---
title: "നാവിലൂറുന്ന നാടൻ ബീഫ് ഫ്രൈ; എളുപ്പത്തിൽ തയാറാക്കാവുന്ന സ്പെഷ്യൽ കൂട്ടുകൾ"
english_title: "Tasty Kerala-Style Beef Fry You Can Make Easily at Home"
publisher: "truevisionnews.com"
canonical_url: "https://truevisionnews.com/news/387230/kerala-style-beef-fry-recipe"
published_at: "2026-10-15T16:53:00+05:30"
category: "Cookery"
language: "ml"
image: "https://cf.zdn.im/img/truevisionnews.com/0/image-uploads/6ad0b832919c8_kerala-style-beef-fry-recipe.jpg"
keywords: ["BeefFry", "KeralaCuisine", "HomeRecipe", "SpicyFood", "IndianRecipe"]
---

# നാവിലൂറുന്ന നാടൻ ബീഫ് ഫ്രൈ; എളുപ്പത്തിൽ തയാറാക്കാവുന്ന സ്പെഷ്യൽ കൂട്ടുകൾ

> **Lead Summary:** കേരളീയരുടെ ഊണു മേശയിലെ ഒഴിച്ചുകൂടാനാവാത്ത വിഭവമാണ് നാടൻ ബീഫ് ഫ്രൈ. തേങ്ങാക്കൊത്തും കറിവേപ്പിലയും നല്ല നാടൻ വെളിച്ചെണ്ണയിൽ മൂപ്പിച്ച് തയാറാക്കുന്ന ഈ സ്പെഷ്യൽ വിഭവം ചോറിനും പൊറോട്ടയ്ക്കും അപ്പത്തിനുമെല്ലാം മികച്ച കോമ്പിനേഷനാണ്. വളരെ എളുപ്പത്തിൽ വീടുകളിൽ തയാറാക്കാവുന്ന ഒരു സ്പെഷ്യൽ ബീഫ് ഫ്രൈ റെസിപ്പി താഴെ നൽകുന്നു:

## Article Content

കേരളീയരുടെ ഊണു മേശയിലെ ഒഴിച്ചുകൂടാനാവാത്ത വിഭവമാണ് നാടൻ ബീഫ് ഫ്രൈ. തേങ്ങാക്കൊത്തും കറിവേപ്പിലയും നല്ല നാടൻ വെളിച്ചെണ്ണയിൽ മൂപ്പിച്ച് തയാറാക്കുന്ന ഈ സ്പെഷ്യൽ വിഭവം ചോറിനും പൊറോട്ടയ്ക്കും അപ്പത്തിനുമെല്ലാം മികച്ച കോമ്പിനേഷനാണ്. വളരെ എളുപ്പത്തിൽ വീടുകളിൽ തയാറാക്കാവുന്ന ഒരു സ്പെഷ്യൽ ബീഫ് ഫ്രൈ റെസിപ്പി താഴെ നൽകുന്നു:

**ആവശ്യമായ ചേരുവകൾ:**

***ബീഫ് – 1 കിലോ (ചെറിയ കഷ്ണങ്ങളാക്കിയത്)***

***ഇഞ്ചി, വെളുത്തുള്ളി പേസ്റ്റ് – 2 ടേബിൾ സ്പൂൺ***

***ചെറിയ ഉള്ളി – 1 കപ്പ് (ചതച്ചത്)***

***തേങ്ങാക്കൊത്ത് – അര കപ്പ്***

***മല്ലിപ്പൊടി – 2 ടേബിൾ സ്പൂൺ***

***മുളകുപൊടി – 1.5 ടേബിൾ സ്പൂൺ (എരിവിനനുസരിച്ച്)***

***മഞ്ഞൾപ്പൊടി – അര ടീസ്പൂൺ***

***ഗരം മസാല / ബീഫ് മസാല – 1 ടേബിൾ സ്പൂൺ***

***കുരുമുളകുപൊടി – 1 ടേബിൾ സ്പൂൺ***

***പച്ചമുളക് – 3-4 എണ്ണം (നീളത്തിൽ അരിഞ്ഞത്)***

***കറിവേപ്പില, വെളിച്ചെണ്ണ, ഉപ്പ് – ആവശ്യത്തിന്***

***തയാറാക്കുന്ന വിധം:***

*കഴുകി വൃത്തിയാക്കിയ ബീഫിലേക്ക് മഞ്ഞൾപ്പൊടി, മല്ലിപ്പൊടി, മുളകുപൊടി, ഗരം മസാല, അര ടീസ്പൂൺ കുരുമുളകുപൊടി, പാകത്തിന് ഉപ്പ്, അല്പം ഇഞ്ചി-വെളുത്തുള്ളി പേസ്റ്റ്, വെളിച്ചെണ്ണ എന്നിവ ചേർത്ത് നന്നായി തിരുമ്മി 15-20 മിനിറ്റ് വെക്കുക.*

*പ്രഷർ കുക്കറിലേക്ക് ഈ ബീഫ് മാറ്റി ആവശ്യത്തിന് വെള്ളവും ചേർത്ത് വേവിച്ചെടുക്കുക (ബീഫിന്റെ വേവനുസരിച്ച് 4-6 വിസിൽ). ഒരു ചട്ടിയിൽ (ഇരുമ്പുചട്ടി എങ്കിൽ കൂടുതൽ നല്ലത്) വെളിച്ചെണ്ണ ഒഴിച്ച് ചൂടാകുമ്പോൾ തേങ്ങാക്കൊത്ത് ഇട്ട് സ്വർണ്ണനിറമാകുന്നതുവരെ വറുത്തെടുക്കുക.*

*അതിലേക്ക് ചെറിയ ഉള്ളി ചതച്ചതും ഇഞ്ചി-വെളുത്തുള്ളി പേസ്റ്റും പച്ചമുളകും കറിവേപ്പിലയും ചേർത്ത് നന്നായി വഴറ്റുക. ഉള്ളി നന്നായി വഴന്നുവരുമ്പോൾ വേവിച്ചുവെച്ചിരിക്കുന്ന ബീഫ് വെള്ളത്തോടൊപ്പം ചട്ടിയിലേക്ക് ഒഴിക്കുക. വെള്ളം വറ്റി ബീഫിലേക്ക് മസാല പിടിക്കുന്നത് വരെ ഇടത്തരം തീയിൽ വെച്ച് ഇളക്കി വറ്റിച്ചെടുക്കുക.*

*വെള്ളം പൂർണ്ണമായി വറ്റി ബീഫ് ഡ്രൈ ആയി തുടങ്ങുമ്പോൾ ബാക്കി കുരുമുളകുപൊടിയും അല്പം വെളിച്ചെണ്ണയും കറിവേപ്പിലയും മുകളിലൂടെ ഒഴിച്ച് നന്നായി മൊരിച്ചെടുക്കുക. രുചികരവും മൊരിഞ്ഞതുമായ നാടൻ ബീഫ് ഫ്രൈ തയാർ!*

This article shares a simple recipe for Kerala-style beef fry, a popular dish served with rice, porotta, and appam. It lists the ingredients and step-by-step method for preparing the dish with coconut pieces, curry leaves, and spices.

### Related Links & Sources
- [Original Story Source](https://truevisionnews.com/news/387230/kerala-style-beef-fry-recipe)