---
title: "കണ്ണൂരിൽ കൗതുകകരമായ തട്ടിപ്പ്..! കാറിൽ കാത്തിരുന്ന ഭാര്യയെ കാണിക്കണമെന്ന് പറഞ്ഞ് ഷർട്ടുമായി യുവാവ് മുങ്ങി; സിസിടിവി ദൃശ്യങ്ങൾ പുറത്തുവന്നതോടെ കടയുടമയ്ക്ക് പണം നൽകി അമ്മ"
english_title: "Kannur Shirt Scam: Man Vanishes After Asking to Show Wife in Car"
publisher: "truevisionnews.com"
canonical_url: "https://truevisionnews.com/news/388926/kannur-shirt-scam-man-vanishes"
published_at: "2026-10-27T10:13:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6ae02c20605b1_kannur-shirt-scam-man-vanishes.jpg"
keywords: ["KannurNews", "CctvFootage", "ShopTheft", "FraudCase", "KeralaNews"]
---

# കണ്ണൂരിൽ കൗതുകകരമായ തട്ടിപ്പ്..! കാറിൽ കാത്തിരുന്ന ഭാര്യയെ കാണിക്കണമെന്ന് പറഞ്ഞ് ഷർട്ടുമായി യുവാവ് മുങ്ങി; സിസിടിവി ദൃശ്യങ്ങൾ പുറത്തുവന്നതോടെ കടയുടമയ്ക്ക് പണം നൽകി അമ്മ

> **Lead Summary:** **കണ്ണൂർ: **കണ്ണൂർ ആലക്കോട്ട് തുണിക്കടയിൽ നിന്ന് ഷർട്ട് വാങ്ങി പണം നൽകാതെ കടന്നുകളഞ്ഞ യുവാവിന്‍റെ നടപടി ഒടുവിൽ ബന്ധുക്കൾ പണം നൽകി പരിഹരിച്ചു. ആലക്കോടുള്ള 'ഓർമ്മ ഫാബ്രിക്സ്' എന്ന കടയിലാണ് കൗതുകകരവും എന്നാൽ അമ്പരപ്പിക്കുന്നതുമായ ഈ സംഭവം നടന്നത്.

## Article Content

**കണ്ണൂർ: **കണ്ണൂർ ആലക്കോട്ട് തുണിക്കടയിൽ നിന്ന് ഷർട്ട് വാങ്ങി പണം നൽകാതെ കടന്നുകളഞ്ഞ യുവാവിന്‍റെ നടപടി ഒടുവിൽ ബന്ധുക്കൾ പണം നൽകി പരിഹരിച്ചു. ആലക്കോടുള്ള 'ഓർമ്മ ഫാബ്രിക്സ്' എന്ന കടയിലാണ് കൗതുകകരവും എന്നാൽ അമ്പരപ്പിക്കുന്നതുമായ ഈ സംഭവം നടന്നത്.

സൂഹ്യുവാവ് ഗിഫ്റ്റ് നൽകാനായി രണ്ട് ഷർട്ടുകൾ വേണമെന്ന് ആവശ്യപ്പെട്ടാണ് കടയിലേക്ക് എത്തിയത്. തുടർന്ന് ഷർട്ടുകൾ തിരഞ്ഞെടുക്കുകയും, തൊട്ടപ്പുറത്ത് കാറിൽ ഇരിക്കുന്ന ഭാര്യയെ ഒന്ന് കാണിച്ച ശേഷം വാങ്ങാം എന്ന് കടയുടമയോട് പറയുകയും ചെയ്തു. ഷർട്ടുകൾ കവറിലാക്കി നൽകാൻ ആവശ്യപ്പെടുകയും, കവർ കൈയിൽ കിട്ടിയ ഉടൻ തന്നെ ഇയാൾ കടയിൽ നിന്ന് ഇറങ്ങി കാറിൽ കയറി രക്ഷപ്പെടുകയായിരുന്നു.

ഏറെ നേരം കഴിഞ്ഞിട്ടും ഇയാൾ തിരിച്ചുവരാത്തതിനെ തുടർന്ന് നടത്തിയ പരിശോധനയിലാണ് തട്ടിപ്പ് വ്യക്തമായത്. തുടർന്ന് കടയിലെ സിസിടിവി ദൃശ്യങ്ങൾ ആലക്കോട്ടുള്ള വാട്സ്ആപ്പ് ഗ്രൂപ്പുകളിൽ വ്യാപകമായി പ്രചരിപ്പിക്കുകയായിരുന്നു. ഈ ദൃശ്യങ്ങൾ കണ്ട ഒരാൾ യുവാവിനെ തിരിച്ചറിഞ്ഞു. വിവരമറിഞ്ഞ കടയുടമ യുവാവിന്റെ വീട്ടിലെത്തുകയും, തുടർന്ന് യുവാവിന്റെ അമ്മ കടയുടമയ്ക്ക് ആവശ്യമായ പണം നൽകി പ്രശ്നം പരിഹരിക്കുകയുമായിരുന്നു.

A man in Kannur allegedly walked out of a textile shop with two shirts without paying, saying he would first show his wife seated in a car. After CCTV footage spread in local WhatsApp groups, the man was identified and his mother later paid the shop owner to settle the matter.

### Related Links & Sources
- [Original Story Source](https://truevisionnews.com/news/388926/kannur-shirt-scam-man-vanishes)