---
title: "പിതാവ് പലതവണ വിളിച്ചിട്ടും ഫോൺ എടുത്തില്ല; അന്വേഷിച്ചെത്തിയ സഹപ്രവർത്തകർ കണ്ടത് സർക്കാർ ക്വാർട്ടേഴ്സിൽ വനിതാ എസ്.ഐയെ മരിച്ച നിലയിൽ"
english_title: "Woman SI Found Dead in Government Quarters After Missing Father's Calls"
publisher: "truevisionnews.com"
canonical_url: "https://truevisionnews.com/news/392072/woman-si-found-dead-government-quarters"
published_at: "2026-11-18T08:13:00+05:30"
category: "Crime"
language: "ml"
image: "https://cf.zdn.im/img/truevisionnews.com/0/image-uploads/6afd117b4e55b_woman-si-found-dead-government-quarters.jpg"
keywords: ["PoliceIncident", "SubInspector", "GreaterNoida", "UttarPradeshPolice", "PostMortem"]
---

# പിതാവ് പലതവണ വിളിച്ചിട്ടും ഫോൺ എടുത്തില്ല; അന്വേഷിച്ചെത്തിയ സഹപ്രവർത്തകർ കണ്ടത് സർക്കാർ ക്വാർട്ടേഴ്സിൽ വനിതാ എസ്.ഐയെ മരിച്ച നിലയിൽ

> **Lead Summary:** നോയിഡ: ഗ്രേറ്റർ നോയിഡയിലെ ജാർച്ച പൊലീസ് സ്റ്റേഷനിലെ സബ് ഇൻസ്പെക്ടറായ 27കാരിയെ സർക്കാർ ക്വാർട്ടേഴ്സിലെ ശുചിമുറിയിൽ മരിച്ച നിലയിൽ കണ്ടെത്തി. ഉത്തർപ്രദേശ് പൊലീസിലെ 2023 ബാച്ച് ഉദ്യോഗസ്ഥയായ രശ്മി ഗൗതമാണ് മരിച്ചത്.

## Article Content

നോയിഡ: ഗ്രേറ്റർ നോയിഡയിലെ ജാർച്ച പൊലീസ് സ്റ്റേഷനിലെ സബ് ഇൻസ്പെക്ടറായ 27കാരിയെ സർക്കാർ ക്വാർട്ടേഴ്സിലെ ശുചിമുറിയിൽ മരിച്ച നിലയിൽ കണ്ടെത്തി. ഉത്തർപ്രദേശ് പൊലീസിലെ 2023 ബാച്ച് ഉദ്യോഗസ്ഥയായ രശ്മി ഗൗതമാണ് മരിച്ചത്.

ചൊവ്വാഴ്ച രാവിലെ രശ്മിയെ ഫോണിൽ വിളിച്ചിട്ട് കിട്ടാതിരുന്നതിനെ തുടർന്ന് പിതാവ് സഹപ്രവർത്തകരെ വിവരമറിയിക്കുകയായിരുന്നുവെന്ന് ജാർച്ച പൊലീസ് സ്റ്റേഷൻ ഇൻ-ചാർജ് കൈലാഷ് നാഥ് പറഞ്ഞു. തുടർന്ന് പൊലീസ് ഉദ്യോഗസ്ഥർ സ്റ്റേഷൻ വളപ്പിലുള്ള ക്വാർട്ടേഴ്സിലെത്തി പരിശോധിച്ചപ്പോഴാണ് രശ്മിയെ ശുചിമുറിയിൽ മരിച്ച നിലയിൽ കണ്ടെത്തിയത്.

‘പ്രാഥമിക നിഗമനത്തിൽ ഹൃദയാഘാതമാണ് മരണകാരണമെന്നാണ് സംശയിക്കുന്നത്. ശരീരത്തിൽ പരുക്കേറ്റ പാടുകളൊന്നുമില്ല. പോസ്റ്റ്‌മോർട്ടം റിപ്പോർട്ട് വന്നതിനു ശേഷമേ മരണത്തിന്റെ യഥാർഥ കാരണം വ്യക്തമാകൂ’ – കൈലാഷ് നാഥ് പറഞ്ഞു.

മൃതദേഹം പോസ്റ്റ്‌മോർട്ടത്തിനായി അയച്ചിട്ടുണ്ടെന്നും കുടുംബാംഗങ്ങളെ വിവരമറിയിച്ചതായും പൊലീസ് വ്യക്തമാക്കി. സംഭവത്തിൽ കൂടുതൽ അന്വേഷണം പുരോഗമിക്കുകയാണ്.

A 27-year-old sub-inspector was found dead in the bathroom of a government quarter in Greater Noida’s Jarch police station premises. Police said the family was alerted after she did not answer repeated calls, and the exact cause of death will be known after the post-mortem report.

### Related Links & Sources
- [Original Story Source](https://truevisionnews.com/news/392072/woman-si-found-dead-government-quarters)