---
title: "അപേക്ഷിക്കാൻ മറക്കല്ലേ.. അക്കൗണ്ടിലേക്ക് എത്തുക 70,000 രൂപ...! പെൺകുട്ടികളുടെ വിവാഹത്തിന് വൻ സാമ്പത്തിക സഹായവുമായി സർക്കാർ"
english_title: "Apply Now for ₹70,000 Wedding Aid for Girls Under Mangalya Samunnathi"
publisher: "truevisionnews.com"
canonical_url: "https://truevisionnews.com/news/391279/mangalya-samunnathi-wedding-aid-kerala"
published_at: "2026-11-12T11:30:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6af55773415a2_mangalya-samunnathi-wedding-aid-kerala.jpg"
keywords: ["MangalyaSamunnathi", "KeralaGovernment", "WeddingAid", "ForwardCommunities", "KeralaScheme"]
---

# അപേക്ഷിക്കാൻ മറക്കല്ലേ.. അക്കൗണ്ടിലേക്ക് എത്തുക 70,000 രൂപ...! പെൺകുട്ടികളുടെ വിവാഹത്തിന് വൻ സാമ്പത്തിക സഹായവുമായി സർക്കാർ

> **Lead Summary:** **തിരുവനന്തപുരം: **മുന്നാക്ക സമുദായങ്ങളിലെ സാമ്പത്തികമായി പിന്നാക്കം നിൽക്കുന്ന കുടുംബങ്ങളിലെ പെൺകുട്ടികളുടെ വിവാഹ ചെലവുകൾക്കായി സർക്കാർ നൽകുന്ന 'മംഗല്യ സമുന്നതി' ധനസഹായ പദ്ധതിയിലേക്ക് ഇപ്പോൾ അപേക്ഷിക്കാം. അർഹരായ ഗുണഭോക്താക്കൾക്ക് ഒറ്റത്തവണയായി 70,000 രൂപയാണ് സാമ്പത്തിക സഹായമായി ലഭിക്കുന്നത്.

## Article Content

**തിരുവനന്തപുരം: **മുന്നാക്ക സമുദായങ്ങളിലെ സാമ്പത്തികമായി പിന്നാക്കം നിൽക്കുന്ന കുടുംബങ്ങളിലെ പെൺകുട്ടികളുടെ വിവാഹ ചെലവുകൾക്കായി സർക്കാർ നൽകുന്ന 'മംഗല്യ സമുന്നതി' ധനസഹായ പദ്ധതിയിലേക്ക് ഇപ്പോൾ അപേക്ഷിക്കാം. അർഹരായ ഗുണഭോക്താക്കൾക്ക് ഒറ്റത്തവണയായി 70,000 രൂപയാണ് സാമ്പത്തിക സഹായമായി ലഭിക്കുന്നത്.

കേരള സംസ്ഥാന മുന്നാക്ക സമുദായ ക്ഷേമ കോർപ്പറേഷന്റെ (സമുന്നതി) നേതൃത്വത്തിലാണ് ഈ പദ്ധതി നടപ്പിലാക്കുന്നത്. അപേക്ഷിക്കാൻ താല്പര്യമുള്ളവർക്ക് നവംബർ 30 വരെ കോർപ്പറേഷന്റെ ഔദ്യോഗിക വെബ്സൈറ്റായ https://kswcfc.org/ സന്ദർശിച്ച് ഓൺലൈനായി അപേക്ഷ സമർപ്പിക്കാവുന്നതാണ്.

പ്രധാന നിബന്ധനകൾ

• വരുമാന പരിധി: കുടുംബത്തിന്റെ വാർഷിക വരുമാനം 1 ലക്ഷം രൂപയിൽ കവിയാൻ പാടില്ല.

• റേഷൻ കാർഡ്: മുൻഗണനാ വിഭാഗത്തിലോ എ.വൈ.എവൈ വിഭാഗത്തിലോ ഉള്ളവരായിരിക്കണം.

• പ്രായപരിധി: വിവാഹിതയാകുന്ന പെൺകുട്ടിക്ക് നിശ്ചിത പ്രായപരിധി ഉണ്ടായിരിക്കണം (പെൺകുട്ടികളുടെ വിവാഹ പ്രായം നിയമപ്രകാരം 18/21 വയസ്). മാതാപിതാക്കൾ നഷ്ടപ്പെട്ട കുട്ടികൾക്ക് സ്വന്തം പേരിൽ അപേക്ഷിക്കാം.

ആവശ്യമായ രേഖകൾ

• വിവാഹ സർട്ടിഫിക്കറ്റിന്റെ പകർപ്പ്

• വരുമാന സർട്ടിഫിക്കറ്റ്

• പെൺകുട്ടിയുടെ ജാതി തെളിയിക്കുന്ന സർട്ടിഫിക്കറ്റ്

The Kerala State Welfare Corporation for Forward Communities is inviting applications for its Mangalya Samunnathi scheme, which offers a one-time assistance of ₹70,000 for the wedding expenses of economically weaker girls from forward communities. Eligible applicants can apply online through the corporation’s website until November 30.

### Related Links & Sources
- [Original Story Source](https://truevisionnews.com/news/391279/mangalya-samunnathi-wedding-aid-kerala)