---
title: "'അടിയന്തരാവസ്ഥയുടെ തീച്ചൂളയിലൂടെ നടന്നവരാണ് എം. എ. ബേബിയും പിണറായി വിജയനും; ലാത്തിയും കുന്തവും കാട്ടി പേടിപ്പിച്ചാൽ മാനാഞ്ചിറ മൈതാനത്തെ പുല്ലാണ്'; പൊലീസിനെതിരെ മുഹമ്മദ് റിയാസ്"
english_title: "Baby and Pinarayi Walked Through the Furnace of the Emergency: Muhammed Riyas"
publisher: "truevisionnews.com"
canonical_url: "https://truevisionnews.com/news/386442/muhammed-riyas-slams-delhi-police-detention"
published_at: "2026-10-10T14:33:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6aca0077a1415_muhammed-riyas-slams-delhi-police-detention.jpg"
keywords: ["MuhammedRiyas", "PinarayiVijayan", "MABaby", "DelhiPolice", "CPI(M)"]
---

# 'അടിയന്തരാവസ്ഥയുടെ തീച്ചൂളയിലൂടെ നടന്നവരാണ് എം. എ. ബേബിയും പിണറായി വിജയനും; ലാത്തിയും കുന്തവും കാട്ടി പേടിപ്പിച്ചാൽ മാനാഞ്ചിറ മൈതാനത്തെ പുല്ലാണ്'; പൊലീസിനെതിരെ മുഹമ്മദ് റിയാസ്

> **Lead Summary:** കോഴിക്കോട്: ദില്ലിയിൽ സിജെപി പ്രതിഷേധത്തിന് പിന്തുണ പ്രഖ്യാപിക്കാനെത്തിയ ഇടത് നേതാക്കളെ കസ്റ്റഡിയിലെടുത്തതിൽ പ്രതികരിച്ച് മുഹമ്മദ് റിയാസ് എംഎൽഎ.

## Article Content

കോഴിക്കോട്: ദില്ലിയിൽ സിജെപി പ്രതിഷേധത്തിന് പിന്തുണ പ്രഖ്യാപിക്കാനെത്തിയ ഇടത് നേതാക്കളെ കസ്റ്റഡിയിലെടുത്തതിൽ പ്രതികരിച്ച് മുഹമ്മദ് റിയാസ് എംഎൽഎ.

അടിയന്തരാവസ്ഥയുടെ തീച്ചൂളയിലൂടെ നടന്നവരാണ് എം. എ. ബേബിയും പിണറായി വിജയനുമെന്നും ലാത്തിയും കുന്തവും കാട്ടി പേടിപ്പിച്ചാൽ മാനാഞ്ചിറ മൈതാനത്തെ പുല്ലാണെന്നും മുഹമ്മദ് റിയാസ് പ്രതികരിച്ചു.

രാജ്യത്ത് അപ്രഖ്യാപിത അടിയന്തരാവസ്ഥയാണ്. ഇന്ത്യയുടെ മുക്കും മൂലയും ജന്തർമന്ദറായി മാറുമെന്നും ഗ്യാനേഷ് കുമാറിനെ പുറത്താക്കണമെന്നത് ജനാധിപത്യ വിശ്വാസികളുടെ ആവശ്യമാണെന്നും അദ്ദേഹം കോഴിക്കോട് മാധ്യമങ്ങളോട് പറഞ്ഞു.

അറസ്റ്റ് ചെയ്തവരെ എങ്ങോട്ട് കൊണ്ടുപോയി? പിണറായി വിജയനെയും എം. എ. ബേബിയെയും എങ്ങോട്ട് കൊണ്ടുപോയി? ഇവിടെ പ്രതികരിക്കാൻ സ്വാതന്ത്ര്യമില്ലേയെന്നും മുഹമ്മദ് റിയാസ് ചോദിച്ചു. അവസാനശ്വാസം വരെ ഈ സമരം വിജയിപ്പിക്കാൻ ഞങ്ങൾ പോരാടുമെന്നും മുഹമ്മദ് റിയാസ് പറഞ്ഞു.

ഗ്യാനേഷ് കുമാറിനെതിരെ സമരം ചെയ്യാനെത്തിയ സിപിഐഎം നേതാക്കൾക്കെതിരായ ദില്ലി പൊലീസിന്റെ ക്രൂരത തുടരുകയാണ്. പ്രായമോ ആരോഗ്യസ്ഥിതിയോ പരിഗണിക്കാതെ പിണറായി വിജയന് ഭക്ഷണവും മരുന്നും ദില്ലി പൊലീസ് നിഷേധിച്ചു.

രണ്ട് മണിക്കൂറിലധികമായി പിണറായി വിജയനും, ഡോ. ജോൺ ബ്രിട്ടാസ് എംപിയും അടങ്ങുന്ന സംഘത്തെ നഗരത്തിലൂടെ പൊലീസ് വാഹനത്തിൽ റോന്ത് ചുറ്റിച്ചു.

ദില്ലിയിൽ കസ്റ്റഡിയിലെടുത്ത ഇടതു നേതാക്കളെ മൂന്ന് മണിക്കൂർ പിന്നിട്ടിട്ടും കരുതൽ തടങ്കൽ കേന്ദ്രത്തിൽ എത്തിച്ചിട്ടില്ല എന്നതാണ് ലഭ്യമാകുന്ന വിവരം. നഗരം ചുറ്റിച്ച് ആദ്യം ഛത്രസാൽ സ്റ്റേഡിയത്തിലെ കരുതൽ തടങ്കൽ കേന്ദ്രത്തിൽ എത്തിച്ചു.

തുടർന്ന് മറ്റൊരു സ്ഥലത്തേക്ക് കൊണ്ടുപോകുകയാണെന്നും എവിടേക്കെന്ന് അറിയിച്ചിട്ടില്ലെന്നും നേതാക്കൾ പറയുന്നു. പിണറായിയുടെ ആരോഗ്യപ്രശ്‌നങ്ങൾ അറിയിച്ചിട്ടും പൊലീസ് മുഖവിലക്കെടുക്കുന്നില്ലെന്ന് ജോൺ ബ്രിട്ടാസ് എംപി വ്യക്തമാക്കി.

Muhammed Riyas MLA criticized the Delhi Police after Left leaders were detained during a protest in support of the CJP demonstration. He alleged that the leaders, including Pinarayi Vijayan and M.A. Baby, were denied food and medicine and were kept moving in police vehicles for hours without being taken to a custody center.

### Related Links & Sources
- [Original Story Source](https://truevisionnews.com/news/386442/muhammed-riyas-slams-delhi-police-detention)