---
title: "മക്കൾ മൂന്നുപേരും വിദേശത്ത്; ഫ്ലാറ്റിൽ തനിച്ച് താമസിച്ചിരുന്ന മലയാളി വയോധിക കൊല്ലപ്പെട്ട നിലയിൽ, കൈകാലുകൾ കെട്ടിയിട്ട നിലയിൽ മൃതദേഹം"
english_title: "Malayali Elder Found Murdered in Flat in Khopoli; Children Abroad"
publisher: "truevisionnews.com"
canonical_url: "https://truevisionnews.com/news/391244/malayali-elder-murdered-khopoli-flat"
published_at: "2026-11-12T07:40:00+05:30"
category: "Crime"
language: "ml"
image: "https://cf.zdn.im/img/truevisionnews.com/0/image-uploads/6af520935b884_malayali-elder-murdered-khopoli-flat.jpg"
keywords: ["MalayaliElder", "MurderInvestigation", "KhopoliPolice", "KeralaDiaspora", "CrimeNews"]
---

# മക്കൾ മൂന്നുപേരും വിദേശത്ത്; ഫ്ലാറ്റിൽ തനിച്ച് താമസിച്ചിരുന്ന മലയാളി വയോധിക കൊല്ലപ്പെട്ട നിലയിൽ, കൈകാലുകൾ കെട്ടിയിട്ട നിലയിൽ മൃതദേഹം

> **Lead Summary:** മുംബൈ: പൻവേലിനടുത്തു ഖൊപ്പോളിയിൽ തനിച്ചു താമസിച്ചിരുന്ന മലയാളിയെ ഫ്ലാറ്റിൽ കൊല്ലപ്പെട്ട നിലയിൽ കണ്ടെത്തി. ആലപ്പുഴ അമ്പലപ്പുഴ കരുമാടി ആറ്റുകടവിൽ മഹേശ്വരി രാമചന്ദ്രനെയാണു ഭാൻവജിലെ കാർമൽ സ്കൂളിനു പിന്നിലുള്ള ഇന്ദ്രപ്രസ്ഥ ബിൽഡിങ്ങിലെ നാലാം നമ്പർ ഫ്ലാറ്റിൽ കൊല്ലപ്പെട്ട നിലയിൽ കണ്ടെത്തിയത്.

## Article Content

മുംബൈ: പൻവേലിനടുത്തു ഖൊപ്പോളിയിൽ തനിച്ചു താമസിച്ചിരുന്ന മലയാളിയെ ഫ്ലാറ്റിൽ കൊല്ലപ്പെട്ട നിലയിൽ കണ്ടെത്തി. ആലപ്പുഴ അമ്പലപ്പുഴ കരുമാടി ആറ്റുകടവിൽ മഹേശ്വരി രാമചന്ദ്രനെയാണു ഭാൻവജിലെ കാർമൽ സ്കൂളിനു പിന്നിലുള്ള ഇന്ദ്രപ്രസ്ഥ ബിൽഡിങ്ങിലെ നാലാം നമ്പർ ഫ്ലാറ്റിൽ കൊല്ലപ്പെട്ട നിലയിൽ കണ്ടെത്തിയത്.

കൈകാലുകൾ കെട്ടിയിട്ട, രക്തം വാർന്ന നിലയിലായിരുന്നു മൃതദേഹം കണ്ടെത്തിയതെന്നാണു വിവരം. ഖൊപ്പോളി പൊലീസ് സ്ഥലത്തെത്തി ഇൻക്വസ്റ്റ് നടപടികൾ പൂർത്തിയാക്കി. മൃതദേഹം പോസ്റ്റ്മോർട്ടത്തിനായി ഖാലാപുർ ആശുപത്രിയിലേക്കു മാറ്റി.

ഫൊറൻസിക് സംഘം പരിശോധന നടത്തി. പരേതനായ വൈപ്പുശ്ശേരി രാമചന്ദ്ര പണിക്കരുടെ ഭാര്യയാണു മഹേശ്വരി. സന്ധ്യ, വിനോദ്, മനോജ് എന്നിവരാണു മക്കൾ. മൂന്നു മക്കളും വിദേശത്തായതിനാൽ മഹേശ്വരി ഫ്ലാറ്റിൽ തനിച്ചായിരുന്നു താമസിച്ചിരുന്നത്.

അന്വേഷണം പുരോഗമിക്കുകയാണെന്നും പോസ്റ്റ്മോർട്ടം റിപ്പോർട്ട് വന്നാല്‍ മാത്രമേ കൂടുതൽ വിവരങ്ങൾ ലഭിക്കുകയുള്ളൂ എന്നും പൊലീസ് അറിയിച്ചു.

A 71-year-old Malayali woman, Maheshwari Ramachandran, was found murdered in her flat near Khopoli in Maharashtra. Police said her hands and feet were tied, and the body was discovered in a bloodied condition as the investigation continues.

### Related Links & Sources
- [Original Story Source](https://truevisionnews.com/news/391244/malayali-elder-murdered-khopoli-flat)