---
title: "കോഴിക്കോട് വടകരയില്‍ വിദ്യാര്‍ഥിക്ക് ഷിഗെല്ല സ്ഥിരീകരിച്ചു; സ്‌കൂളിലെ കിണറ്റിലെ വെള്ളം പരിശോധനയ്ക്ക് അയച്ചു"
english_title: "Shigella Confirmed in Vadakara Student; School Well Water Sent for Testing"
publisher: "truevisionnews.com"
canonical_url: "https://truevisionnews.com/news/390255/vadakara-student-shigella-school-water-testing"
published_at: "2026-11-05T06:20:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6aebd32418f31_vadakara-student-shigella-school-water-testing.jpg"
keywords: ["Shigella", "Vadakara", "SchoolHealth", "FoodPoisoning", "KeralaHealth"]
---

# കോഴിക്കോട് വടകരയില്‍ വിദ്യാര്‍ഥിക്ക് ഷിഗെല്ല സ്ഥിരീകരിച്ചു; സ്‌കൂളിലെ കിണറ്റിലെ വെള്ളം പരിശോധനയ്ക്ക് അയച്ചു

> **Lead Summary:** കോഴിക്കോട്: വടകരയില്‍ വിദ്യാര്‍ഥിക്ക് ഷിഗെല്ല. മേപ്പയില്‍ എസ്ബി സ്‌കൂളിലെ വിദ്യാര്‍ഥിക്ക് ആണ് ഷിഗെല്ല സ്ഥിരീകരിച്ചത്. സ്‌കൂളിലെ ഭക്ഷണത്തില്‍ നിന്ന് ഭക്ഷ്യ വിഷബാധ ഏറ്റ് ഈ വിദ്യാര്‍ഥി ചികിത്സയില്‍ ആയിരുന്നു.

## Article Content

കോഴിക്കോട്: വടകരയില്‍ വിദ്യാര്‍ഥിക്ക് ഷിഗെല്ല. മേപ്പയില്‍ എസ്ബി സ്‌കൂളിലെ വിദ്യാര്‍ഥിക്ക് ആണ് ഷിഗെല്ല സ്ഥിരീകരിച്ചത്. സ്‌കൂളിലെ ഭക്ഷണത്തില്‍ നിന്ന് ഭക്ഷ്യ വിഷബാധ ഏറ്റ് ഈ വിദ്യാര്‍ഥി ചികിത്സയില്‍ ആയിരുന്നു.

കഴിഞ്ഞ വെള്ളിയാഴ്ച സ്‌കൂളില്‍ നിന്ന് ഉച്ച ഭക്ഷണം കഴിച്ച കുട്ടികള്‍ക്ക് വൈകുന്നേരത്തോടെ ശാരീരികാസ്വസ്ഥത അനുഭവപ്പെട്ടിരുന്നു. ശനി, ഞായര്‍, തിങ്കള്‍ ദിവസങ്ങളിലായി 30ഓളം വിദ്യാര്‍ഥികളാണ് വടകര താലൂക്ക് ആശുപത്രിയിലും മറ്റ് സ്വകാര്യ ആശുപത്രികളിലുമായി ചികിത്സ തേടിയത്.

ഇതില്‍ രോഗലക്ഷണങ്ങള്‍ കാണിച്ച നാല് കുട്ടികളുടെ സാമ്പിളുകള്‍ കോഴിക്കോട്ടെ ഒരു ലാബിലേക്ക് പരിശോധനയ്ക്കായി അയച്ചിരുന്നു. ഇതിലൊരു കുട്ടിക്കാണ് ഷിഗെല്ല സ്ഥിരീകരിച്ചത്. മറ്റ് കുട്ടികളുടെ പരിശോധന ഫലങ്ങള്‍ ഇനി പുറത്ത് വരാനുണ്ട്.

കോഴിക്കോട് ഡിഎംഒയും വടകര താലൂക്ക് ആശുപത്രിയിലെ സൂപ്രണ്ടുമടക്കമുള്ള ഒരു സംഘം സ്‌കൂളില്‍ ഇന്ന് സന്ദര്‍ശനം നടത്തിയിരുന്നു. സ്‌കൂളില്‍ നിന്ന് കുട്ടികള്‍ക്ക് ഭക്ഷണവും വെള്ളവും നല്‍കുന്നത് താത്കാലികമായി നിര്‍ത്താനാണ് ആവശ്യപ്പെട്ടിരിക്കുന്നത്. രോഗത്തിന്റെ ഉറവിടം ഇതുവരെ കണ്ടെത്താനായിട്ടില്ല.

വിദ്യാർഥിക്ക് രോഗബാധ സ്ഥിരീകരിച്ചതിന് പിന്നാലെ സ്കൂളിലെ കിണറ്റിലെ വെള്ളം അധികൃതർ പരിശോധനയ്ക്ക് അയച്ചിട്ടുണ്ട്. നിലവില്‍ കുട്ടികളുടെ ആരോഗ്യനില തൃപ്തികരമാണെന്നും മറ്റാര്‍ക്കും രോഗ ലക്ഷണങ്ങളില്ലെന്നും ആരോഗ്യവകുപ്പ് അറിയിച്ചു.

A student at SB School in Meppayil, Vadakara, has tested positive for shigella after a suspected food poisoning incident linked to the school meal. Health officials have suspended the supply of food and water at the school and sent well water samples for testing as the source of infection remains unknown.

### Related Links & Sources
- [Original Story Source](https://truevisionnews.com/news/390255/vadakara-student-shigella-school-water-testing)