---
title: "ബലോന്‍ ദ് ഓര്‍ പുരസ്‌കാരങ്ങള്‍ പ്രഖ്യാപിച്ചു; മികച്ച പുരുഷതാരം ഹാരി കെയ്ന്‍, അലക്‌സിയ പ്യൂട്ടയാസ് മികച്ച വനിതാ താരം, ലമീന്‍ യമാല്‍ മികച്ച യുവതാരം"
english_title: "Ballon d'Or Awards Announced: Harry Kane Wins Men's Top Prize, Alexia Putellas Best Women's Player"
publisher: "truevisionnews.com"
canonical_url: "https://truevisionnews.com/news/388901/ballon-dor-awards-announced-harry-kane-wins"
published_at: "2026-10-27T06:30:00+05:30"
category: "Sports"
language: "ml"
image: "https://cf.zdn.im/img/truevisionnews.com/0/image-uploads/6adff89bca592_ballon-dor-awards-announced-harry-kane-wins.jpg"
keywords: ["BallonDor", "HarryKane", "AlexiaPutellas", "LamineYamal", "PSG"]
---

# ബലോന്‍ ദ് ഓര്‍ പുരസ്‌കാരങ്ങള്‍ പ്രഖ്യാപിച്ചു; മികച്ച പുരുഷതാരം ഹാരി കെയ്ന്‍, അലക്‌സിയ പ്യൂട്ടയാസ് മികച്ച വനിതാ താരം, ലമീന്‍ യമാല്‍ മികച്ച യുവതാരം

> **Lead Summary:** ലണ്ടൻ: കഴിഞ്ഞ സീസണിലെ മികച്ച പുരുഷ ഫുട്ബോളർക്കുള്ള ബലോൻ ദ് ഓർ പുരസ്കാരം ഇംഗ്ലിഷ് താരം ഹാരി കെയ്ൻ സ്വന്തമാക്കി. 2001 ന് ശേഷം ആദ്യമായാണ് ഒരു ഇംഗ്ലിഷ് ഫുട്ബോളർ ബലോൻ ദ് ഓർ വിജയിക്കുന്നത്.

## Article Content

ലണ്ടൻ: കഴിഞ്ഞ സീസണിലെ മികച്ച പുരുഷ ഫുട്ബോളർക്കുള്ള ബലോൻ ദ് ഓർ പുരസ്കാരം ഇംഗ്ലിഷ് താരം ഹാരി കെയ്ൻ സ്വന്തമാക്കി. 2001 ന് ശേഷം ആദ്യമായാണ് ഒരു ഇംഗ്ലിഷ് ഫുട്ബോളർ ബലോൻ ദ് ഓർ വിജയിക്കുന്നത്.

2025–26 സീസണിൽ ജർമൻ ക്ലബ്ബ് ബയൺ മ്യൂണിക്കിനൊപ്പം രണ്ട് കിരീടങ്ങൾ വിജയിച്ച കെയ്ൻ, ഫിഫ ലോകകപ്പില്‍ ഇംഗ്ലണ്ടിനെ മൂന്നാം സ്ഥാനത്തെത്തിച്ചു. സ്പാനിഷ് താരം അലക്സിയ പ്യുട്ടിയാസ് മികച്ച വനിത താരമായും തിരഞ്ഞെടുക്കപ്പെട്ടു.

ബാർസിലോണയിലെയും സ്പാനിഷ് ടീമിലെയും പ്രകടനമാണ് അലക്സിയ പ്യുട്ടിയാസിനെ മികച്ച വനിത താരമായി തിരഞ്ഞെടുക്കാൻ അർഹയാക്കിയത്.

മികച്ച യുവതാരത്തിനുള്ള കോപ്പ ട്രോഫി സ്പെയിനിന്റെ ലമീൻ യമാൽ സ്വന്തമാക്കി. 21 വയസ്സിനു താഴെയുള്ള താരങ്ങൾക്കു നൽകുന്ന ഈ പുരസ്കാരത്തിന് തുടർച്ചയായ മൂന്നാം തവണയാണ് 19 വയസുകാരനായ ലമീൻ യമാൽ അർഹനായത്. മികച്ച വനിത യുവതാരത്തിനുള്ള കോപ്പ ട്രോഫി സ്പെയിനിന്റെ തന്നെ വിക്കി ലോപ്പസ് വിജയിച്ചു. 2025ലും വിക്കി ലോപ്പസിനായിരുന്നു വനിത യുവതാരത്തിനുള്ള കോപ്പ ട്രോഫി.

സ്പാനിഷ് ഫുട്ബോൾ ടീമിന്റെ മുഖ്യ പരിശീലകനായ ലൂയി ഡെ ലാ ഫ്യുവന്തെ മികച്ച പുരുഷ ഫുട്ബോൾ പരിശീലകനായി തിരഞ്ഞെടുക്കപ്പെട്ടപ്പോൾ മികച്ച വനിത ഫുട്ബോൾ പരിശീലകനായി സ്പാനിഷ് പ്രഫഷനൽ ഫുട്ബോൾ പരിശീലകൻ പെരെ റോമിയു അർഹനായി.

സ്പെയിൻ ഗോൾകീപ്പർ ഉനായ് സിമോൻ മികച്ച ഗോൾകീപ്പറായും തിരഞ്ഞെടുക്കപ്പെട്ടു. സ്പെയിൻ വനിത ഫുട്ബോൾ ടീമിലെ ഗോൾകീപ്പർ കാറ്റലീന ടോമസ് കാറ്റ കോൾ ലച്ചിനെ മികച്ച വനിത ഗോൾകീപ്പറായും തിരഞ്ഞെടുക്കപ്പെട്ടു.

മികച്ച ക്ലബിനുള്ള പുരസ്കാരം പുരുഷ വിഭാഗത്തിൽ ഫ്രഞ്ച് ക്ലബ് പിഎസ്ജി വീണ്ടും സ്വന്തമാക്കിയപ്പോൾ വനിത വിഭാഗത്തിൽ ബാർസിലോണ അർഹരായി. ഇംഗ്ലിഷ് താരം ഹാരി കെയ്ൻ മികച്ച പുരുഷ സ്ട്രൈക്കറായും മെക്സിക്കൻ ഫുട്ബോൾ കളിക്കാരിയായ വെറോണിക്ക ചാർലിൻ കോറലിനെ വനിത സ്ട്രൈക്കറായും തിരഞ്ഞെടുത്തു.

ലണ്ടനിൽ ഇന്ത്യൻ സമയം പുലർച്ചെയാണ് പുരസ്‌കാരദാനച്ചടങ്ങ് നടന്നത്. ഇതാദ്യമായിട്ടാണ് ബലോൻ ദ് ഓർ പുരസ്‌കാരദാനച്ചടങ്ങ് ലണ്ടനിൽ വച്ച് നടക്കുന്നത്. പുരുഷ-വനിതാ വിഭാഗങ്ങളിൽ മികച്ച ഫുട്‌ബോൾ താരങ്ങൾക്കും പരിശീലകർക്കുമാണ് പുരസ്കാരങ്ങൾ നൽകിയത്.

The Ballon d'Or awards were announced in London, with England striker Harry Kane winning the men's top honor and Alexia Putellas named the best women's player. Lamine Yamal claimed the Kopa Trophy for best young player, while PSG and Barcelona were recognized as the top clubs in the men's and women's categories respectively.

### Related Links & Sources
- [Original Story Source](https://truevisionnews.com/news/388901/ballon-dor-awards-announced-harry-kane-wins)