---
title: "ചേരാനെല്ലൂര്‍ വാഹനാപകടം: ജഡ്ജിനെ ചോദ്യം ചെയ്തു; തന്റെ അറിവോടെയല്ല മകന്‍ വാഹനമോടിച്ചതെന്ന് മൊഴി, 17കാരന്റെ ജാമ്യം റദ്ദാക്കാന്‍ നടപടികളുമായി പൊലീസ്"
english_title: "Cheranelloor Accident: Police Move to Cancel 17-Year-Old's Bail"
publisher: "truevisionnews.com"
canonical_url: "https://truevisionnews.com/news/388909/cheranelloor-accident-police-cancel-bail"
published_at: "2026-10-27T07:49:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6ae00ae8e5df4_cheranelloor-accident-police-cancel-bail.jpg"
keywords: ["CheranelloorAccident", "KeralaPolice", "JuvenileJustice", "RoadAccident", "CulpableHomicide"]
---

# ചേരാനെല്ലൂര്‍ വാഹനാപകടം: ജഡ്ജിനെ ചോദ്യം ചെയ്തു; തന്റെ അറിവോടെയല്ല മകന്‍ വാഹനമോടിച്ചതെന്ന് മൊഴി, 17കാരന്റെ ജാമ്യം റദ്ദാക്കാന്‍ നടപടികളുമായി പൊലീസ്

> **Lead Summary:** എറണാകുളം: ചേരാനെല്ലൂര്‍ വാഹനാപകടക്കേസില്‍ 17കാരന്റെ ജാമ്യം റദ്ദാക്കാന്‍ മജിസ്ട്രേറ്റ് കോടതിയില്‍ അപേക്ഷ നല്‍കി പൊലീസ്. കുറ്റകരമായ നരഹത്യ ചുമത്തിയെന്നും, വാഹനം 104 കിലോമീറ്റര്‍ വേഗത്തിലായിരുന്നുവെന്നും പൊലീസ് റിപ്പോര്‍ട്ടില്‍ പറയുന്നു.

## Article Content

എറണാകുളം: ചേരാനെല്ലൂര്‍ വാഹനാപകടക്കേസില്‍ 17കാരന്റെ ജാമ്യം റദ്ദാക്കാന്‍ മജിസ്ട്രേറ്റ് കോടതിയില്‍ അപേക്ഷ നല്‍കി പൊലീസ്. കുറ്റകരമായ നരഹത്യ ചുമത്തിയെന്നും, വാഹനം 104 കിലോമീറ്റര്‍ വേഗത്തിലായിരുന്നുവെന്നും പൊലീസ് റിപ്പോര്‍ട്ടില്‍ പറയുന്നു.

ജുവനൈല്‍ ജസ്റ്റിസ് ബോര്‍ഡിന്റെ ഉത്തരവിനെതിരെയാണ് പൊലീസ് നീക്കം. പ്രതിചേര്‍ത്ത പതിനേഴുകാരന്റെ പിതാവ് ജഡ്ജി റിനോ ഫ്രാന്‍സിസ് സേവ്യറെ ചോദ്യം ചെയ്ത് പൊലീസ്. ആലുവ കമ്പനിപ്പടിയിലെ ഫ്‌ളാറ്റില്‍ എത്തിയാണ് ചോദ്യം ചെയ്തത്.

തുടര്‍നടപടിയില്‍ തീരുമാനം ഇന്നുണ്ടാകും. തന്റെ അറിവോടെയല്ല മകന്‍ വാഹനമോടിച്ചതെന്നാണ് ജഡ്ജിയുടെ മൊഴി. സ്വന്തം ഇന്‍സ്റ്റാഗ്രാം പേജ് പതിനേഴുകാരന്‍ ഡിലീറ്റ് ചെയ്തു. മുന്‍പ് വാഹനമോടിച്ചതിന്റെ തെളിവ് നശിപ്പിക്കാനായിരുന്നു ഇതെന്നാണ് വിവരം.

പതിനേഴുകാരന്‍ ലൈസന്‍സ് എടുക്കുന്നത് വിലക്കാന്‍ എംവിഡി നീക്കം നടത്തുന്നുണ്ട്. മോട്ടോര്‍ വെഹിക്കിള്‍ ആക്ട് പ്രകാരം 25 വയസുവരെ വിലക്കും. അപകടമുണ്ടാക്കിയ ബെന്‍സിന്റെ ആര്‍സി സസ്‌പെന്‍ഡ് ചെയ്യും.

അതേസമയം, ജഡ്ജിക്കെതിരെയുള്ള നടപടി ഉടനുണ്ടാകുമെന്നാണ് വിവരം. ഹൈക്കോടതി അച്ചടക്ക സമിതി ഉടന്‍ യോഗം ചേരും. ചീഫ് ജസ്റ്റിസും നാല് മുതിര്‍ന്ന ജഡ്ജിമാരുമടക്കം ഉള്‍പ്പെടുന്നതാണ് കമ്മിറ്റി. അച്ചടക്ക സമിതിക്ക് മുന്നില്‍ വയ്ക്കാനുള്ള റിപ്പോര്‍ട്ട് തയാറായി. തുടര്‍ന്ന് ജഡ്ജിക്കെതിരെയുള്ള നടപടി തീരുമാനിക്കും.

കേസില്‍ തുടര്‍നടപടികള്‍ സ്വീകരിക്കാന്‍ എഡിജിപി പി വിജയന്‍ ഇന്ന് കൊച്ചിയിലെത്തും. ആഭ്യന്തരമന്ത്രി രമേശ് ചെന്നിത്തലയുടെ പ്രത്യേക നിര്‍ദ്ദേശപ്രകാരമാണ് എഡിജിപി എത്തുന്നത്.

17കാരന്റെ ജാമ്യം റദ്ദാക്കുക, ദൃശ്യങ്ങള്‍ നശിപ്പിക്കാന്‍ കൂട്ടുനിന്ന പൊലീസ് ഉദ്യോഗസ്ഥര്‍ക്കെതിരെ നടപടി സ്വീകരിക്കുക, അച്ഛനായ അഡീഷണല്‍ ജഡ്ജിയെ അറസ്റ്റ് ചെയ്യുക തുടങ്ങി മൂന്ന് പ്രധാന ആവശ്യങ്ങളാണ് മരിച്ച ജയബാലകൃഷ്ണന്റെ കുടുംബം ഉന്നയിക്കുന്നത്. ഇന്ന് നടപടി ഉണ്ടായില്ലെങ്കില്‍ വീണ്ടും സമരം തുടങ്ങാനാണ് കുടുംബത്തിന്റെ തീരുമാനം.

In the Cheranelloor road accident case, police have moved the magistrate court to cancel the 17-year-old accused’s bail, citing culpable homicide and claiming the vehicle was driven at 104 kmph. Police also questioned the boy’s father, Judge Reno Francis Xavier, while the family of the deceased demands strict action, including the arrest of those who allegedly helped destroy evidence.

### Related Links & Sources
- [Original Story Source](https://truevisionnews.com/news/388909/cheranelloor-accident-police-cancel-bail)