---
title: "61-ാം വയസ്സിൽ ചിലങ്കയണിഞ്ഞ് ഇന്ദിര; പിഷാരിക്കാവ് ക്ഷേത്രനടയിൽ അവിസ്മരണീയ അരങ്ങേറ്റം"
english_title: "Indira Makes Bharatanatyam Debut at 61 in Pisharikavu Temple Premises"
publisher: "truevisionnews.com"
canonical_url: "https://truevisionnews.com/news/388266/indira-bharatanatyam-debut-pisharikavu-temple"
published_at: "2026-10-23T07:06:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6adabaa0bec29_indira-bharatanatyam-debut-pisharikavu-temple.jpg"
keywords: ["Bharatanatyam", "Indira", "PisharikavuTemple", "KozhikodeNews", "DanceDebut"]
---

# 61-ാം വയസ്സിൽ ചിലങ്കയണിഞ്ഞ് ഇന്ദിര; പിഷാരിക്കാവ് ക്ഷേത്രനടയിൽ അവിസ്മരണീയ അരങ്ങേറ്റം

> **Lead Summary:** കോഴിക്കോട്: പ്രായം വെറും അക്കങ്ങൾ മാത്രമെന്ന് തെളിയിച്ച്, 61-ാം വയസ്സിൽ ഭരതനാട്യത്തിൽ അരങ്ങേറ്റം കുറിച്ച് അരൂർ പെരുമുണ്ടശ്ശേരി സ്വദേശിനി ഇന്ദിര. ചരിത്രപ്രസിദ്ധമായ പിഷാരിക്കാവ് ക്ഷേത്രസന്നിധിയിലായിരുന്നു ഈ മനോഹരമായ കലാസമർപ്പണം.

## Article Content

കോഴിക്കോട്: പ്രായം വെറും അക്കങ്ങൾ മാത്രമെന്ന് തെളിയിച്ച്, 61-ാം വയസ്സിൽ ഭരതനാട്യത്തിൽ അരങ്ങേറ്റം കുറിച്ച് അരൂർ പെരുമുണ്ടശ്ശേരി സ്വദേശിനി ഇന്ദിര. ചരിത്രപ്രസിദ്ധമായ പിഷാരിക്കാവ് ക്ഷേത്രസന്നിധിയിലായിരുന്നു ഈ മനോഹരമായ കലാസമർപ്പണം.

ചെറുപ്പം മുതൽ മനസ്സിൽ കൊണ്ടുനടന്ന നൃത്തമോഹമാണ് ഈ പ്രായത്തിലും ഇന്ദിര തന്റെ ചിലങ്കയിലൂടെ സാക്ഷാത്കരിച്ചത്. ആ സ്വപ്നത്തിന് ചിറകു നൽകിയത് മറ്റാരുമല്ല, നൃത്ത അധ്യാപിക കൂടിയായ സ്വന്തം മരുമകൾ തന്നെ. അക്ഷീണം പ്രയത്നിച്ച്, ചിട്ടയോടെ ചുവടുകൾ പഠിപ്പിച്ചെടുത്ത മരുമകൾ തന്നെയായി ഗുരു.

കുടുംബത്തിന്റെ പൂർണ്ണ പിന്തുണയും കൂടിയായപ്പോൾ, അരങ്ങേറ്റം ഒരു ഉത്സവമായി മാറി.

ക്ഷേത്രമുറ്റത്ത് ദീപപ്രഭയിൽ ഇന്ദിര ചുവടുവെച്ചപ്പോൾ, കണ്ടുനിന്നവരുടെ മനസ്സിൽ കൗതുകം മാത്രമല്ല, വലിയൊരു പ്രചോദനം കൂടിയായിരുന്നു. ഓരോ മുദ്രയിലും അത്രയേറെ ഭക്തിയും ലാവണ്യവും നിറഞ്ഞു. നിരന്തരമായ പരിശീലനവും ഒടുങ്ങാത്ത ആഗ്രഹവുമാണ് ഈ വേദി സാധ്യമാക്കിയതെന്ന് ഇന്ദിര പറഞ്ഞു.

കല പഠിക്കാൻ ഒരിക്കലും വൈകിയിട്ടില്ലെന്ന് സമൂഹത്തിന് മാതൃക കാട്ടിയ ഇന്ദിരയ്ക്ക് ആശംസകളുമായി ക്ഷേത്ര ഭാരവാഹികളും നാട്ടുകാരും ഉൾപ്പെടെ നിരവധി പേർ എത്തിയിരുന്നു.

Indira, a resident of Aroor Perumundassery, made her Bharatanatyam debut at the age of 61 at the historic Pisharikavu temple in Kozhikode. Guided by her daughter-in-law, who is also a dance teacher, she fulfilled a lifelong dream with strong family support and won admiration from onlookers and local residents.

### Related Links & Sources
- [Original Story Source](https://truevisionnews.com/news/388266/indira-bharatanatyam-debut-pisharikavu-temple)