---
title: "ദിവ്യയ്ക്കെതിരായ അന്വേഷണം കടുപ്പിച്ച് വിജിലൻസ്; കണ്ണൂർ ജില്ലാ പഞ്ചായത്തിൽനിന്ന് അഞ്ച് സുപ്രധാന ഫയലുകൾ പിടിച്ചെടുത്തു"
english_title: "Vigilance Tightens Probe Against Divya; Five Key Files Seized From Kannur District Panchayat"
publisher: "truevisionnews.com"
canonical_url: "https://truevisionnews.com/news/389828/vigilance-probe-divya-five-files-seized"
published_at: "2026-11-02T08:22:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6ae7fbcb37c59_vigilance-probe-divya-five-files-seized.jpg"
keywords: ["VigilanceProbe", "PpDivya", "KannurPanchayat", "KeralaPolitics", "CorruptionInquiry"]
---

# ദിവ്യയ്ക്കെതിരായ അന്വേഷണം കടുപ്പിച്ച് വിജിലൻസ്; കണ്ണൂർ ജില്ലാ പഞ്ചായത്തിൽനിന്ന് അഞ്ച് സുപ്രധാന ഫയലുകൾ പിടിച്ചെടുത്തു

> **Lead Summary:** കണ്ണൂര്‍: പി.പി ദിവ്യക്കെതിരായ വിജിലന്‍സ് അന്വേഷണത്തില്‍ നിര്‍ണായക നീക്കം. കണ്ണൂര്‍ ജില്ലാ പഞ്ചായത്തില്‍ നിന്ന് 12 കോടിയിലധികം രൂപയുടെ പദ്ധതികളുമായി ബന്ധപ്പെട്ട അഞ്ച് പ്രധാന ഫയലുകള്‍ വിജിലന്‍സ് കസ്റ്റഡിയിലെടുത്തു.

## Article Content

കണ്ണൂര്‍: പി.പി ദിവ്യക്കെതിരായ വിജിലന്‍സ് അന്വേഷണത്തില്‍ നിര്‍ണായക നീക്കം. കണ്ണൂര്‍ ജില്ലാ പഞ്ചായത്തില്‍ നിന്ന് 12 കോടിയിലധികം രൂപയുടെ പദ്ധതികളുമായി ബന്ധപ്പെട്ട അഞ്ച് പ്രധാന ഫയലുകള്‍ വിജിലന്‍സ് കസ്റ്റഡിയിലെടുത്തു.

'കാര്‍ട്ടണ്‍ ഇന്ത്യ' കമ്പനി ഏറ്റെടുത്ത് നടത്തിയ പദ്ധതികളുടെ ഫയലുകളാണ് പിടിച്ചെടുത്തത്. ഇതോടെ, കാര്‍ട്ടണ്‍ ഇന്ത്യക്ക് കരാറുകള്‍ ലഭിക്കാന്‍ ഇടനിലയായി നിന്ന പൊതുമേഖലാ സ്ഥാപനമായ സില്‍ക്കിലേക്കും അന്വേഷണം നീളുകയാണ്.

അതേസമയം, വിജിലന്‍സിന്റെ കണ്ണൂര്‍ യൂണിറ്റിന് പകരം ഉത്തര മേഖല എസ്പിക്കാണ് ദിവ്യക്കെതിരായ അനധികൃത സ്വത്ത് സമ്പാദന കേസിന്റെ അന്വേഷണച്ചുമതല. കണ്ണൂര്‍ യൂണിറ്റിന് അന്വേഷണം കൈമാറുന്നതില്‍ പരാതിക്കാരനായ കെഎസ്‌യു സംസ്ഥാന വൈസ് പ്രസിഡന്റ് മുഹമ്മദ് ഷമ്മാസ് എതിര്‍പ്പ് പ്രകടിപ്പിച്ചിരുന്നു.

കണ്ണൂര്‍ യൂണിറ്റിലെ സിഐ ബിനുവിന് ദിവ്യയുമായി അടുത്ത പരിചയമുണ്ട്. ബിനുവിനെ വിജിലന്‍സില്‍ നിന്ന് മാറ്റണമെന്ന് ആവശ്യപ്പെട്ട് ആഭ്യന്തരവകുപ്പ് മന്ത്രിക്ക് ഷമ്മാസ് പരാതി നല്‍കിയിരുന്നു. ബിനു മോഹന്റെ സഹോദരന്‍ കാര്‍ട്ടണ്‍ ഇന്ത്യ കമ്പനിയിലെ ഡയറക്ടര്‍മാരില്‍ ഒരാളാണെന്നും ബിനു മോഹനും ദിവ്യയും തമ്മില്‍ അടുത്ത സൗഹൃദമുണ്ടെന്നും ഷമ്മാസ് നല്‍കിയ കത്തില്‍ ചൂണ്ടിക്കാണിച്ചിരുന്നു.

നേരത്തെ ഏറെ വിവാദമായ നവീന്‍ ബാബു കേസിന്റെ അന്വേഷണത്തിലും ബിനു മോഹന്‍ ഭാഗമായിരുന്നു. ബിനു മോഹന്‍ കണ്ണൂര്‍ വിജിലന്‍സ് യൂണിറ്റില്‍ തുടരുമ്പോള്‍ അന്വേഷണം അദ്ദേഹത്തിന് കൈമാറിയാല്‍ കേസ് അട്ടിമറിക്കപ്പെടാന്‍ സാധ്യതയുണ്ടെന്നായിരുന്നു പരാതിയിലെ ആരോപണം.

Vigilance has intensified its probe against P.P. Divya by seizing five key files related to projects worth over ₹12 crore from the Kannur District Panchayat. The investigation is also likely to expand to SILK, while questions have been raised over the assignment of the case to officers in the Kannur unit.

### Related Links & Sources
- [Original Story Source](https://truevisionnews.com/news/389828/vigilance-probe-divya-five-files-seized)