---
title: "പെട്രോളിൽ എഥനോൾ കൂടുന്നുണ്ടോ? കേരളത്തിലെ പമ്പുകളിൽ പരിശോധന തുടങ്ങി; ജനങ്ങളുടെ ആശങ്ക പരിഹരിക്കലാണ് പ്രധാനമെന്ന് മന്ത്രി അനൂപ് ജേക്കബ്"
english_title: "Ethanol Checks Begin at Kerala Fuel Pumps Amid Public Concern"
publisher: "truevisionnews.com"
canonical_url: "https://truevisionnews.com/news/390862/kerala-petrol-ethanol-checks-begin"
published_at: "2026-11-09T12:55:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6af17655e82a6_kerala-petrol-ethanol-checks-begin.jpg"
keywords: ["EthanolCheck", "PetrolQuality", "KeralaPumps", "FuelInspection", "AnoopJacob"]
---

# പെട്രോളിൽ എഥനോൾ കൂടുന്നുണ്ടോ? കേരളത്തിലെ പമ്പുകളിൽ പരിശോധന തുടങ്ങി; ജനങ്ങളുടെ ആശങ്ക പരിഹരിക്കലാണ് പ്രധാനമെന്ന് മന്ത്രി അനൂപ് ജേക്കബ്

> **Lead Summary:** തിരുവനന്തപുരം: പെട്രോളിലെ എഥനോളിന്റെ അളവ് അറിയാൻ കേരളത്തിലും പരിശോധന തുടങ്ങി. കർണാടകയിൽ എഥനോൾ അളവ് കൂടുതലാണെന്ന കണ്ടെത്തലിന് പിന്നാലെയാണ് കേരളത്തിലെ നാല് ജില്ലകളിൽ പരിശോധന നടത്തുന്നത്.

## Article Content

തിരുവനന്തപുരം: പെട്രോളിലെ എഥനോളിന്റെ അളവ് അറിയാൻ കേരളത്തിലും പരിശോധന തുടങ്ങി. കർണാടകയിൽ എഥനോൾ അളവ് കൂടുതലാണെന്ന കണ്ടെത്തലിന് പിന്നാലെയാണ് കേരളത്തിലെ നാല് ജില്ലകളിൽ പരിശോധന നടത്തുന്നത്.

തിരുവനന്തപുരം, എറണാകുളം, കോഴിക്കോട്, കണ്ണൂർ ജില്ലകളിലെ പമ്പുകളിൽ രാവിലെയോടെ പരിശോധന നടന്നു. ആറു സാമ്പിളുകളാണ് ശേഖരിച്ചത്. ഓയിൽ കമ്പനികളുടെ പ്രതിനിധികളുടെ സാന്നിധ്യത്തിൽ ആയിരുന്നു സാമ്പിൾ ശേഖരണം.

മുൻവിധിയോടെയുള്ള പരിശോധനയല്ലെന്നും എന്നാൽ എഥനോൾ കൂടുതൽ ഉണ്ടെങ്കിൽ പ്രോസിക്യൂഷൻ നടപടികൾ സ്വീകരിക്കുമെന്നും ഭക്ഷ്യ പൊതുവിതരണ വകുപ്പ് മന്ത്രി അനൂപ് ജേക്കബ് പറഞ്ഞു.

കർണാടക സർക്കാർ നടത്തിയ പരിശോധനയിൽ 31 ശതമാനം വരെ എഥനോൾ പെട്രോളിൽ ഉള്ളതായി കണ്ടെത്തിയിരുന്നു. ഇതിനു പിന്നാലെയാണ് മുഖ്യമന്ത്രി വി ഡി സതീശനും ഭക്ഷ്യ പൊതുവിതരണ വകുപ്പ് മന്ത്രിയും തമ്മിൽ ചർച്ച നടത്തി കേരളത്തിൽ പരിശോധനയ്ക്ക് തീരുമാനിച്ചത്.

തിരുവനന്തപുരം, എറണാകുളം, കോഴിക്കോട്, കണ്ണൂർ ജില്ലകളിലെ പമ്പുകളിൽ രാവിലെയോടെ പരിശോധന നടന്നു. ആറു സാമ്പിളുകളാണ് ശേഖരിച്ചത്. ഓയിൽ കമ്പനികളുടെ പ്രതിനിധികളുടെ സാന്നിധ്യത്തിൽ ആയിരുന്നു സാമ്പിൾ ശേഖരണം.

പരിശോധന ഫലം ലഭിക്കുന്ന മുറയ്ക്കാകും തുടർ നടപടി. എഥനോൾ അളവ് കൂടുതലുണ്ടെങ്കിൽ കോടതിയെ സമീപിക്കാനാണ് സംസ്ഥാന സർക്കാർ നീക്കം. ഇക്കാര്യം മന്ത്രി അനൂപ് ജേക്കബ് തന്നെ വ്യക്തമാക്കി. പെട്രോളിൽ എഥനോൾ കലർത്തുന്നതിൽ നേരത്തെ തന്നെ വിമർശനമുണ്ട്.

മൈലേജ് കുറയുന്നു, വാഹന തകരാർ സംഭവിക്കുന്നു തുടങ്ങി പരാതികളുണ്ടെന്നും മന്ത്രി വിവരിച്ചു. ഇക്കാര്യത്തിൽ ജനങ്ങളുടെ ആശങ്ക പരിഹരിക്കലാണ് പ്രധാനം. അതിനാണ് സാമ്പിൾ പരിശോധന നടത്തുന്നതെന്നും പരിശോധന ഫലം വരുമ്പോൾ സത്യം അറിയാനാകുമെന്നും അനൂപ് ജേക്കബ് കൂട്ടിച്ചേർത്തു.

അതേസമയം എഥനോൾ അളവ് കൂടുതലെന്നുള്ള കർണാടകയുടെ കണ്ടെത്തൽ ദേശീയതലത്തിൽ തന്നെ തർക്കത്തിന് വഴി വച്ചിട്ടുണ്ട്. കർണാടക സർക്കാരിന്റെ പരിശോധന ഫലത്തെ കേന്ദ്ര സർക്കാർ തള്ളിക്കളഞ്ഞിരിക്കുകയാണ്.

പെട്രോളിയം കമ്പനികളും തള്ളിയിട്ടുണ്ട്. അളവ് ശാസ്ത്രീയമല്ലെന്ന വിമർശനമാണ് ഇവർ മുന്നോട്ട് വച്ചിരിക്കുന്നത്. അതിനാൽ തന്നെ കേരളത്തിലെ പരിശോധന ഫലം എന്താണെന്നറിയാൻ ദേശീയതലത്തിലും ആകാംക്ഷയാണ്.

Kerala has begun checking petrol pumps in four districts to measure ethanol content, following Karnataka’s claim of unusually high levels in fuel. Minister Anoop Jacob said the inspections are meant to ease public concern and that legal action may follow if excess ethanol is found.

### Related Links & Sources
- [Original Story Source](https://truevisionnews.com/news/390862/kerala-petrol-ethanol-checks-begin)