---
title: "ചേരാനല്ലൂർ വാഹനാപകടം: അന്വേഷണത്തിൽ വീഴ്ച വരുത്തിയ മൂന്ന് പോലീസുകാർക്ക് സസ്പെൻഷൻ"
english_title: "Cheranalloor Accident Probe Lapses: Three Police Officers Suspended"
publisher: "truevisionnews.com"
canonical_url: "https://truevisionnews.com/news/389007/cheranalloor-accident-probe-lapses-suspension-NEW-"
published_at: "2026-10-27T16:30:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6ae085362d028_cheranalloor-accident-probe-lapses-suspension-NEW.jpg"
keywords: ["KeralaPolice", "Cheranalloor", "AccidentProbe", "Suspension", "RoadAccident"]
---

# ചേരാനല്ലൂർ വാഹനാപകടം: അന്വേഷണത്തിൽ വീഴ്ച വരുത്തിയ മൂന്ന് പോലീസുകാർക്ക് സസ്പെൻഷൻ

> **Lead Summary:** **കൊച്ചി: **ചേരാനല്ലൂരിൽ നടന്ന വാഹനാപകട കേസിന്റെ അന്വേഷണത്തിൽ ഗുരുതര വീഴ്ച വരുത്തിയ ഉദ്യോഗസ്ഥർക്കെതിരെ കർശന നടപടി. സംഭവത്തിൽ ഉത്തരവാദികളായ മൂന്ന് പോലീസുകാരെ സർവീസിൽ നിന്ന് സസ്പെൻഡ് ചെയ്തു.

## Article Content

**കൊച്ചി: **ചേരാനല്ലൂരിൽ നടന്ന വാഹനാപകട കേസിന്റെ അന്വേഷണത്തിൽ ഗുരുതര വീഴ്ച വരുത്തിയ ഉദ്യോഗസ്ഥർക്കെതിരെ കർശന നടപടി. സംഭവത്തിൽ ഉത്തരവാദികളായ മൂന്ന് പോലീസുകാരെ സർവീസിൽ നിന്ന് സസ്പെൻഡ് ചെയ്തു.

കേസന്വേഷണവുമായി ബന്ധപ്പെട്ട പ്രാഥമിക നടപടികളിലും തെളിവ് ശേഖരണത്തിലും ഉദ്യോഗസ്ഥരുടെ ഭാഗത്തുനിന്ന് വീഴ്ച സംഭവിച്ചതായി കണ്ടെത്തിയതിനെ തുടർന്നാണ് നടപടി. അപകടം നടന്ന ശേഷമുള്ള റിപ്പോർട്ടിംഗിലും കേസെടുക്കുന്നതിലുമുണ്ടായ വീഴ്ചകളെക്കുറിച്ച് ഉന്നത പോലീസ് ഉദ്യോഗസ്ഥർ അന്വേഷണം നടത്തിയിരുന്നു.

അന്വേഷണ റിപ്പോർട്ടിന്റെ അടിസ്ഥാനത്തിൽ പോലീസുകാർക്ക് വീഴ്ച പറ്റിയിട്ടുണ്ടെന്ന് വ്യക്തമായതോടെയാണ് മൂന്ന് പേരെയും സസ്പെൻഡ് ചെയ്തുകൊണ്ട് ഉത്തരവിറക്കിയത്. സംഭവത്തിൽ കൂടുതൽ ഉദ്യോഗസ്ഥർക്ക് പങ്കുണ്ടോ എന്നും അന്വേഷണത്തിൽ മറ്റ് അട്ടിമറികൾ നടന്നിട്ടുണ്ടോ എന്നും പോലീസ് വിശദമായി പരിശോധിച്ച് വരികയാണ്.

അതേസമയം നെടുമ്പാശേരി അപകടത്തിൽ ആഭ്യന്തരമന്ത്രി ശക്തമായ നിലപാട് സ്വീകരിച്ചിട്ടും പൊലീസിന്റെ മനോഭാവത്തിൽ മാറ്റമുണ്ടായിട്ടില്ലെന്ന് പ്രതിപക്ഷ നേതാവ് പിണറായി വിജയൻ. ഇതിന്റെ തെളിവാണ് ചേരാനല്ലൂർ സംഭവത്തിൽ കണ്ടതെന്നും അദ്ദേഹം നിയമസഭയിൽ കുറ്റപ്പെടുത്തി.

സമ്പന്നരും സ്വാധീനമുള്ളവർക്കും ഒരു നീതിയും പാവപ്പെട്ടവർക്ക് മറ്റൊരു നീതിയുമാണ് പൊലീസിൽ നടപ്പിലാകുന്നത്. ഇതിൽ സർക്കാരിന് യോജിപ്പില്ല എന്ന് പറയുന്നുണ്ടെങ്കിലും ഇത്തരമൊരു അവസ്ഥയെ അതീവ ഗൗരവത്തോടെ കാണണമെന്നും അദ്ദേഹം സഭയിൽ ആവശ്യപ്പെട്ടു.

> "ഞങ്ങൾക്കും സമ്പന്നർക്കും രണ്ട് നീതിയാണോ എന്ന് അപകടത്തിൽ മരിച്ച ജയബാലകൃഷ്ണന്റെ മകൾ ചോദിക്കുന്നത് വളരെ ഗൗരവമുള്ള കാര്യമാണ്. ആ കുഞ്ഞിന്റെ അച്ഛന്റെ ചിത അടങ്ങും മുൻപാണ് ഇത്തരമൊരു ചോദ്യം ഉയർത്തേണ്ടി വന്നത്. അത് സങ്കടകരവും നാടിന് തന്നെ അപമാനകരവുമാണ്," പിണറായി വിജയൻ പറഞ്ഞു. ആഭ്യന്തരമന്ത്രിയുടെ വാക്കും നിലപാടും പോലും അംഗീകരിക്കാൻ പൊലീസ് തയ്യാറാകുന്നില്ലെന്നും, പൊലീസിലുള്ള ജനങ്ങളുടെ വിശ്വാസം പൂർണ്ണമായി നഷ്ടപ്പെട്ടതിന്റെ പ്രതികരണമാണ് പുറത്തുവരുന്നതെന്നും അദ്ദേഹം കൂട്ടിച്ചേർത്തു.

Three police officers have been suspended for serious lapses in the investigation of a road accident case in Cheranalloor. Authorities found shortcomings in the initial procedures, evidence collection, reporting, and registration of the case, and further inquiry is under way.

### Related Links & Sources
- [Original Story Source](https://truevisionnews.com/news/389007/cheranalloor-accident-probe-lapses-suspension-NEW-)