---
title: "'കുക്ക് വിത്ത് കൊമാളി' ഫെയിം ഷെഫ് ദാമോദരൻ വിടവാങ്ങി; ഒരു ദിവസം 617 വിഭവങ്ങൾ ഉണ്ടാക്കി ഗിന്നസ് റെക്കോർഡ് നേടിയ പ്രതിഭ"
english_title: "‘Cooku With Comali’ Fame Chef Damodharan Passes Away"
publisher: "truevisionnews.com"
canonical_url: "https://truevisionnews.com/news/388658/chef-damodharan-passes-away"
published_at: "2026-10-25T14:05:00+05:30"
category: "National"
language: "ml"
image: "https://cf.zdn.im/img/truevisionnews.com/0/image-uploads/6addc00a12180_chef-damodharan-passes-away.jpg"
keywords: ["ChefDamodharan", "CookuWithComali", "GuinnessRecord", "PadmaShri", "TamilNaduNews"]
---

# 'കുക്ക് വിത്ത് കൊമാളി' ഫെയിം ഷെഫ് ദാമോദരൻ വിടവാങ്ങി; ഒരു ദിവസം 617 വിഭവങ്ങൾ ഉണ്ടാക്കി ഗിന്നസ് റെക്കോർഡ് നേടിയ പ്രതിഭ

> **Lead Summary:** **ചെന്നൈ: **പ്രശസ്ത പാചക വിദഗ്ധനും 'കുക്ക് വിത്ത് കൊമാളി' തമിഴ് റിയാലിറ്റി ഷോയിലൂടെ ജനപ്രിയനായ വിധികർത്താവുമായ ഷെഫ് ദാമോദരൻ അന്തരിച്ചു. അസുഖബാധിതനായി ചികിത്സയിലായിരുന്നു. ഒരു ദിവസം കൊണ്ട് ഏറ്റവും കൂടുതൽ വിഭവങ്ങൾ (617 എണ്ണം) പാചകം ചെയ്ത് ഗിന്നസ് ലോക റെക്കോർഡ് സ്ഥാപിച്ച അപൂർവ്വ പ്രതിഭയായിരുന്നു അദ്ദേഹം.

## Article Content

**ചെന്നൈ: **പ്രശസ്ത പാചക വിദഗ്ധനും 'കുക്ക് വിത്ത് കൊമാളി' തമിഴ് റിയാലിറ്റി ഷോയിലൂടെ ജനപ്രിയനായ വിധികർത്താവുമായ ഷെഫ് ദാമോദരൻ അന്തരിച്ചു. അസുഖബാധിതനായി ചികിത്സയിലായിരുന്നു. ഒരു ദിവസം കൊണ്ട് ഏറ്റവും കൂടുതൽ വിഭവങ്ങൾ (617 എണ്ണം) പാചകം ചെയ്ത് ഗിന്നസ് ലോക റെക്കോർഡ് സ്ഥാപിച്ച അപൂർവ്വ പ്രതിഭയായിരുന്നു അദ്ദേഹം.

ഹോട്ടലുകളിൽ പാത്രം കഴുകുന്ന ജോലിക്കാരനായി ജീവിതം ആരംഭിച്ച ദാമോദരൻ, സ്വന്തം കഠിനാധ്വാനത്തിലൂടെയും അഭിരുചിയിലൂടെയുമാണ് ഇന്ത്യയിലെ തന്നെ മുൻനിര ഷെഫുമാരുടെ നിരയിലേക്ക് ഉയർന്നുവന്നത്. പാചക കലയ്ക്ക് നൽകിയ സംഭാവനകൾ പരിഗണിച്ച് രാജ്യം അദ്ദേഹത്തിന് പത്മശ്രീ നൽകി ആദരിച്ചിട്ടുണ്ട്. മദ്രാസ് സർവകലാശാലയിൽ നിന്ന് ഹോട്ടൽ മാനേജ്മെന്റിൽ പിഎച്ച്ഡി നേടിയ ആദ്യ ഇന്ത്യൻ ഷെഫ് കൂടിയാണ് അദ്ദേഹം.

ഇടുപ്പെല്ലിലെ ഒടിവും കാൽമുട്ട് ശസ്ത്രക്രിയയും കാരണം കഴിഞ്ഞ ഏതാനും വർഷങ്ങളായി വീൽചെയറിലായിരുന്നു അദ്ദേഹത്തിന്റെ ജീവിതം. ടെലിവിഷൻ പാചക ഷോകളിലൂടെ തമിഴ്നാട്ടിലും കേരളത്തിലും ഒരുപോലെ വലിയ ആരാധകവൃന്ദത്തെ സൃഷ്ടിച്ച അദ്ദേഹത്തിന്റെ വിയോഗത്തിൽ സിനിമാ-സാംസ്കാരിക ലോകം അനുശോചനം രേഖപ്പെടുത്തി.

Renowned chef and ‘Cooku with Comali’ judge Chef Damodharan has died after battling health issues. A Padma Shri awardee and Guinness World Record holder, he was the first Indian chef to earn a PhD in Hotel Management.

### Related Links & Sources
- [Original Story Source](https://truevisionnews.com/news/388658/chef-damodharan-passes-away)