---
title: "അവധിയാണ് കേട്ടോ...! മണ്ണാറശ്ശാല ആയില്യം, പരുമല പെരുന്നാൾ;  ജില്ലയിൽ നവംബർ രണ്ടിന് പ്രാദേശിക അവധി പ്രഖ്യാപിച്ച് ജില്ലാ കലക്ടർ"
english_title: "Alappuzha Declares Local Holiday on November 2 for Mannarasala Aayilyam, Parumala Perunnal"
publisher: "truevisionnews.com"
canonical_url: "https://truevisionnews.com/news/388986/alappuzha-local-holiday-november-2"
published_at: "2026-10-27T14:51:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6ae06ded5c81e_alappuzha-local-holiday-november-2.jpg"
keywords: ["AlappuzhaNews", "LocalHoliday", "MannarasalaAayilyam", "ParumalaPerunnal", "DistrictCollector"]
---

# അവധിയാണ് കേട്ടോ...! മണ്ണാറശ്ശാല ആയില്യം, പരുമല പെരുന്നാൾ;  ജില്ലയിൽ നവംബർ രണ്ടിന് പ്രാദേശിക അവധി പ്രഖ്യാപിച്ച് ജില്ലാ കലക്ടർ

> **Lead Summary:** **ആലപ്പുഴ: **മണ്ണാറശ്ശാല ശ്രീ നാഗരാജ ക്ഷേത്രത്തിലെ പ്രശസ്തമായ ആയില്യം മഹോത്സവവും പരുമല പള്ളി പെരുന്നാളും പ്രമാണിച്ച് നവംബർ രണ്ടിന് ആലപ്പുഴ ജില്ലയിലെ എല്ലാ സർക്കാർ ഓഫീസുകൾക്കും വിദ്യാഭ്യാസ സ്ഥാപനങ്ങൾക്കും ജില്ലാ കലക്ടർ പ്രാദേശിക അവധി പ്രഖ്യാപിച്ചു. ജില്ലയിലെ പ്രധാനപ്പെട്ട ഈ രണ്ട് ഉത്സവങ്ങളും ഒരുമിച്ച് വരുന്ന പശ്ചാത്തലത്തിലാണ് പൊതുജനങ്ങൾക്ക് പങ്കാളികളാകാൻ സൗകര്യമൊരുക്കി ജില്ലാ ഭരണകൂടം അവധി നൽകിയത്.

## Article Content

**ആലപ്പുഴ: **മണ്ണാറശ്ശാല ശ്രീ നാഗരാജ ക്ഷേത്രത്തിലെ പ്രശസ്തമായ ആയില്യം മഹോത്സവവും പരുമല പള്ളി പെരുന്നാളും പ്രമാണിച്ച് നവംബർ രണ്ടിന് ആലപ്പുഴ ജില്ലയിലെ എല്ലാ സർക്കാർ ഓഫീസുകൾക്കും വിദ്യാഭ്യാസ സ്ഥാപനങ്ങൾക്കും ജില്ലാ കലക്ടർ പ്രാദേശിക അവധി പ്രഖ്യാപിച്ചു. ജില്ലയിലെ പ്രധാനപ്പെട്ട ഈ രണ്ട് ഉത്സവങ്ങളും ഒരുമിച്ച് വരുന്ന പശ്ചാത്തലത്തിലാണ് പൊതുജനങ്ങൾക്ക് പങ്കാളികളാകാൻ സൗകര്യമൊരുക്കി ജില്ലാ ഭരണകൂടം അവധി നൽകിയത്.

അതേസമയം, മുൻകൂട്ടി നിശ്ചയിച്ചിട്ടുള്ള പൊതു പരീക്ഷകൾക്ക് ഈ പ്രാദേശിക അവധി ബാധകമായിരിക്കില്ലെന്ന് കലക്ടറുടെ ഉത്തരവിൽ വ്യക്തമാക്കുന്നു. പരീക്ഷകൾ മുടക്കമില്ലാതെ മുൻ നിശ്ചയിച്ച പ്രകാരം തന്നെ അതത് കേന്ദ്രങ്ങളിൽ വെച്ച് നടക്കും.

പ്രസിദ്ധമായ മണ്ണാറശ്ശാല ആയില്യം മഹോത്സവത്തിനും പരുമല തിരുമേനിയുടെ ഓർമ്മ പുതുക്കുന്ന പരുമല പള്ളി പെരുന്നാളിനും ആയിരക്കണക്കിന് ഭക്തജനങ്ങളാണ് സംസ്ഥാനത്തിന്റെ വിവിധ ഭാഗങ്ങളിൽ നിന്നായി ആലപ്പുഴയിലേക്ക് എത്തിച്ചേരുന്നത്. പ്രദേശത്തെ തിരക്കും ഗതാഗത ക്രമീകരണങ്ങളും കണക്കിലെടുത്താണ് വിദ്യാഭ്യാസ സ്ഥാപനങ്ങൾക്കും ഓഫീസുകൾക്കും പ്രാദേശിക അവധി പ്രഖ്യാപിച്ചിരിക്കുന്നത്.

Alappuzha district collector has declared a local holiday on November 2 for government offices and educational institutions in view of the Mannarasala Aayilyam festival and the Parumala Perunnal. The order clarifies that pre-scheduled public examinations will be held as planned.

### Related Links & Sources
- [Original Story Source](https://truevisionnews.com/news/388986/alappuzha-local-holiday-november-2)