---
title: "'മുരസു' തീവ്ര ചുഴലിക്കാറ്റ് കരതൊട്ടു; ആന്ധ്രയിൽ കനത്ത മഴ, കേരളത്തില്‍ ഉള്‍പ്പെടെ അതീവ ജാഗ്രത, വിമാന സര്‍വീസുകള്‍ റദ്ദാക്കി"
english_title: "Cyclone ‘Murasu’ Makes Landfall; Heavy Rain in Andhra, High Alert in Kerala"
publisher: "truevisionnews.com"
canonical_url: "https://truevisionnews.com/news/389985/murasu-cyclone-landfall-andhra-kerala-alert"
published_at: "2026-11-03T08:24:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6ae94de2a296e_murasu-cyclone-landfall-andhra-kerala-alert.jpg"
keywords: ["CycloneMurasu", "AndhraPradesh", "KeralaAlert", "HeavyRain", "FlightCancellations"]
---

# 'മുരസു' തീവ്ര ചുഴലിക്കാറ്റ് കരതൊട്ടു; ആന്ധ്രയിൽ കനത്ത മഴ, കേരളത്തില്‍ ഉള്‍പ്പെടെ അതീവ ജാഗ്രത, വിമാന സര്‍വീസുകള്‍ റദ്ദാക്കി

> **Lead Summary:** തിരുവനന്തപുരം: ബംഗാള്‍ ഉള്‍ക്കടലില്‍ രൂപംകൊണ്ട 'മുരസു' തീവ്ര ചുഴലിക്കാറ്റ് ആന്ധ്രാപ്രദേശില്‍ കരതൊട്ടു. മണിക്കൂറില്‍ 110 കിലോമീറ്റര്‍ വരെ വേഗതയില്‍ കാറ്റിനും ശക്തമായ മഴയ്ക്കും സാധ്യതയുണ്ട്. ആന്ധ്ര, തമിഴ്‌നാട് ഉള്‍പ്പെടെയുള്ള സംസ്ഥാനങ്ങളില്‍ ജാഗ്രതാ നിര്‍ദേശം തുടരുകയാണ്. ചുഴലിക്കാറ്റിനെ തുടര്‍ന്ന് ആന്ധ്രയിലെ മൂന്ന് വിമാനത്താവളങ്ങളിലായി 19 ആഭ്യന്തര സർവീസുകൾ റദ്ദാക്കി.

## Article Content

തിരുവനന്തപുരം: ബംഗാള്‍ ഉള്‍ക്കടലില്‍ രൂപംകൊണ്ട 'മുരസു' തീവ്ര ചുഴലിക്കാറ്റ് ആന്ധ്രാപ്രദേശില്‍ കരതൊട്ടു. മണിക്കൂറില്‍ 110 കിലോമീറ്റര്‍ വരെ വേഗതയില്‍ കാറ്റിനും ശക്തമായ മഴയ്ക്കും സാധ്യതയുണ്ട്. ആന്ധ്ര, തമിഴ്‌നാട് ഉള്‍പ്പെടെയുള്ള സംസ്ഥാനങ്ങളില്‍ ജാഗ്രതാ നിര്‍ദേശം തുടരുകയാണ്. ചുഴലിക്കാറ്റിനെ തുടര്‍ന്ന് ആന്ധ്രയിലെ മൂന്ന് വിമാനത്താവളങ്ങളിലായി 19 ആഭ്യന്തര സർവീസുകൾ റദ്ദാക്കി.

കേരളത്തിലും മഴ മുന്നറിയിപ്പ് നല്‍കിയിട്ടുണ്ട്. ഇന്ന് കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളില്‍ യെല്ലോ അലര്‍ട്ടാണ്. നാളെ മലപ്പുറം, കോഴിക്കോട്, വയനാട്, കണ്ണൂര്‍, കാസര്‍കോട് ജില്ലകളിലും മഴ മുന്നറിയിപ്പുണ്ട്. വെള്ളിയാഴ്ചയും സംസ്ഥാനത്ത് ശക്തമായ മഴയ്‌ക്കാണ് സാധ്യത.

ഒറ്റപ്പെട്ട ഇടങ്ങളില്‍ ഇടിമിന്നലോട് കൂടിയ മഴയ്ക്കും മണിക്കൂറില്‍ 30 മുതല്‍ 40 കിലോമീറ്റര്‍ വരെ വേഗതയിലുള്ള കാറ്റിനും സാധ്യതയുള്ളതായി കേന്ദ്ര കാലാവസ്ഥ വകുപ്പ് മുന്നറിയിപ്പ് നല്‍കി. തെക്കന്‍ കേരളത്തിനും സമീപപ്രദേശങ്ങള്‍ക്കും മുകളിലായി ചക്രവാതച്ചുഴി നിലനില്‍ക്കുന്നു. മധ്യകിഴക്കന്‍ അറബിക്കടലില്‍ കര്‍ണാടക-തെക്കന്‍ മഹാരാഷ്ട്ര തീരത്തോട് ചേര്‍ന്ന് മറ്റൊരു ചക്രവാതച്ചുഴിയുമുണ്ട്.

മുരസു കരതൊട്ട സാഹചര്യത്തില്‍ ഇന്നും നാളെയും ബംഗാള്‍ ഉള്‍ക്കടലില്‍ യാതൊരു കാരണവശാലും മല്‍സ്യബന്ധനത്തിനായി പോകാന്‍ പാടില്ലെന്നും കേന്ദ്ര കാലാവസ്ഥ വകുപ്പ് അറിയിച്ചു.

Cyclone ‘Murasu’ has made landfall in Andhra Pradesh, bringing strong winds and heavy rain, with authorities maintaining alerts in Andhra Pradesh, Tamil Nadu and Kerala. In Andhra, 19 domestic flights across three airports were cancelled, while Kerala has issued yellow alerts in several districts and warned against fishing in the Bay of Bengal.

### Related Links & Sources
- [Original Story Source](https://truevisionnews.com/news/389985/murasu-cyclone-landfall-andhra-kerala-alert)