---
title: "രാവിലെ മുതൽ അമ്മയെയും കുഞ്ഞിനെയും കാണാനില്ല.... 'മണിക്കൂറുകൾക്ക് ശേഷം കണ്ടെത്തിയത് കിണറ്റിൽ'; പിഞ്ചു കുഞ്ഞ് മരിച്ചു, അമ്മ ചികിത്സയിൽ"
english_title: "Mother and 8-Month-Old Found in Well; Infant Dies"
publisher: "truevisionnews.com"
canonical_url: "https://truevisionnews.com/news/386194/mother-baby-found-well-infant-dies"
published_at: "2026-10-09T07:46:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6ac84efd1f7db_mother-baby-found-well-infant-dies.jpg"
keywords: ["KeralaNews", "Kondotty", "SuicideAttempt", "ChildDeath", "PoliceCase"]
---

# രാവിലെ മുതൽ അമ്മയെയും കുഞ്ഞിനെയും കാണാനില്ല.... 'മണിക്കൂറുകൾക്ക് ശേഷം കണ്ടെത്തിയത് കിണറ്റിൽ'; പിഞ്ചു കുഞ്ഞ് മരിച്ചു, അമ്മ ചികിത്സയിൽ

> **Lead Summary:** കൊണ്ടോട്ടി: എട്ടുമാസം പ്രായമുള്ള കുഞ്ഞുമായി കിണറ്റിൽ ചാടിയ അമ്മയെ നാട്ടുകാർ രക്ഷിച്ചു. കുഞ്ഞ് മരിച്ചു. മുണ്ടക്കുളത്ത് മുള്ളൻമടക്കൽ ശ്രീനാഥിന്റെയും വിഞ്ജുഷയുടെയും മകൻ സയാൻസിദ് ആണ് മരിച്ചത്.

## Article Content

കൊണ്ടോട്ടി: എട്ടുമാസം പ്രായമുള്ള കുഞ്ഞുമായി കിണറ്റിൽ ചാടിയ അമ്മയെ നാട്ടുകാർ രക്ഷിച്ചു. കുഞ്ഞ് മരിച്ചു. മുണ്ടക്കുളത്ത് മുള്ളൻമടക്കൽ ശ്രീനാഥിന്റെയും വിഞ്ജുഷയുടെയും മകൻ സയാൻസിദ് ആണ് മരിച്ചത്.

വ്യാഴാഴ്ച രാവിലെ ഒൻപതുമുതൽ അമ്മയെയും കുഞ്ഞിനെയും കാണാനില്ലായിരുന്നു. ശ്രീനാഥിന്റെ അമ്മ ക്ഷേത്രത്തിൽനിന്നു മടങ്ങിയെത്തിയപ്പോഴാണ് ഇരുവരും വീട്ടിലില്ലെന്നു തിരിച്ചറിഞ്ഞത്. വിഞ്ജുഷയുടെ മൊബൈൽഫോൺ വീട്ടിലുണ്ടായിരുന്നു. തുടർന്ന് നാട്ടുകാരും ബന്ധുക്കളും നടത്തിയ തിരച്ചിലിനൊടുവിൽ പന്ത്രണ്ടേമുക്കാലോടെ കിണറ്റിൽ ഇരുവരെയും കണ്ടെത്തുകയായിരുന്നു.

മുണ്ടക്കുളത്തെ സ്‌കൂൾ ഗ്രൗണ്ടിനു സമീപത്തെ കിണർ മൂടിയിരുന്ന വലയുടെ ഒരുഭാഗത്ത് വിടവുവന്നതുകണ്ട് സംശയംതോന്നി പരിശോധിച്ചപ്പോഴാണ് യുവതിയെ കണ്ടത്.

കുഞ്ഞിനെ കൈയിലൊതുക്കി പടവിൽ പിടിച്ചു പകുതിയിലേറെ വെള്ളത്തിലായി നിൽക്കുന്ന നിലയിലായിരുന്നു വിഞ്ജുഷ. കിണറ്റിൽനിന്ന് രക്ഷപ്പെടുത്തി ആശുപത്രിയിലെത്തിച്ചെങ്കിലും കുഞ്ഞ് മരിച്ചു. വിഞ്ജുഷ കൊണ്ടോട്ടിയിലെ സ്വകാര്യ ആശുപത്രിയിൽ ചികിത്സയിലാണ്.

ആത്മഹത്യാശ്രമമാണെന്ന് അന്വേഷണത്തിൽ വ്യക്തമായതായി പോലീസ് അറിയിച്ചു. ആത്മഹത്യാസൂചനയുള്ള കുറിപ്പ് കണ്ടെത്തിയിട്ടുണ്ട്. കുഞ്ഞിന്റെ മരണത്തിൽ വിഞ്ജുഷയുടെ പേരിൽ കേസെടുത്തു.

A mother and her eight-month-old child were found in a well near their home in Muthuvallur, Kondotty, after they went missing for hours. The infant died, while the mother is undergoing treatment; police said the incident appears to be a suicide attempt and that a case will be registered.

### Related Links & Sources
- [Original Story Source](https://truevisionnews.com/news/386194/mother-baby-found-well-infant-dies)