---
title: "ജഡ്ജിയുടെ ഫ്ലാറ്റിൽ പുലർച്ചെ വരെ ക്രൈംബ്രാഞ്ച് പരിശോധന; ആഡംബര ബൈക്കും ഡിജിറ്റൽ ഉപകരണങ്ങളും കസ്റ്റഡിയിൽ, അറസ്റ്റിന് ഹൈക്കോടതി അനുമതി കാത്ത് പൊലീസ്"
english_title: "Crime Branch Searches Judge’s Flat Till Dawn; Bike and Devices Seized"
publisher: "truevisionnews.com"
canonical_url: "https://truevisionnews.com/news/389061/crime-branch-searches-judge-flat-aluva"
published_at: "2026-10-28T07:02:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6ae15180f305e_crime-branch-searches-judge-flat-aluva.jpg"
keywords: ["CrimeBranch", "HighCourt", "RoadAccident", "DigitalDevices", "Jayabalakrishnan Death", "Cheranalloor Accident"]
---

# ജഡ്ജിയുടെ ഫ്ലാറ്റിൽ പുലർച്ചെ വരെ ക്രൈംബ്രാഞ്ച് പരിശോധന; ആഡംബര ബൈക്കും ഡിജിറ്റൽ ഉപകരണങ്ങളും കസ്റ്റഡിയിൽ, അറസ്റ്റിന് ഹൈക്കോടതി അനുമതി കാത്ത് പൊലീസ്

> **Lead Summary:** ആലുവ: ചേരാനല്ലൂർ വാഹനാപകട കേസിൽ പതിനേഴുകാരന്റെ പിതാവും പ്രതിയുമായ ജഡ്ജിയുടെ ആലുവയിലെ ഫ്ലാറ്റിൽ ക്രൈംബ്രാഞ്ച് സംഘം പരിശോധന നടത്തി. സിസിടിവി ദൃശ്യങ്ങൾ ശേഖരിച്ച സംഘം ഡിജിറ്റൽ ഉപകരണങ്ങളടക്കം കസ്റ്റഡിയിലെടുത്തു.

## Article Content

ആലുവ: ചേരാനല്ലൂർ വാഹനാപകട കേസിൽ പതിനേഴുകാരന്റെ പിതാവും പ്രതിയുമായ ജഡ്ജിയുടെ ആലുവയിലെ ഫ്ലാറ്റിൽ ക്രൈംബ്രാഞ്ച് സംഘം പരിശോധന നടത്തി. സിസിടിവി ദൃശ്യങ്ങൾ ശേഖരിച്ച സംഘം ഡിജിറ്റൽ ഉപകരണങ്ങളടക്കം കസ്റ്റഡിയിലെടുത്തു.

പതിനേഴുകാരൻ ഉപയോഗിച്ചിരുന്നതെന്ന് കരുതുന്ന ആഡംബര ബൈക്കും കസ്റ്റഡിയിലെടുത്തിട്ടുണ്ട്. ഫ്ലാറ്റിലെ സെക്യൂരിറ്റി ജീവനക്കാരൻ അടക്കമുള്ളവരിൽ നിന്ന് അന്വേഷണസംഘം വിവരങ്ങൾ ചോദിച്ചറിഞ്ഞു. രാത്രി ഒൻപത് മണിയോടെ ആരംഭിച്ച പരിശോധന പുലർച്ചെ മൂന്നരയ്ക്ക് ശേഷമാണ് പൂർത്തിയായത്.

ഹൈക്കോടതിയുടെ അനുമതി തേടിയ ശേഷമായിരുന്നു പരിശോധന. ജഡ്ജിയുടെ അറസ്റ്റിനായി ഹൈക്കോടതിയുടെ അനുമതി കാത്തിരിക്കുകയാണ് അന്വേഷണസംഘം.

പ്രതിയുടെ പിതാവായ ജഡ്ജിക്കെതിരെ മരിച്ച ജയബാലകൃഷ്ണന്‍റെ കുടുംബം ഇന്ന് ഹൈക്കോടതിയെ സമീപിക്കും. ജഡ്ജിക്കെതിരെ വകുപ്പുതല നടപടി ഹൈക്കോടതിയുടെ പരിഗണനയിലാണ്. ജഡ്ജിയെ സര്‍വീസില്‍നിന്ന് നീക്കണമെന്നാണ് കുടുംബത്തിന്‍റെ ആവശ്യം.

പതിനേഴുകാരന്‍റെ ജാമ്യം റദ്ദാക്കണമെന്ന് ആവശ്യപ്പെട്ട് കുടുംബം ജില്ലാ കോടതിയെയും സമീപിക്കും. ഇന്നലെ രാത്രി ചേരാനല്ലൂര്‍ പൊലീസ് സ്റ്റേഷനിലെത്തിയ ജയബാലകൃഷ്ണന്‍റെ മക്കള്‍ ഉന്നത പൊലീസ് ഉദ്യോഗസ്ഥരുമായി ദീര്‍ഘനേരം ചര്‍ച്ച നടത്തി.

പൊലീസ് സ്വീകരിച്ച നടപടികള്‍ ഉദ്യോഗസ്ഥര്‍ വിശദീകരിച്ചു. തുടര്‍നടപടികള്‍ക്കായി ഹൈക്കോടതി തീരുമാനം കാത്തിരിക്കുകയാണെന്ന് രേഖകള്‍ കാണിച്ച് ഉദ്യോഗസ്ഥര്‍ വിശദീകരിച്ചു.

കേസിൽ കുട്ടിയുടെ പിതാവും കാറുടമയുമായ അഡിഷനൽ ജഡ്ജിയിൽ നിന്ന് പൊലീസ് വിശദാംശങ്ങൾ തേടിയിരുന്നു. ഹൈക്കോടതി അഡ്മിനിസ്ട്രേറ്റീവ് കമ്മിറ്റി യോഗം ചേർന്ന് ജഡ്ജിക്കെതിരായ നടപടി ഉടൻ തീരുമാനിക്കും.

കുറ്റകരമായ നരഹത്യ വകുപ്പ് ചുമത്തിയതിനാൽ 17 കാരന്റെ ജാമ്യം റദ്ദാക്കണമെന്ന് ചൂണ്ടിക്കാട്ടി പൊലീസ് മജിസ്ട്രേറ്റ് കോടതിയെ സമീപിച്ചു. കുട്ടി സ്ഥിരമായി അമിത വേഗതയിൽ വാഹനം ഓടിക്കാറുണ്ടെന്ന് പൊലീസ് കോടതിയിൽ നൽകിയ അപേക്ഷയിൽ പറയുന്നു.

ഇയാൾ 25 വയസുവരെ ലൈസൻസ് എടുക്കുന്നത് വിലക്കാൻ മോട്ടർ വാഹന വകുപ്പ് നീക്കമാരംഭിച്ചു. അപകടമുണ്ടാക്കിയ കാറിന്റെ RC സസ്പെൻഡ് ചെയ്യും. കേസ് അന്വേഷണം ജില്ല ക്രൈം ബ്രാഞ്ച് ഏറ്റെടുത്തു.

Crime Branch officials searched the Aluva flat of a judge linked to the Cheranalloor road accident case, collecting CCTV footage and seizing digital devices and an alleged luxury bike used by the teenager. Police are now waiting for High Court permission to arrest the judge, while the victim’s family plans to move the court seeking action and bail cancellation.

### Related Links & Sources
- [Original Story Source](https://truevisionnews.com/news/389061/crime-branch-searches-judge-flat-aluva)