ, പത്താംപ്രതി എം പി ദിനേശൻ എന്ന മൈന ദിനേശൻ, 12-ാം പ്രതി ബിജുമോൻ എന്ന വടി ബിജു, 15-ാം പ്രതി ഷിജിൽ മോഹൻ എന്നിവർക്കാണ് ജീവപര്യന്തം ലഭിച്ചത്. മൂന്നുവർഷം താഴെ ശിക്ഷ ലഭിച്ച ആറ് പ്രതികൾക്ക് കോടതി ജാമ്യവും അനുവദിച്ചു.

M V Govindan said the case against P Jayarajan and T V Rajesh in the Ariyil Shukoor murder case had collapsed in court, following their acquittal by the Ernakulam CBI special court. He also said the party would stand with the 13 convicts and described the allegations against CPM leaders as a fabricated story by the League and Congress.

### Related Links & Sources
- [Original Story Source](https://truevisionnews.com/news/392308/ariyil-shukoor-case-govindan-reacts-acquittal-new)