---
title: "ഇന്ധനവില ഉടൻ കുറയ്ക്കാനാകില്ലെന്ന് സുരേഷ് ഗോപി; എണ്ണക്കമ്പനികൾ 42,000 കോടി നഷ്ടത്തിലെന്ന് വിശദീകരണം"
english_title: "Fuel Prices Cannot Be Cut Soon, Says Suresh Gopi; Oil Firms Face ₹42,000 Crore Loss"
publisher: "truevisionnews.com"
canonical_url: "https://truevisionnews.com/news/391816/fuel-prices-cannot-be-cut-soon"
published_at: "2026-11-16T11:40:00+05:30"
category: "Politics"
language: "ml"
image: "https://cf.zdn.im/img/truevisionnews.com/0/image-uploads/6afaa21e5cc48_fuel-prices-cannot-be-cut-soon.jpg"
keywords: ["FuelPrices", "SureshGopi", "OilCompanies", "PetrolDiesel", "EnergyPolicy"]
---

# ഇന്ധനവില ഉടൻ കുറയ്ക്കാനാകില്ലെന്ന് സുരേഷ് ഗോപി; എണ്ണക്കമ്പനികൾ 42,000 കോടി നഷ്ടത്തിലെന്ന് വിശദീകരണം

> **Lead Summary:** **ചെന്നൈ: **രാജ്യത്ത് പെട്രോൾ, ഡീസൽ വില ഉടനൊന്നും കുറയ്ക്കാൻ സാധിക്കില്ലെന്ന് കേന്ദ്രമന്ത്രി സുരേഷ് ഗോപി വ്യക്തമാക്കി. ചെന്നൈയിൽ മാധ്യമങ്ങളോട് സംസാരിക്കുകയായിരുന്നു അദ്ദേഹം. വില കുറയ്ക്കുന്നതിന് മുൻപ് എണ്ണവിതരണ കമ്പനികൾ നേരിടുന്ന വലിയ സാമ്പത്തിക നഷ്ടം കൂടി കണക്കിലെടുക്കേണ്ടതുണ്ടെന്ന് അദ്ദേഹം പറഞ്ഞു.

## Article Content

**ചെന്നൈ: **രാജ്യത്ത് പെട്രോൾ, ഡീസൽ വില ഉടനൊന്നും കുറയ്ക്കാൻ സാധിക്കില്ലെന്ന് കേന്ദ്രമന്ത്രി സുരേഷ് ഗോപി വ്യക്തമാക്കി. ചെന്നൈയിൽ മാധ്യമങ്ങളോട് സംസാരിക്കുകയായിരുന്നു അദ്ദേഹം. വില കുറയ്ക്കുന്നതിന് മുൻപ് എണ്ണവിതരണ കമ്പനികൾ നേരിടുന്ന വലിയ സാമ്പത്തിക നഷ്ടം കൂടി കണക്കിലെടുക്കേണ്ടതുണ്ടെന്ന് അദ്ദേഹം പറഞ്ഞു.

> "ഇന്ധനവില കുറയണമെന്ന ആഗ്രഹം നമുക്കെല്ലാവർക്കുമുണ്ട്. പക്ഷേ, സാങ്കേതികമായി ഇപ്പോൾ അത് സാധ്യമല്ല. എണ്ണവിതരണ കമ്പനികൾ ഇതുവരെ 42,000 കോടി രൂപയുടെ നഷ്ടം നേരിട്ടുകഴിഞ്ഞു. ഈ നഷ്ടം നികത്തേണ്ടതുണ്ട്," സുരേഷ് ഗോപി വിശദീകരിച്ചു. പശ്ചിമേഷ്യയിലെ സംഘർഷങ്ങളും എണ്ണവിതരണ ശൃംഖലയിലുണ്ടായ പ്രതിസന്ധികളുമാണ് ആഗോളതലത്തിൽ വില ഉയർന്നുനിൽക്കാൻ കാരണമായത്.

ഈ പ്രശ്നങ്ങൾ പരിഹരിക്കാൻ കേന്ദ്രസർക്കാർ സജീവമായി പരിശ്രമിക്കുന്നുണ്ട്. കൂടാതെ, ജനങ്ങൾക്ക് ആശ്വാസമേകാൻ ഓരോ സംസ്ഥാനത്തിനും ഇന്ധന നികുതി കുറയ്ക്കാവുന്നതാണെന്നും അദ്ദേഹം ചൂണ്ടിക്കാട്ടി. അതേസമയം, അന്താരാഷ്ട്ര വിപണിയിൽ അസംസ്കൃത എണ്ണവില കുറഞ്ഞതോടെ എണ്ണക്കമ്പനികളുടെ വിൽപന നഷ്ടത്തിൽ ഗണ്യമായ കുറവുണ്ടായതായി ബ്രോക്കറേജ് സ്ഥാപനമായ ജെഫറീസ് കഴിഞ്ഞ ദിവസം റിപ്പോർട്ട് ചെയ്തിരുന്നു.

ഒക്ടോബറിൽ 15 ദിവസത്തെ ശരാശരി നഷ്ടം പെട്രോൾ ലിറ്ററിന് 22 രൂപയും ഡീസൽ ലിറ്ററിന് 28 രൂപയുമായിരുന്നു. നിലവിൽ ഇത് പെട്രോളിന് 12 രൂപയിലേക്കും ഡീസലിന് 27 രൂപയിലേക്കും കുറഞ്ഞെന്നാണ് റിപ്പോർട്ട് വ്യക്തമാക്കുന്നത്. ഒക്ടോബറിൽ ഇന്ത്യയുടെ ക്രൂഡോയിൽ വാങ്ങൽച്ചെലവ് (ഇന്ത്യൻ ബാസ്കറ്റ്) ബാരലിന് 120 ഡോളറായിരുന്നു. ഇപ്പോഴത് 97 ഡോളറിലേക്ക് താഴ്ന്നതാണ് എണ്ണക്കമ്പനികളുടെ നഷ്ടം കുറയാൻ കാരണമായതെന്നും ജെഫറീസ് റിപ്പോർട്ടിൽ പറയുന്നു.

Union Minister Suresh Gopi said petrol and diesel prices cannot be reduced immediately, citing heavy losses faced by oil marketing companies. He added that states can also consider cutting fuel taxes to ease the burden on consumers.

### Related Links & Sources
- [Original Story Source](https://truevisionnews.com/news/391816/fuel-prices-cannot-be-cut-soon)