---
title: "'പ്രതിയെ സഹായിക്കാൻ മന്ത്രി ശ്രമിച്ചു'; നെടുമ്പാശ്ശേരി അപകടക്കേസ്; അപകീർത്തി പരാമർശത്തിൽ ഡിവൈഎഫ്ഐ നേതാവ് ജെയിംസ് സാമുവലിനെതിരെ വീണ്ടും കേസ്"
english_title: "‘Minister Tried to Help the Accused’: Fresh Case Against DYFI Leader James Samuel in Nedumbassery Case"
publisher: "truevisionnews.com"
canonical_url: "https://truevisionnews.com/news/388557/nedumbassery-accident-case-james-samuel-fresh-case-new"
published_at: "2026-10-24T15:59:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6adc89752a9cc_nedumbassery-accident-case-james-samuel-fresh-case.jpg"
keywords: ["KeralaNews", "DYFI", "JamesSamuel", "NedumbasseryCase", "MJLiju"]
---

# 'പ്രതിയെ സഹായിക്കാൻ മന്ത്രി ശ്രമിച്ചു'; നെടുമ്പാശ്ശേരി അപകടക്കേസ്; അപകീർത്തി പരാമർശത്തിൽ ഡിവൈഎഫ്ഐ നേതാവ് ജെയിംസ് സാമുവലിനെതിരെ വീണ്ടും കേസ്

> **Lead Summary:** **ആലപ്പുഴ: **നെടുമ്പാശ്ശേരി അപകടക്കേസുമായി ബന്ധപ്പെട്ട് ഡിവൈഎഫ്ഐ ആലപ്പുഴ ജില്ലാ സെക്രട്ടറി ജെയിംസ് സാമുവലിന് എതിരെ വീണ്ടും കേസ്. സഹകരണ-എക്സൈസ് മന്ത്രി എം. ലിജു നൽകിയ പരാതിയിലാണ് ആലപ്പുഴ സൗത്ത് പൊലീസ് ജെയിംസിനെതിരെ കേസെടുത്തിരിക്കുന്നത്. മിനികൂപ്പർ അപകടക്കേസിലെ പ്രതിയെ സഹായിക്കാൻ മന്ത്രി ശ്രമിച്ചുവെന്ന് ജെയിംസ് സാമുവൽ ആരോപണം ഉന്നയിച്ചിരുന്നു.

## Article Content

**ആലപ്പുഴ: **നെടുമ്പാശ്ശേരി അപകടക്കേസുമായി ബന്ധപ്പെട്ട് ഡിവൈഎഫ്ഐ ആലപ്പുഴ ജില്ലാ സെക്രട്ടറി ജെയിംസ് സാമുവലിന് എതിരെ വീണ്ടും കേസ്. സഹകരണ-എക്സൈസ് മന്ത്രി എം. ലിജു നൽകിയ പരാതിയിലാണ് ആലപ്പുഴ സൗത്ത് പൊലീസ് ജെയിംസിനെതിരെ കേസെടുത്തിരിക്കുന്നത്. മിനികൂപ്പർ അപകടക്കേസിലെ പ്രതിയെ സഹായിക്കാൻ മന്ത്രി ശ്രമിച്ചുവെന്ന് ജെയിംസ് സാമുവൽ ആരോപണം ഉന്നയിച്ചിരുന്നു.

ഈ ആരോപണത്തിനെതിരെയാണ് മന്ത്രി പൊലീസിനെ സമീപിച്ചത്. മാധ്യമങ്ങൾ വഴി തനിക്കെതിരെ വ്യാജപ്രചാരണം നടത്തുകയും അപകീർത്തികരമായ പരാമർശങ്ങൾ ഉന്നയിക്കുകയും ചെയ്ത ജെയിംസ് സാമുവലിനെതിരെ നടപടിയെടുക്കണമെന്നാവശ്യപ്പെട്ട് ലിജു സംസ്ഥാന പൊലീസ് മേധാവിക്ക് പരാതി നൽകിയിരുന്നു. ഇതിന്റെ അടിസ്ഥാനത്തിലാണ് പുതിയ നടപടി.

നേരത്തെ ഡെപ്യൂട്ടി സ്പീക്കർ ഷാനിമോൾ ഉസ്മാൻ, കെപിസിസി വൈസ് പ്രസിഡന്റ് എ.എ. ഷുക്കൂർ എന്നിവരുടെ പരാതികളിലും ജെയിംസിനെതിരെ പൊലീസ് കേസെടുത്തിരുന്നു. അതേസമയം, തനിക്കെതിരെ സാമൂഹ്യ മാധ്യമങ്ങൾ വഴി മോശമായ പരാമർശങ്ങൾ നടത്തുകയും വ്യാജ ആരോപണങ്ങൾ ഉന്നയിക്കുകയും ചെയ്ത ഷബീർ ഇബ്നു സലീം എന്നയാൾക്കെതിരെയും മന്ത്രി എം. ലിജു ഡിജിപിക്ക് പ്രത്യേക പരാതി നൽകിയിട്ടുണ്ട്.

A fresh case has been registered against DYFI Alappuzha district secretary James Samuel in connection with the Nedumbassery accident case, following a complaint by Minister M. Liju. The minister alleged that Samuel made defamatory claims and spread false propaganda through the media, including accusations that he tried to help the accused in the Mini Cooper accident case.

### Related Links & Sources
- [Original Story Source](https://truevisionnews.com/news/388557/nedumbassery-accident-case-james-samuel-fresh-case-new)