---
title: "വഴി ചോദിക്കാനെന്ന വ്യാജേന വിദ്യാർഥിനിയെ സമീപിച്ചു; പിന്തുടർന്ന് ആളൊഴിഞ്ഞ സ്ഥലത്ത് വെച്ച്  നഗ്നതാപ്രദർശനം, കോഴിക്കോട് സ്വദേശി യുവാവ് പിടിയിൽ"
english_title: "Youth Held for Indecent Act After Following Schoolgirl on Pretext of Asking Directions"
publisher: "truevisionnews.com"
canonical_url: "https://truevisionnews.com/news/390254/schoolgirl-harassment-nudity-arrest-kozhikode"
published_at: "2026-11-05T06:03:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6aebcfdf06404_schoolgirl-harassment-nudity-arrest-kozhikode.jpg"
keywords: ["KozhikodeNews", "SchoolGirlSafety", "PublicHarassment", "CCTVInvestigation", "CrimeNews"]
---

# വഴി ചോദിക്കാനെന്ന വ്യാജേന വിദ്യാർഥിനിയെ സമീപിച്ചു; പിന്തുടർന്ന് ആളൊഴിഞ്ഞ സ്ഥലത്ത് വെച്ച്  നഗ്നതാപ്രദർശനം, കോഴിക്കോട് സ്വദേശി യുവാവ് പിടിയിൽ

> **Lead Summary:** കോഴിക്കോട്: വിദ്യാർത്ഥിനിയോട് അപമര്യാദയായി പെരുമാറുകയും നഗ്നതാ പ്രദർശനം നടത്തുകയും ചെയ്ത സംഭവത്തിൽ യുവാവ് പോലീസിന്റെ പിടിയിലായി. കോഴിക്കോട് കല്ലായി കോതി ബീച്ച് സ്വദേശിയായ അൻഷാദ് ആണ് പോലീസിന്റെ പിടിയിലായത്.

## Article Content

കോഴിക്കോട്: വിദ്യാർത്ഥിനിയോട് അപമര്യാദയായി പെരുമാറുകയും നഗ്നതാ പ്രദർശനം നടത്തുകയും ചെയ്ത സംഭവത്തിൽ യുവാവ് പോലീസിന്റെ പിടിയിലായി. കോഴിക്കോട് കല്ലായി കോതി ബീച്ച് സ്വദേശിയായ അൻഷാദ് ആണ് പോലീസിന്റെ പിടിയിലായത്.

കഴിഞ്ഞ 28-ാം തീയതിയാണ് കേസിനാസ്പദമായ സംഭവം നടന്നത്. രാവിലെ സ്കൂളിലേക്ക് പോവുകയായിരുന്ന സ്കൂൾ വിദ്യാർത്ഥിനിയെ കുണ്ടായിത്തോട് ഓവുപാലത്തിന് സമീപം വെച്ച് ഇയാൾ പിന്തുടരുകയായിരുന്നു. വഴി ചോദിക്കാനെന്ന വ്യാജേന വിദ്യാർത്ഥിയെ സമീപിച്ച ഇയാൾ അപമര്യാദയായി പെരുമാറി.

ഭയന്നുപോയ വിദ്യാർത്ഥിനിയെ വീണ്ടും പിന്തുടർന്ന ഇയാൾ ആളൊഴിഞ്ഞ സ്ഥലത്ത് വെച്ച് നഗ്നതാ പ്രദർശനം നടത്തുകയും ചെയ്തു.

പോലീസിന് ലഭിച്ച പരാതിയുടെ അടിസ്ഥാനത്തിൽ നാൽപ്പതോളം സി.സി.ടി.വി (CCTV) ദൃശ്യങ്ങളും നൂറിലധികം വാഹനങ്ങളും പരിശോധിച്ചാണ് പ്രതിയെ കണ്ടെത്തിയത്. മൂന്ന് ദിവസത്തിനകം ഇയാളെ തിരിച്ചറിഞ്ഞ പോലീസ്, അൻഷാദ് ഇപ്പോൾ താമസിക്കുന്ന പെരുമണ്ണ പാറമ്മൽ ഭാഗത്തുനിന്നാണ് കസ്റ്റഡിയിലെടുത്തത്.

A 33-year-old man from Kozhikode has been arrested for allegedly following a schoolgirl, behaving indecently, and exposing himself near an isolated area. Police traced the accused using CCTV footage and vehicle checks before taking him into custody from Perumanna.

### Related Links & Sources
- [Original Story Source](https://truevisionnews.com/news/390254/schoolgirl-harassment-nudity-arrest-kozhikode)