---
title: "'വോട്ടർമാരുടെ അവകാശം കവർന്നെടുക്കുന്നു'; തെരഞ്ഞെടുപ്പ് കമ്മീഷണറെ പുറത്താക്കുന്നത് വരെ സമരം തുടരുമെന്ന് കെ.സി വേണുഗോപാൽ"
english_title: "Congress to Continue Protest Until Election Commissioner Is Removed"
publisher: "truevisionnews.com"
canonical_url: "https://truevisionnews.com/news/390762/congress-protest-election-commissioner-removed-new"
published_at: "2026-11-08T14:22:00+05:30"
category: "Politics"
language: "ml"
image: "https://cf.zdn.im/img/truevisionnews.com/0/image-uploads/6af039345e3e9_congress-protest-election-commissioner-removed-new.jpg"
keywords: ["Congress", "KCVenugopal", "ElectionCommission", "Protest", "VoteBachaoDeshBachao"]
---

# 'വോട്ടർമാരുടെ അവകാശം കവർന്നെടുക്കുന്നു'; തെരഞ്ഞെടുപ്പ് കമ്മീഷണറെ പുറത്താക്കുന്നത് വരെ സമരം തുടരുമെന്ന് കെ.സി വേണുഗോപാൽ

> **Lead Summary:** **ന്യൂഡൽഹി: ** മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിനെതിരെ കടുത്ത നിലപാടുമായി കോൺഗ്രസ് ജനറൽ സെക്രട്ടറി കെ.സി വേണുഗോപാൽ എം.പി. ഗ്യാനേഷ് കുമാറിനെ പുറത്താക്കുന്നത് വരെ സമരം തുടരുമെന്ന് അദ്ദേഹം ഡൽഹിയിൽ വ്യക്തമാക്കി. രാജ്യത്തെ തെരഞ്ഞെടുപ്പ് സംവിധാനം പൂർണമായും നിഷ്പക്ഷവും സുതാര്യവുമാകുന്നത് വരെ സമരം അവസാനിപ്പിക്കില്ലെന്നും അദ്ദേഹം കൂട്ടിച്ചേർത്തു.

## Article Content

**ന്യൂഡൽഹി: ** മുഖ്യ തെരഞ്ഞെടുപ്പ് കമ്മീഷണർ ഗ്യാനേഷ് കുമാറിനെതിരെ കടുത്ത നിലപാടുമായി കോൺഗ്രസ് ജനറൽ സെക്രട്ടറി കെ.സി വേണുഗോപാൽ എം.പി. ഗ്യാനേഷ് കുമാറിനെ പുറത്താക്കുന്നത് വരെ സമരം തുടരുമെന്ന് അദ്ദേഹം ഡൽഹിയിൽ വ്യക്തമാക്കി. രാജ്യത്തെ തെരഞ്ഞെടുപ്പ് സംവിധാനം പൂർണമായും നിഷ്പക്ഷവും സുതാര്യവുമാകുന്നത് വരെ സമരം അവസാനിപ്പിക്കില്ലെന്നും അദ്ദേഹം കൂട്ടിച്ചേർത്തു.

രാജ്യത്തുടനീളം എല്ലാ സംസ്ഥാനങ്ങളിലും ജില്ലാ തലത്തിലും പ്രതിഷേധ പരിപാടികൾ നടന്നുവരികയാണെന്ന് കെ.സി വേണുഗോപാൽ മാധ്യമങ്ങളോട് പറഞ്ഞു. ദീപാവലി ആഘോഷങ്ങളുടെ ഭാഗമായി മാത്രമാണ് പ്രതിഷേധങ്ങളിൽ ചെറിയൊരു ഇടവേളയുണ്ടായത്. നവംബർ 1-ന് കോൺഗ്രസ് ഡൽഹിയിൽ സംഘടിപ്പിച്ച റാലി സമീപകാലത്ത് രാജ്യം കണ്ട ഏറ്റവും ശക്തമായ പ്രതിഷേധങ്ങളിൽ ഒന്നായിരുന്നു.

പ്രധാനമന്ത്രി നരേന്ദ്ര മോദിക്കും കേന്ദ്ര ആഭ്യന്തരമന്ത്രി അമിത് ഷായ്ക്കുമെതിരെയാണ് കോൺഗ്രസ് പോരാടുന്നതെന്നും അദ്ദേഹം വ്യക്തമാക്കി. വോട്ടർ പട്ടികയിൽ നിന്ന് പേരുകൾ നീക്കം ചെയ്യുന്നത് രാജ്യത്തെ സാധാരണ വോട്ടർമാരുടെ വോട്ടവകാശം ഇല്ലാതാക്കുമെന്നും വേണുഗോപാൽ ആരോപിച്ചു. പല സർക്കാർ സേവനങ്ങളും ആനുകൂല്യങ്ങളും വോട്ടർ ഐ.ഡി കാർഡുമായി ബന്ധിപ്പിക്കുന്ന സാഹചര്യത്തിൽ ഇത് സാധാരണക്കാരെ കൂടുതൽ പ്രതികൂലമായി ബാധിക്കും.

ഇതിനെതിരെ അടുത്ത ഒന്നര മാസത്തിനുള്ളിൽ പഞ്ചായത്ത് തലത്തിൽ രാജ്യവ്യാപകമായി ‘വോട്ട് ബച്ചാവോ, ദേശ് ബച്ചാവോ’ (വോട്ട് സംരക്ഷിക്കൂ, രാജ്യത്തെ സംരക്ഷിക്കൂ) പ്രചാരണത്തിന് കോൺഗ്രസ് തുടക്കം കുറിക്കുമെന്നും അദ്ദേഹം അറിയിച്ചു.

Congress general secretary K.C. Venugopal said the party will continue its agitation until Chief Election Commissioner Gyanesh Kumar is removed. He also announced a nationwide campaign, 'Vote Bachao, Desh Bachao,' over the next one and a half months at the panchayat level.

### Related Links & Sources
- [Original Story Source](https://truevisionnews.com/news/390762/congress-protest-election-commissioner-removed-new)