---
title: "സ്കൂളിന് മുന്നിൽ മുദ്രാവാക്യം വിളി, മീനങ്ങാടി സ്കൂളിലെ വിനോദ യാത്ര വിവാദം; പ്രിൻസിപ്പളിനെ സ്ഥലം മാറ്റിയതിൽ പഠിപ്പ് മുടക്കി വിദ്യാർത്ഥികളുടെ പ്രതിഷേധം"
english_title: "Meenangadi School Students Protest Principal Transfer Over Trip Row"
publisher: "truevisionnews.com"
canonical_url: "https://truevisionnews.com/news/389867/meenangadi-school-principal-transfer-protest"
published_at: "2026-11-02T12:10:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6ae833c2ef081_meenangadi-school-principal-transfer-protest.jpg"
keywords: ["MeenangadiSchool", "WayanadNews", "StudentProtest", "PrincipalTransfer", "KeralaNews"]
---

# സ്കൂളിന് മുന്നിൽ മുദ്രാവാക്യം വിളി, മീനങ്ങാടി സ്കൂളിലെ വിനോദ യാത്ര വിവാദം; പ്രിൻസിപ്പളിനെ സ്ഥലം മാറ്റിയതിൽ പഠിപ്പ് മുടക്കി വിദ്യാർത്ഥികളുടെ പ്രതിഷേധം

> **Lead Summary:** വയനാട്: വയനാട് മീനങ്ങാടി ഗവൺമെൻ്റ് ഹയർ സെക്കൻഡറി സ്കൂളിലെ പ്രിൻസിപ്പൽ ഷിവി കൃഷ്ണനെ സ്ഥലം മാറ്റിയതിൽ വിദ്യാർത്ഥികളുടെ പ്രതിഷേധം തുടരുന്നു. വിനോദയാത്ര വിവാദവുമായി ബന്ധപ്പെട്ട നടപടിക്കെതിരെയാണ് മീനങ്ങാടി സ്കൂളിലെ പ്ലസ്ടു, പ്ലസ് വൺ വിദ്യാർത്ഥികൾ പഠിപ്പ് മുടക്കി പ്രതിഷേധിക്കുന്നത്.

## Article Content

വയനാട്: വയനാട് മീനങ്ങാടി ഗവൺമെൻ്റ് ഹയർ സെക്കൻഡറി സ്കൂളിലെ പ്രിൻസിപ്പൽ ഷിവി കൃഷ്ണനെ സ്ഥലം മാറ്റിയതിൽ വിദ്യാർത്ഥികളുടെ പ്രതിഷേധം തുടരുന്നു. വിനോദയാത്ര വിവാദവുമായി ബന്ധപ്പെട്ട നടപടിക്കെതിരെയാണ് മീനങ്ങാടി സ്കൂളിലെ പ്ലസ്ടു, പ്ലസ് വൺ വിദ്യാർത്ഥികൾ പഠിപ്പ് മുടക്കി പ്രതിഷേധിക്കുന്നത്.

സ്കൂളിന് മുന്നിൽ വിദ്യാർത്ഥികൾ മുദ്രാവാക്യം വിളിച്ചാണ് പ്രതിഷേധം നടത്തുന്നത്. വിനോദയാത്ര വിവാദത്തെ തുടർന്ന് പ്രിൻസിപ്പലിനെ മാറ്റിയതിൽ പ്രതിഷേധമുണ്ടെന്ന് വിദ്യാർത്ഥികൾ വ്യക്തമാക്കി. സ്കൂളിലെ അന്തരീക്ഷം ഇപ്പോഴും പ്രതിഷേധഭരിതമാണ്.

അതേസമയം, പ്രിൻസിപ്പലിനെ സ്ഥലം മാറ്റിയതിനെതിരെ കേരള സ്കൂൾ ടീച്ചേർസ് അസോസിയേഷന്റെ നേതൃത്വത്തിൽ ഇന്ന് മീനങ്ങാടിയിൽ പ്രതിഷേധ പ്രകടനവും വിശദീകരണ യോഗവും നടക്കും. ഇടതുപക്ഷ അധ്യാപക സംഘടന നേതാവാണ് പ്രിൻസിപ്പൽ ഷിവി കൃഷ്ണൻ.

ആരോപണ വിധേയനായ പിടിഎ പ്രസിഡന്റ് ഹാജിസ് ഇന്ന് മാധ്യമങ്ങളെ കാണും. പിടിഎ പ്രസിഡന്റ് മദ്യപിച്ചു എന്ന കുട്ടികളുടെ ആരോപണത്തിൽ വിശദീകരണം നൽകുകയാണ് ലക്ഷ്യം. വിനോദയാത്രയ്ക്കിടെ പ്രധാന അധ്യാപകനും പിടിഎ പ്രസിഡന്റും മദ്യപിച്ചു എന്നായിരുന്നു ഉയർന്ന ആരോപണം. എന്നാൽ പ്രിൻസിപ്പലിന്റെ രക്ത പരിശോധനയിൽ മദ്യത്തിന്റെ അംശം കണ്ടെത്താനായില്ല.

വിവാദങ്ങളെ തുടർന്ന് ഹയർ സെക്കന്ററി ബോർഡ് വിശദമായ അന്വേഷണം നടത്തി. സർക്കാർ മാനദണ്ഡങ്ങൾ പാലിക്കാതെയാണ് സ്കൂൾ പഠന യാത്ര നടത്തിയത് എന്ന് അന്വേഷണത്തിൽ കണ്ടെത്തിയതിനെ തുടർന്നാണ് പ്രിൻസിപ്പലിനെ അദ്ദേഹത്തിന്റെ വീടിന് അടുത്തുള്ള വടുവഞ്ചാൽ ഹയർ സെക്കന്ററി സ്കൂളിലേക്ക് സ്ഥലം മാറ്റിയത്.

Students at the Meenangadi Government Higher Secondary School in Wayanad continued their protest after Principal Shivi Krishnan was transferred following controversy over a school trip. The Higher Secondary Board’s inquiry found that the trip was conducted without following government norms, leading to the transfer to Vaduvanchal Higher Secondary School near the principal’s home.

### Related Links & Sources
- [Original Story Source](https://truevisionnews.com/news/389867/meenangadi-school-principal-transfer-protest)