---
title: "കഠാരകൊണ്ട് കുത്തിക്കൊന്നു, മാറിടം മുറിച്ചെടുത്ത് വീട്ടിൽ കൊണ്ടുപോയി; സെലീന കൊലക്കേസിൽ ഗിരോഷിന് ജീവപര്യന്തം തടവും പിഴയും"
english_title: "Selina Murder Case: Girosh Gets Life Sentence and Fine"
publisher: "truevisionnews.com"
canonical_url: "https://truevisionnews.com/news/391266/selena-murder-case-girosh-life-sentence-new-"
published_at: "2026-11-12T09:59:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6af541feaba92_selena-murder-case-girosh-life-sentence-new-.jpg"
keywords: ["SelinaMurderCase", "Girosh", "KeralaCrime", "IdukkiNews", "CourtVerdict", "SelenaMurderCase", "LifeImprisonment", "KeralaCourt", "MurderVerdict"]
---

# കഠാരകൊണ്ട് കുത്തിക്കൊന്നു, മാറിടം മുറിച്ചെടുത്ത് വീട്ടിൽ കൊണ്ടുപോയി; സെലീന കൊലക്കേസിൽ ഗിരോഷിന് ജീവപര്യന്തം തടവും പിഴയും

> **Lead Summary:** **ആലപ്പുഴ: **സെലീന കൊലക്കേസിൽ പ്രതിയായ തൊടുപുഴ വണ്ടമറ്റം പടിക്കുഴയിൽ ഗിരോഷിന് ജീവപര്യന്തം തടവും പിഴയും. തൊടുപുഴ പ്രിൻസിപ്പൽ ജില്ലാ ജഡ്ജി സനു എസ്. പണിക്കറാണ് കൊലപാതകം, വീട്ടിൽ അതിക്രമിച്ച് കടക്കൽ, കവർച്ച എന്നീ കുറ്റങ്ങൾക്കാണ് ശിക്ഷ വിധിച്ചത്. അടിമാലി ഇരുമ്പുപാലം പതിനാലാംമൈൽ ചരുവിള പുത്തൻവീട്ടിൽ സെലീനയെ ആണ് 2017 ഒക്ടോബർ 10-ന് പ്രതി കൊലപ്പെടുത്തിയത്.

## Article Content

**ആലപ്പുഴ: **സെലീന കൊലക്കേസിൽ പ്രതിയായ തൊടുപുഴ വണ്ടമറ്റം പടിക്കുഴയിൽ ഗിരോഷിന് ജീവപര്യന്തം തടവും പിഴയും. തൊടുപുഴ പ്രിൻസിപ്പൽ ജില്ലാ ജഡ്ജി സനു എസ്. പണിക്കറാണ് കൊലപാതകം, വീട്ടിൽ അതിക്രമിച്ച് കടക്കൽ, കവർച്ച എന്നീ കുറ്റങ്ങൾക്കാണ് ശിക്ഷ വിധിച്ചത്. അടിമാലി ഇരുമ്പുപാലം പതിനാലാംമൈൽ ചരുവിള പുത്തൻവീട്ടിൽ സെലീനയെ ആണ് 2017 ഒക്ടോബർ 10-ന് പ്രതി കൊലപ്പെടുത്തിയത്.

മുൻവിരോധമാണ് കേസിന് പിന്നിലെന്നാണ് കോടതി രേഖപ്പെടുത്തിയിരിക്കുന്നത്. 2015-ൽ തുടങ്ങിയ ബന്ധവൈരവും സാമ്പത്തിക തർക്കങ്ങളുമാണ് കൊലപാതകത്തിലേക്ക് നയിച്ചതെന്ന് അന്വേഷണത്തിൽ വ്യക്തമായി. പ്രോസിക്യൂഷൻ പറയുന്നതനുസരിച്ച്, ഗിരോഷ് സെലീനയുടെ വീട്ടിലെത്തി കഠാര ഉപയോഗിച്ച് കഴുത്തിൽ പലപ്രാവശ്യം കുത്തി. പിന്നീട് ഉച്ചകഴിഞ്ഞ് മൂന്നോടെ തിരിച്ചെത്തി സെലീനയുടെ ഇടതുമാറിടം മുറിച്ച് ബാഗിലാക്കി തൊടുപുഴയിലെ വീട്ടിലേക്കു പോയി.

സെലീനയുടെ ഭർത്താവ്, മത്സ്യവ്യാപാരിയായ സിയാദ്, രാത്രി വീട്ടിലെത്തിയപ്പോഴാണ് മൃതദേഹം കണ്ടെത്തിയത്. കേസിൽ നിർണായകമായത് മണ്ണ് തെളിവും സി.സി.ടി.വി. ദൃശ്യങ്ങളുമായിരുന്നു. പ്രതി ഗിരോഷിന്റെ ചെരിപ്പിനടിയിൽ നിന്ന് ലഭിച്ച മണ്ണും സെലീനയുടെ വീടിന്റെ പരിസരത്തുനിന്ന് ശേഖരിച്ച മണ്ണും ശാസ്ത്രീയ പരിശോധനയിൽ സാമ്യമുള്ളതാണെന്ന് കണ്ടെത്തി.

വീടിന് സമീപമുള്ള സ്പൈസസ് സ്ഥാപനത്തിലെ സി.സി.ടി.വി. ദൃശ്യങ്ങളിൽ സംഭവദിവസം പ്രതി രണ്ടുതവണ ബൈക്കിൽ വീട്ടിലേക്ക് പോകുന്നത് പതിഞ്ഞു. പ്രോസിക്യൂഷൻ 34 സാക്ഷികളെ വിസ്തരിച്ചു. 41 പ്രമാണങ്ങളും 15 തൊണ്ടിമുതലുകളും ഹാജരാക്കി. അടിമാലി സി.ഐ. ആയിരുന്ന പി.കെ. സാബുവിന്റെ നേതൃത്വത്തിലുള്ള സംഘമാണ് കേസ് അന്വേഷിച്ചത്. ടവർ ലൊക്കേഷനും ദൃശ്യങ്ങളും അടിസ്ഥാനമാക്കി പടിഞ്ഞാറേ കോടിക്കുളത്തുനിന്ന് പ്രതിയെ കസ്റ്റഡിയിലെടുത്തതായി അന്വേഷണത്തിൽ പറയുന്നു.

Girosh, 39, has been sentenced to life imprisonment and fined in the Selena murder case by the Idukki Principal District Court. The court found him guilty of murder, house trespass and robbery in connection with the 2017 killing of Selena in Adimali.

Investigators relied on soil evidence, CCTV footage and tower location data to establish the case. The prosecution examined 34 witnesses and produced 41 documents and 15 material objects before the verdict.

### Related Links & Sources
- [Original Story Source](https://truevisionnews.com/news/391266/selena-murder-case-girosh-life-sentence-new-)