---
title: "'പിണറായിക്ക് ആശ്വസിക്കാൻ വകയില്ല'; സിഎംആർഎൽ കേസിൽ എഫ്ഐആർ നിലനിൽക്കും, അന്വേഷണത്തിന് ഒരാഴ്ചത്തെ സ്റ്റേ മാത്രമെന്ന് കുഴൽനാടൻ"
english_title: "No Relief for Pinarayi: FIR to Stand in CMRL Case, Says Kuzhalnadan"
publisher: "truevisionnews.com"
canonical_url: "https://truevisionnews.com/news/388046/cmrl-case-fir-remains-one-week-stay"
published_at: "2026-10-21T13:44:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6ad87545dcbe0_cmrl-case-fir-remains-one-week-stay.jpg"
keywords: ["CMRLCase", "SupremeCourt", "MatthewKuzhalnadan", "PinarayiVijayan", "EDProbe"]
---

# 'പിണറായിക്ക് ആശ്വസിക്കാൻ വകയില്ല'; സിഎംആർഎൽ കേസിൽ എഫ്ഐആർ നിലനിൽക്കും, അന്വേഷണത്തിന് ഒരാഴ്ചത്തെ സ്റ്റേ മാത്രമെന്ന് കുഴൽനാടൻ

> **Lead Summary:** കൊച്ചി: സിഎംആർഎൽ-എക്സാലോജിക് സാമ്പത്തിക ഇടപാട് കേസിലെ എഫ്ഐആറുകളെ സുപ്രീം കോടതി തടയുന്നില്ലെന്നും അതിന്മേൽ അന്വേഷണം നടത്തുന്നത് ഒരാഴ്ചത്തേക്ക് താൽക്കാലികമായി സ്റ്റേ ചെയ്യുകയാണ് ചെയ്തതെന്നും മാത്യു കുഴൽനാടൻ.

## Article Content

കൊച്ചി: സിഎംആർഎൽ-എക്സാലോജിക് സാമ്പത്തിക ഇടപാട് കേസിലെ എഫ്ഐആറുകളെ സുപ്രീം കോടതി തടയുന്നില്ലെന്നും അതിന്മേൽ അന്വേഷണം നടത്തുന്നത് ഒരാഴ്ചത്തേക്ക് താൽക്കാലികമായി സ്റ്റേ ചെയ്യുകയാണ് ചെയ്തതെന്നും മാത്യു കുഴൽനാടൻ.

എത്ര ഉന്നതനായാലും അന്വേഷണം നേരിടണമെന്നാണ് സുപ്രീം കോടതി പറഞ്ഞത്. അത് പിണറായി വിജയനെ ഉദ്ദേശിച്ച് പറഞ്ഞതാണെന്നും കുഴൽനാടൻ മാധ്യമപ്രവർത്തകരോട് പ്രതികരിച്ചു.

> "നിലവിലെ സുപ്രീം കോടതി വിധി സർക്കാരിന് തിരിച്ചടിയല്ല. നിയമത്തിൻ്റെ സാങ്കേതികത്വമാണ് കോടതി ചൂണ്ടിക്കാട്ടിയത്. ഹർജിക്കാരുടെ വാദം കേൾക്കാനവസരം ഉണ്ടെന്നാണ് സുപ്രീം കോടതിയിൽ നിന്ന് വിധി വന്നത്.

> കേസിൽ ഇ.ഡി രജിസ്റ്റർ ചെയ്ത ഇ.സി.ഐ.ആർ നടപടികൾ തുടരാമെന്നും സുപ്രീം കോടതി പറഞ്ഞിട്ടുണ്ട്," മാത്യു കുഴൽനാടൻ പറഞ്ഞു.

> "പ്രതിഭാഗത്തെ കേൾക്കാതിരുന്നത് ഹൈക്കോടതി ഡിവിഷൻ ബെഞ്ചാണ്, സർക്കാർ അല്ലല്ലോ. അതുകൊണ്ട് സുപ്രീം കോടതി വിധി സർക്കാരിനെതിരല്ല.

> പ്രതിഭാഗത്തെ കേട്ടിട്ടില്ലെന്ന് മാത്രമാണ് കോടതി ചൂണ്ടിക്കാട്ടുന്നത്. സുപ്രീം കോടതി കേസിൽ മെറിറ്റിനെ കുറിച്ച് പറഞ്ഞിട്ടില്ല. ഡിവിഷൻ ബെഞ്ച് വീണ്ടും ഹർജി പരിഗണിക്കണമെന്നാണ് സുപ്രീം കോടതി നിർേദശിച്ചത്," മാത്യു കുഴൽനാടൻ വിശദീകരിച്ചു.

Matthew Kuzhalnadan said the Supreme Court has not stayed the FIRs in the CMRL-Exalogic financial dealings case, but has only paused the probe for a week. He added that the court’s remarks do not amount to a setback for the government and that the ECIR proceedings by the ED can continue.

### Related Links & Sources
- [Original Story Source](https://truevisionnews.com/news/388046/cmrl-case-fir-remains-one-week-stay)