---
title: "കിഫ്‌ബി ഭൂമി ക്രമക്കേട്: കണ്ണൂരിൽ ഭൂമി ഏറ്റെടുക്കാൻ അടിയന്തര നടപടി ആവശ്യപ്പെട്ടത് പിണറായി, ബോര്‍ഡ് യോഗത്തിന്‍റെ രേഖ പുറത്ത്"
english_title: "KIIFB Land Irregularity: Record Shows Pinarayi Urged Urgent Acquisition in Kannur"
publisher: "truevisionnews.com"
canonical_url: "https://truevisionnews.com/news/387693/kiifbi-land-irregularity-kannur-acquisition"
published_at: "2026-10-19T09:47:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6ad59add4ec79_kiifbi-land-irregularity-kannur-acquisition.jpg"
keywords: ["KIIFB", "PinarayiVijayan", "Kannur", "LandAcquisition", "KeralaPolitics"]
---

# കിഫ്‌ബി ഭൂമി ക്രമക്കേട്: കണ്ണൂരിൽ ഭൂമി ഏറ്റെടുക്കാൻ അടിയന്തര നടപടി ആവശ്യപ്പെട്ടത് പിണറായി, ബോര്‍ഡ് യോഗത്തിന്‍റെ രേഖ പുറത്ത്

> **Lead Summary:** തിരുവനന്തപുരം: കിഫ്ബി ഫണ്ട് ഉപയോഗിച്ച് കണ്ണൂരിൽ അധിക വിലയ്ക്ക് ഭൂമി വാങ്ങാൻ മുൻകൈ എടുത്തത് മുൻ മുഖ്യമന്ത്രിയായിരുന്ന പിണറായി വിജയൻ. വിവാദമായ കണ്ണൂർ കിഫ്ബി ഭൂമി ഏറ്റെടുക്കലിന് അടിയന്തിര നടപടിയ്ക്ക് നിർദേശം നൽകി എന്ന് തെളിയിക്കുന്ന രേഖകൾ പുറത്തുവന്നു.

## Article Content

തിരുവനന്തപുരം: കിഫ്ബി ഫണ്ട് ഉപയോഗിച്ച് കണ്ണൂരിൽ അധിക വിലയ്ക്ക് ഭൂമി വാങ്ങാൻ മുൻകൈ എടുത്തത് മുൻ മുഖ്യമന്ത്രിയായിരുന്ന പിണറായി വിജയൻ. വിവാദമായ കണ്ണൂർ കിഫ്ബി ഭൂമി ഏറ്റെടുക്കലിന് അടിയന്തിര നടപടിയ്ക്ക് നിർദേശം നൽകി എന്ന് തെളിയിക്കുന്ന രേഖകൾ പുറത്തുവന്നു.

പദ്ധതിയുടെ ആവശ്യകത ഊന്നിപ്പറഞ്ഞ് പിണറായി വിജയൻ അഭിപ്രായം രേഖപെടുത്തിയ കിഫ്‌ബി ബോർഡ് രേഖയാണ് പുറത്തുവന്നത്. വ്യവസായ വികസനത്തിന് അത്യാവശ്യമെന്ന് അഭിപ്രായം രേഖപ്പെടുത്തിയ കിഫ്‌ബി CEO യുമായുള്ള യോഗത്തിന്റെ വിവരങ്ങളാണിത്.

കിഫ്‌ബി ഡയറക്ടർ ബോർഡിൻറെ 33-ാം ബോർഡ് യോഗത്തിന്റെ മിനിട്സ് അജണ്ടയാണിത്. 2018 ഒക്ടോബർ 25നാണ് കിഫ്‌ബി സിഇഒ ആയ കെ എം എബ്രഹാം അടക്കം പങ്കെടുത്ത യോഗത്തിലാണ് കണ്ണൂരിലെ ഭൂമി ഏറ്റെടുക്കൽ അടക്കം ചർച്ചയായത്.

പദ്ധതി എത്രയും വേഗം പൂർത്തിയാക്കണം അതിനായുള്ള ഭൂമി അതിവേഗം ഏറ്റെടുക്കണം. എയർപോർട്ട് പരിസര വികസനം അടക്കമുള്ള കാര്യങ്ങൾ, വലിയ ഹോട്ടലുകൾ മറ്റ് സൗകര്യങ്ങൾ അടക്കമുള്ളവ അതിവേഗം പൂർത്തിയാക്കാൻ ഭൂമി ഏറ്റെടുക്കൽ ഒരുതരത്തിലും തടസ്സമാകരുത് എന്നും പിണറായി വിജയൻ യോഗത്തിൽ പറഞ്ഞതായി രേഖയിൽ സൂചിപ്പിക്കുന്നു.

ഭൂമി ഘട്ടം ഘട്ടമായി ഏറ്റെടുക്കണം,1000 ഏക്കർ ഭൂമിയാണ് പാലക്കാട്, കണ്ണൂർ ജില്ലകളിലായി കിഫ്‌ബി ഏറ്റെടുത്തിട്ടുള്ളത്. കണ്ണൂരിൽ ഏക്കറിന് 2.5 കോടിയും പാലക്കാട് ഏക്കറിന് 1 കോടിയും നിശ്ചയിച്ചത് കിൻഫ്രയാണ്.

അഞ്ചിരട്ടി തുക നൽകിയുള്ള ഏറ്റെടുക്കൽ ദുരൂഹത എന്നായിരുന്നു വിദഗ്ധ സമിതി വിലയിരുത്തൽ. എന്നാൽ വ്യവസായ വികസനത്തിന് അത്യാവശ്യമെന്ന് പറഞ്ഞു ഏറ്റെടുത്ത കണ്ണൂരിലെ ഭൂമിയിൽ ഒന്നും നടന്നില്ല.

A newly surfaced KIIFB board record indicates that former Chief Minister Pinarayi Vijayan urged urgent land acquisition in Kannur for the project. The document also shows discussions on fast-tracking development around the airport, even as experts later flagged the acquisition as suspicious.

### Related Links & Sources
- [Original Story Source](https://truevisionnews.com/news/387693/kiifbi-land-irregularity-kannur-acquisition)