---
title: "ജീവിതം അവസാനിച്ചെങ്കിലും നന്മ അവസാനിക്കുന്നില്ല; സിംഗപ്പൂരിൽ കുഴഞ്ഞുവീണ് അപ്രതീക്ഷിത വിയോഗം, വടകര സ്വദേശിനി ആറുപേർക്ക് പുതുജീവനാകും"
english_title: "Sajina’s Final Gift Gives Six People a New Lease on Life"
publisher: "truevisionnews.com"
canonical_url: "https://truevisionnews.com/news/386878/sajina-organ-donation-six-lives-singapore"
published_at: "2026-10-13T15:11:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6acdfd6b41cac_sajina-organ-donation-six-lives-singapore.jpg"
keywords: ["OrganDonation", "SingaporeNews", "Vatakara Native", "Sajina"]
---

# ജീവിതം അവസാനിച്ചെങ്കിലും നന്മ അവസാനിക്കുന്നില്ല; സിംഗപ്പൂരിൽ കുഴഞ്ഞുവീണ് അപ്രതീക്ഷിത വിയോഗം, വടകര സ്വദേശിനി ആറുപേർക്ക് പുതുജീവനാകും

> **Lead Summary:** കോഴിക്കോട്: സിംഗപ്പൂരിൽ ഒരു പരിപാടിയിൽ പങ്കെടുക്കുന്നതിനിടെ കുഴഞ്ഞുവീണ് മരിച്ച വടകര സ്വദേശിനി സജിനയുടെ അവയവങ്ങൾ ആറുപേർക്ക് പുതുജീവന്റെ പ്രതീക്ഷയാകും. വടകര നടക്കുതാഴ കിഴക്കയിൽ സ്വദേശിനിയായ സജിനയുടെ അവയവങ്ങളാണ് കുടുംബത്തിന്റെ സമ്മതത്തോടെ ദാനം ചെയ്തത്.

## Article Content

കോഴിക്കോട്: സിംഗപ്പൂരിൽ ഒരു പരിപാടിയിൽ പങ്കെടുക്കുന്നതിനിടെ കുഴഞ്ഞുവീണ് മരിച്ച വടകര സ്വദേശിനി സജിനയുടെ അവയവങ്ങൾ ആറുപേർക്ക് പുതുജീവന്റെ പ്രതീക്ഷയാകും. വടകര നടക്കുതാഴ കിഴക്കയിൽ സ്വദേശിനിയായ സജിനയുടെ അവയവങ്ങളാണ് കുടുംബത്തിന്റെ സമ്മതത്തോടെ ദാനം ചെയ്തത്.

സജിനയുടെ അപ്രതീക്ഷിത വിയോഗത്തിനിടയിലും അവയവദാനത്തിന് സമ്മതം നൽകുകയായിരുന്നു കുടുംബം. വൃക്കകൾ, കണ്ണുകൾ, ഇലിയാക് രക്തക്കുഴലുകൾ, ഹാർട്ട് വാൽവ് ബ്ലോക്ക് എന്നിവയാണ് ദാനം ചെയ്തത്. ആറുപേർക്ക് പ്രയോജനപ്പെടുന്ന അവയവദാനത്തിലൂടെ മാതൃകാപരമായ തീരുമാനമാണ് കുടുംബം സ്വീകരിച്ചത്.

അവയവമാറ്റ ശസ്ത്രക്രിയയ്ക്ക് വിധേയരായ രോഗികളുടെ രക്തക്കുഴലുകൾക്ക് കേടുപാടുകൾ സംഭവിക്കുന്ന സാഹചര്യത്തിൽ പകരം ഉപയോഗിക്കാൻ കഴിയുന്നവയാണ് ഇലിയാക് രക്തക്കുഴലുകൾ. ഇവയും ദാനം ചെയ്ത അവയവങ്ങളിൽ ഉൾപ്പെടുന്നു.

സിംഗപ്പൂരിൽ ഒരു പരിപാടിയിൽ പങ്കെടുക്കുന്നതിനിടെയാണ് സജിന കുഴഞ്ഞുവീണതും മരണം സംഭവിച്ചതും. വടകരയിലെ വ്യാപാരിയും മുൻ മർച്ചന്റ്സ് അസോസിയേഷൻ പ്രസിഡന്റുമായ ചന്ദ്രന്റെ മകളാണ് സജിന. ഭർത്താവ് പ്രമീണിനും മക്കൾക്കുമൊപ്പം സിംഗപ്പൂരിലായിരുന്നു താമസം.

സജിനയുടെ വിയോഗം കുടുംബത്തിന് തീരാനഷ്ടമായെങ്കിലും അവയവദാനത്തിലൂടെ ആറുപേർക്ക് ജീവിതപ്രതീക്ഷ നൽകുകയാണ് ബന്ധുക്കൾ. മരണത്തിനുശേഷവും മറ്റുള്ളവർക്ക് സഹായമാകുന്ന ഈ തീരുമാനം അവയവദാനത്തിന്റെ പ്രാധാന്യം ഓർമിപ്പിക്കുന്നതാണ്.

Sajina, a native of Vadakara, died after collapsing during an event in Singapore. With her family’s consent, her kidneys, eyes, iliac blood vessels and heart valve block were donated, offering a new lease on life to six people.

### Related Links & Sources
- [Original Story Source](https://truevisionnews.com/news/386878/sajina-organ-donation-six-lives-singapore)