---
title: "കേരളത്തിന്റെ മിനി സ്വിറ്റ്സർലൻഡ്: ശാന്തതയുടെ തീരമായ തട്ടേക്കാട്"
english_title: "Thattekad, Kerala’s Mini Switzerland and a Haven of Serenity"
publisher: "truevisionnews.com"
canonical_url: "https://truevisionnews.com/news/391981/thattekad-mini-switzerland-nature-getaway"
published_at: "2026-11-17T13:37:00+05:30"
category: "Travel"
language: "ml"
image: "https://cf.zdn.im/img/truevisionnews.com/0/image-uploads/6afc0f2c20016_thattekad-mini-switzerland-nature-getaway.jpg"
keywords: ["Thattekad", "KeralaTourism", "BirdSanctuary", "PeriyarRiver", "EcoTourism"]
---

# കേരളത്തിന്റെ മിനി സ്വിറ്റ്സർലൻഡ്: ശാന്തതയുടെ തീരമായ തട്ടേക്കാട്

> **Lead Summary:** **** അറബിക്കടലിന്റെ റാണിയായ എറണാകുളത്തിന്റെ കിഴക്കൻ മേഖലയിൽ, പെരിയാറിന്റെ തീരത്ത് പ്രകൃതി ഒരുക്കിയ സ്വർഗമാണ് തട്ടേക്കാട്. കേരളത്തിന്റെ മിനി സ്വിറ്റ്സർലൻഡ് എന്ന് സഞ്ചാരികൾ സ്നേഹത്തോടെ വിളിക്കുന്ന ഈ മനോഹരമായ വനപ്രദേശം, ഒരു യാത്രാപ്രേമിക്ക് വേണ്ടതെല്ലാം ഒത്തുചേരുന്ന ഇടമാണ്.

## Article Content

**** അറബിക്കടലിന്റെ റാണിയായ എറണാകുളത്തിന്റെ കിഴക്കൻ മേഖലയിൽ, പെരിയാറിന്റെ തീരത്ത് പ്രകൃതി ഒരുക്കിയ സ്വർഗമാണ് തട്ടേക്കാട്. കേരളത്തിന്റെ മിനി സ്വിറ്റ്സർലൻഡ് എന്ന് സഞ്ചാരികൾ സ്നേഹത്തോടെ വിളിക്കുന്ന ഈ മനോഹരമായ വനപ്രദേശം, ഒരു യാത്രാപ്രേമിക്ക് വേണ്ടതെല്ലാം ഒത്തുചേരുന്ന ഇടമാണ്.

ചുറ്റും കാട്, പച്ചപ്പിന്റെ പരവതാനി വിരിച്ചുകിടക്കുന്ന നിലം, അതിനിടയിലൂടെ ഒഴുകുന്ന നീർച്ചാലുകൾ. വിവിധയിനം സസ്യങ്ങളും ജീവജാലങ്ങളും പക്ഷികളും നിറഞ്ഞ പ്രകൃതിയുടെ സ്വന്തം ലോകം. അണക്കെട്ടും കുളങ്ങളും പുഴകളും വെള്ളച്ചാട്ടങ്ങളും ചേരുമ്പോൾ തട്ടേക്കാട് കൂടുതൽ ശാന്തസുന്ദരമാകുന്നു.

കേരളത്തിന്റെ വാണിജ്യ തലസ്ഥാനമായ കൊച്ചിയുടെ തിരക്കൊഴിയാത്ത നഗരവീഥികളിൽ നിന്ന് അധികം ദൂരെയല്ലാതെ, ശാന്തത നിറഞ്ഞ ജീവിതത്തെ ഓർമിപ്പിക്കുന്ന പോലെ ഈ പ്രദേശം നിലകൊള്ളുന്നു. തിരക്കുകളും ബഹളങ്ങളുമെല്ലാം മറന്ന് പ്രകൃതിയോട് ചേർന്നുനിൽക്കാൻ ഏറ്റവും അനുയോജ്യമായ ഇടമാണ് തട്ടേക്കാട്.

**എങ്ങനെ എത്താം?**

എറണാകുളം ജില്ലയിലെ കോതമംഗലത്തു നിന്ന് ഏകദേശം 12 കിലോമീറ്റർ അകലെയാണ് തട്ടേക്കാട് സ്ഥിതി ചെയ്യുന്നത്. കൊച്ചിയിൽ നിന്ന് റോഡ് മാർഗം ഏകദേശം 60 കിലോമീറ്റർ സഞ്ചരിച്ചാൽ ഇവിടെയെത്താം.

**പക്ഷികളുടെ സ്വർഗം**

തട്ടേക്കാടിന്റെ ഏറ്റവും വലിയ ആകർഷണം കേരളത്തിന്റെ ആദ്യത്തെ പക്ഷിസങ്കേതമാണ്. പ്രശസ്ത പക്ഷിശാസ്ത്രജ്ഞനായ ഡോ. സലിം അലി, ഇന്ത്യൻ ഉപദ്വീപിലെ ഏറ്റവും സമ്പന്നമായ പക്ഷികളുടെ ആവാസകേന്ദ്രമായി വിശേഷിപ്പിച്ച പ്രദേശമാണിത്.

270-ലധികം പക്ഷിയിനങ്ങളുടെ ആവാസകേന്ദ്രമായ ഇവിടെ അപൂർവവും ദേശാടനക്കാരുമായ നിരവധി പക്ഷികളെ കാണാം. മലബാർ ട്രോഗൺ, മലബാർ വേഴാമ്പൽ, ശ്രീലങ്കൻ ഫ്രോഗ്മൗത്ത്, മരംകൊത്തികൾ, കുയിൽ തുടങ്ങിയ പക്ഷികൾ ഈ വനമേഖലയുടെ ഭാഗമാണ്.

പുലർച്ചെ കാട്ടിനുള്ളിലെ പക്ഷിനിരീക്ഷണം തട്ടേക്കാട് യാത്രയിലെ മറക്കാനാവാത്ത അനുഭവമായിരിക്കും.

**കാട്ടിലൂടെ ഒരു നടത്തം**

പക്ഷിനിരീക്ഷണത്തിന് പുറമെ, വനത്തിലൂടെയുള്ള നടത്തവും ട്രെക്കിങ്ങും തട്ടേക്കാടിന്റെ മറ്റൊരു ആകർഷണമാണ്. കാട്ടുപാതകളിലൂടെ നടക്കുമ്പോൾ ചിത്രശലഭങ്ങളെയും വിവിധയിനം സസ്യങ്ങളെയും ചെറുജീവികളെയും കാണാം.

പെരിയാർ നദിയിലൂടെയുള്ള ബോട്ടിങ് മറ്റൊരു അനുഭവമാണ്. നദിയുടെ ഒഴുക്കിനൊപ്പം, ഇരുകരകളിലെയും പച്ചപ്പ് ആസ്വദിച്ചുള്ള യാത്ര സഞ്ചാരികൾക്ക് പുതിയ ഊർജം നൽകും.

**ഭൂതത്താൻകെട്ടും സമീപ കാഴ്ചകളും**

തട്ടേക്കാട് യാത്രയിൽ ഉൾപ്പെടുത്താവുന്ന മറ്റൊരു പ്രധാന വിനോദസഞ്ചാര കേന്ദ്രമാണ് ഭൂതത്താൻകെട്ട്. ഭൂതങ്ങൾ രാത്രിയിൽ നിർമിച്ചതെന്ന് വിശ്വസിക്കപ്പെടുന്ന കല്ലുകൊണ്ടുള്ള തടയണയിൽ നിന്നാണ് ഭൂതത്താൻകെട്ട് എന്ന പേര് ഉണ്ടായതെന്നാണ് ഐതിഹ്യം.

വടക്കേപ്പുറം വെള്ളച്ചാട്ടം, ഉരുളൻതണ്ണി, പാറക്കുളം എന്നിവയാണ് മറ്റു സഞ്ചാര കേന്ദ്രങ്ങൾ.

ഒരു ദിവസത്തെ യാത്രയ്ക്കും, രണ്ടു ദിവസം തങ്ങി പ്രകൃതിയെ അടുത്തറിയാനും ഒരുപോലെ പറ്റിയ ഇടമാണ് തട്ടേക്കാട്. കാടിന്റെ മണം, പക്ഷികളുടെ പാട്ട്, പെരിയാറിന്റെ കുളിർമ്മ... തട്ടേക്കാട് നിങ്ങളെ കാത്തിരിക്കുന്നു.

Thattekad in Ernakulam is being highlighted as a serene nature getaway often called Kerala’s Mini Switzerland. Known as the state’s first bird sanctuary, it offers birdwatching, trekking, boating on the Periyar, and access to nearby attractions like Bhoothathankettu.

### Related Links & Sources
- [Original Story Source](https://truevisionnews.com/news/391981/thattekad-mini-switzerland-nature-getaway)