---
title: "ഡൽഹിയിലേത് കിരാത നടപടി; 82-കാരനായ നേതാവിനെ വെള്ളം പോലും നൽകാതെ നടത്തിച്ചു, പിണറായിയെ അപായപ്പെടുത്താനുള്ള ശ്രമമാണ് നടന്നതെന്ന്  എം.ബി രാജേഷ്"
english_title: "Delhi Police Action Was Brutal; M.B. Rajesh Says There Was an Attempt to Harm Pinarayi"
publisher: "truevisionnews.com"
canonical_url: "https://truevisionnews.com/news/386455/delhi-police-action-pinarayi-rajesh"
published_at: "2026-10-10T15:47:00+05:30"
category: "Politics"
language: "ml"
image: "https://cf.zdn.im/img/truevisionnews.com/0/image-uploads/6aca112597227_delhi-police-action-pinarayi-rajesh.jpg"
keywords: ["DelhiPolice", "MBRajesh", "PinarayiVijayan", "CpmKerala", "HumanRights"]
---

# ഡൽഹിയിലേത് കിരാത നടപടി; 82-കാരനായ നേതാവിനെ വെള്ളം പോലും നൽകാതെ നടത്തിച്ചു, പിണറായിയെ അപായപ്പെടുത്താനുള്ള ശ്രമമാണ് നടന്നതെന്ന്  എം.ബി രാജേഷ്

> **Lead Summary:** **ന്യൂഡൽഹി: ** ഡൽഹിയിൽ മുതിർന്ന നേതാക്കൾക്കും പ്രതിപക്ഷ അംഗങ്ങൾക്കുമെതിരെ നടക്കുന്ന പോലീസ് നടപടികൾ ക്രൂരവും കിരാതവുമാണെന്ന് സിപിഎം സംസ്ഥാന സെക്രട്ടേറിയറ്റ് അംഗം എം.ബി രാജേഷ് ആരോപിച്ചു. കേരളത്തിന്റെ മുൻ മുഖ്യമന്ത്രിയും നിലവിലെ പ്രതിപക്ഷ നേതാവുമായ 82 വയസ്സുള്ള പിണറായി വിജയനെ അറസ്റ്റ് ചെയ്ത് മണിക്കൂറുകളോളം തെരുവുകളിലൂടെ കൊണ്ടുനടന്ന സംഭവം ജനാധിപത്യപരമായ എല്ലാ മര്യാദകളുടെയും ലംഘനമാണെന്ന് അദ്ദേഹം മാധ്യമങ്ങളോട് പറഞ്ഞു.

## Article Content

**ന്യൂഡൽഹി: ** ഡൽഹിയിൽ മുതിർന്ന നേതാക്കൾക്കും പ്രതിപക്ഷ അംഗങ്ങൾക്കുമെതിരെ നടക്കുന്ന പോലീസ് നടപടികൾ ക്രൂരവും കിരാതവുമാണെന്ന് സിപിഎം സംസ്ഥാന സെക്രട്ടേറിയറ്റ് അംഗം എം.ബി രാജേഷ് ആരോപിച്ചു. കേരളത്തിന്റെ മുൻ മുഖ്യമന്ത്രിയും നിലവിലെ പ്രതിപക്ഷ നേതാവുമായ 82 വയസ്സുള്ള പിണറായി വിജയനെ അറസ്റ്റ് ചെയ്ത് മണിക്കൂറുകളോളം തെരുവുകളിലൂടെ കൊണ്ടുനടന്ന സംഭവം ജനാധിപത്യപരമായ എല്ലാ മര്യാദകളുടെയും ലംഘനമാണെന്ന് അദ്ദേഹം മാധ്യമങ്ങളോട് പറഞ്ഞു.

അറസ്റ്റ് ചെയ്ത് കൊണ്ടുപോകുന്നതിനിടെ നാല് മണിക്കൂറോളം കുടിവെള്ളം പോലും നൽകാതെയാണ് നേതാവിനെ പോലീസ് കസ്റ്റഡിയിൽ വെച്ചതെന്ന് എം.ബി രാജേഷ് ചൂണ്ടിക്കാട്ടി. പിണറായി വിജയനെ അപായപ്പെടുത്താനുള്ള ബോധപൂർവ്വമായ നീക്കമാണ് ഡൽഹി പോലീസിന്റെയും കേന്ദ്ര ഭരണകൂടത്തിന്റെയും ഭാഗത്തുനിന്നുണ്ടായത്. ഈ നടപടിക്കെതിരെ കേരളത്തിന്റെ തെരുവുകളിൽ ശക്തമായ ജനരോഷവും പ്രതിഷേധങ്ങളും ആളിക്കത്തുമെന്നും അദ്ദേഹം മുന്നറിയിപ്പ് നൽകി.

ഒരു മുതിർന്ന കേന്ദ്ര-സംസ്ഥാന നേതാവിനോട് കേന്ദ്ര ഭരണകൂടം കാണിച്ച ഈ നിഷ്ഠൂര സമീപനത്തിനെതിരെ കേരളത്തിന്റെ മുഖ്യമന്ത്രി ഔദ്യോഗികമായി തന്നെ പ്രതിഷേധം അറിയിക്കണമെന്ന് എം.ബി രാജേഷ് ആവശ്യപ്പെട്ടു. രാജ്യത്ത് കടുത്ത മനുഷ്യാവകാശ ലംഘനമാണ് നടന്നുകൊണ്ടിരിക്കുന്നത്. മാധ്യമപ്രവർത്തകരാണെന്ന് വ്യക്തമായി അറിയിച്ചിട്ടും അവരെപോലും പോലീസ് അറസ്റ്റ് ചെയ്ത് നീക്കുന്ന സാഹചര്യമുണ്ടായി. രാജ്യത്തെ ഒരു വലിയ തടങ്കൽ പാളയമാക്കാനും ജനാധിപത്യ പ്രക്രിയകളെ അട്ടിമറിക്കാനുമാണ് നരേന്ദ്ര മോദി ഭരണകൂടം ശ്രമിക്കുന്നതെന്നും അദ്ദേഹം കടുപ്പത്തിൽ വിമർശിച്ചു.

M.B. Rajesh alleged that police action in Delhi against senior leaders and opposition members was cruel and a violation of democratic norms. He claimed that Pinarayi Vijayan was kept in custody for hours without even drinking water and said the move appeared to be a deliberate attempt to harm him.

### Related Links & Sources
- [Original Story Source](https://truevisionnews.com/news/386455/delhi-police-action-pinarayi-rajesh)