---
title: "കടക്കെണിയിലാക്കി 'പ്രിയദർശിനി'! സംസ്ഥാനത്ത് നാളെ മുതൽ സ്വകാര്യ ബസ് പണിമുടക്ക്"
english_title: "Private Bus Strike in Kerala from Tomorrow Over Priyadarshini Scheme"
publisher: "truevisionnews.com"
canonical_url: "https://truevisionnews.com/news/389921/kerala-private-bus-strike-priyadarshini-scheme"
published_at: "2026-11-02T17:02:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6ae875a17d7a3_kerala-private-bus-strike-priyadarshini-scheme.jpg"
keywords: ["PrivateBusStrike", "KeralaTransport", "PriyadarshiniScheme", "BusOwners", "PublicTransport"]
---

# കടക്കെണിയിലാക്കി 'പ്രിയദർശിനി'! സംസ്ഥാനത്ത് നാളെ മുതൽ സ്വകാര്യ ബസ് പണിമുടക്ക്

> **Lead Summary:** **കൊച്ചി: **പ്രിയദർശിനി പദ്ധതിക്കെതിരെ സ്വകാര്യ ബസ് ഉടമകൾ പ്രഖ്യാപിച്ച അനിശ്ചിതകാല പണിമുടക്ക് നാളെ ആരംഭിക്കും. ബസുടമകളുടെ ആറ് സംഘടനകൾ ഉൾപ്പെട്ട സംയുക്ത സമരസമിതിയാണ് പണിമുടക്കിന് ആഹ്വാനം ചെയ്തിരിക്കുന്നത്.

## Article Content

**കൊച്ചി: **പ്രിയദർശിനി പദ്ധതിക്കെതിരെ സ്വകാര്യ ബസ് ഉടമകൾ പ്രഖ്യാപിച്ച അനിശ്ചിതകാല പണിമുടക്ക് നാളെ ആരംഭിക്കും. ബസുടമകളുടെ ആറ് സംഘടനകൾ ഉൾപ്പെട്ട സംയുക്ത സമരസമിതിയാണ് പണിമുടക്കിന് ആഹ്വാനം ചെയ്തിരിക്കുന്നത്.

പ്രിയദർശിനി പദ്ധതി നടപ്പാക്കിയതോടെ സ്വകാര്യ ബസുകളിലെ യാത്രക്കാരുടെ എണ്ണത്തിലും വരുമാനത്തിലും വലിയ ഇടിവുണ്ടായെന്നും പല സർവീസുകളും നിർത്തേണ്ടി വന്നതായും ബസുടമകൾ ആരോപിക്കുന്നു. സ്വകാര്യ ബസുകളിലും സ്ത്രീകൾക്ക് സൗജന്യ യാത്ര അനുവദിക്കണമെന്നും, ഇതുമൂലമുണ്ടാകുന്ന സാമ്പത്തിക ബാധ്യത സർക്കാർ പൂർണ്ണമായി ഏറ്റെടുക്കണമെന്നുമാണ് സമരസമിതിയുടെ പ്രധാന ആവശ്യം.

സെപ്തംബർ രണ്ടിന് സർക്കാർ നിയോഗിച്ച പ്രത്യേക കമ്മീഷൻ ബസ് മേഖലയുടെ നഷ്ടം പരിഹരിക്കാൻ നിർദേശങ്ങൾ സമർപ്പിച്ചിരുന്നെങ്കിലും സർക്കാർ ആ നിർദേശങ്ങൾ പാലിക്കാൻ തയാറായിട്ടില്ലെന്ന് ബസുടമകൾ കുറ്റപ്പെടുത്തി. ഒക്ടോബർ 16-ന് തന്നെ പണിമുടക്ക് നോട്ടീസ് നൽകിയിരുന്നെങ്കിലും അനുകൂല തീരുമാനമുണ്ടാകാത്ത സാഹചര്യത്തിലാണ് പണിമുടക്കിലേക്ക് കടക്കുന്നതെന്നും അവർ വ്യക്തമാക്കി.

കേരള ബസ് ട്രാൻസ്പോർട്ട് അസോസിയേഷൻ, ഓൾ കേരള ബസ് ഓപ്പറേറ്റേഴ്സ് ഫോറം ഉൾപ്പെടെ ആറ് പ്രധാന സംഘടനകളാണ് സമരത്തിന് നേതൃത്വം നൽകുന്നത്. അതേസമയം, യാത്രക്കാരുടെ ബുദ്ധിമുട്ട് ഒഴിവാക്കാൻ ഗതാഗത മന്ത്രിയുടെ നേതൃത്വത്തിൽ നിർണായക ചർച്ച നടന്നേക്കും.

Private bus owners in Kerala will begin an indefinite strike from tomorrow against the Priyadarshini scheme. They say the plan has reduced passenger numbers and revenue, forcing many services to be cut, and demand that the government fully bear the financial burden of free travel for women on private buses.

### Related Links & Sources
- [Original Story Source](https://truevisionnews.com/news/389921/kerala-private-bus-strike-priyadarshini-scheme)