---
title: "പിണറായി വിജയനും മുഹമ്മദ് റിയാസിനും അതിനിർണായക ദിനം; മാസപ്പടി കേസിൽ എഫ്ഐആർ രജിസ്റ്റർ ചെയ്യണമെന്ന ഹർജിയിൽ വിധി ഇന്ന്"
english_title: "FIR Plea in Masappadi Case: Court Verdict Today on Pinarayi and Riaz"
publisher: "truevisionnews.com"
canonical_url: "https://truevisionnews.com/news/386185/masappadi-case-fir-plea-verdict-today"
published_at: "2026-10-09T06:00:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6ac83674b8c04_masappadi-case-fir-plea-verdict-today.jpg"
keywords: ["KeralaHighCourt", "PinarayiVijayan", "MuhammedRiaz", "MasappadiCase", "FIRPlea"]
---

# പിണറായി വിജയനും മുഹമ്മദ് റിയാസിനും അതിനിർണായക ദിനം; മാസപ്പടി കേസിൽ എഫ്ഐആർ രജിസ്റ്റർ ചെയ്യണമെന്ന ഹർജിയിൽ വിധി ഇന്ന്

> **Lead Summary:** കൊച്ചി: മാസപ്പടി കേസിൽ പ്രതിപക്ഷ നേതാവ് പിണറായി വിജയനും മുഹമ്മദ് റിയാസിനും ഇന്ന് നിർണായകമാണ്. പിണറായിക്കും റിയാസിനുമെതിരെ എഫ്‌ഐആർ രജിസ്റ്റർ ചെയ്യണമെന്ന ഹർജിയിൽ ഇന്ന് ഹൈക്കോടതി സിംഗിൾ ബെഞ്ച് വിധി പറയും.

## Article Content

കൊച്ചി: മാസപ്പടി കേസിൽ പ്രതിപക്ഷ നേതാവ് പിണറായി വിജയനും മുഹമ്മദ് റിയാസിനും ഇന്ന് നിർണായകമാണ്. പിണറായിക്കും റിയാസിനുമെതിരെ എഫ്‌ഐആർ രജിസ്റ്റർ ചെയ്യണമെന്ന ഹർജിയിൽ ഇന്ന് ഹൈക്കോടതി സിംഗിൾ ബെഞ്ച് വിധി പറയും.

ജസ്റ്റിസ് എ. ബദറുദ്ദീന്റെ ബെഞ്ചാണ് വിധി പറയുക. എഫ്‌ഐആർ രജിസ്റ്റർ ചെയ്യണമെന്ന് എൻഫോഴ്സ്മെന്റ് ഡയറക്ടറേറ്റും പ്രാഥമിക അന്വേഷണം വേണമെന്ന നിലപാട് സർക്കാരും സ്വീകരിച്ചിരുന്നു. പൊതുപ്രവർത്തകനായ കെ. എം. ഷാജഹാനാണ് ഹർജി നൽകിയത്.

പ്രതിപക്ഷ നേതാവ് പിണറായി വിജയൻ, മകൾ വീണ വിജയൻ, മുൻ മന്ത്രി മുഹമ്മദ് റിയാസ് എന്നിവർക്കെതിരെ അഴിമതി നിരോധന നിയമപ്രകാരം കേസ് രജിസ്റ്റർ ചെയ്യണമെന്നായിരുന്നു ഇ.ഡി. ശുപാർശ ചെയ്തത്.

പ്രാഥമിക പരിശോധന നടക്കുന്നുണ്ടെന്നും ആദ്യം തന്നെ എഫ്‌ഐആർ രജിസ്റ്റർ ചെയ്യണമെന്ന് നിർബന്ധമില്ലെന്നുമാണ് സർക്കാരിന്റെ വാദം. എന്നാൽ, അഴിമതിക്ക് കൃത്യമായ തെളിവുകളുണ്ടെന്നും അന്വേഷണ ഏജൻസി ശേഖരിച്ച വിവരങ്ങൾ തന്നെയാണ് കൈമാറിയതെന്നും അതിനാൽ എഫ്‌ഐആർ രജിസ്റ്റർ ചെയ്ത് അന്വേഷണം നടത്തണമെന്നുമാണ് ഇ.ഡിയുടെ നിലപാട്.

മാസപ്പടി കേസിൽ ഇ.ഡിയുടെ കുരുക്ക് മുറുക്കുന്നതിനിടെ പിണറായി വിജയന് സംരക്ഷണ കവചമൊരുക്കാനുള്ള നീക്കത്തിലാണ് സി.പി.എം. കോൺഗ്രസൊഴികെ ദേശീയതലത്തിലുള്ള പ്രതിപക്ഷ പാർട്ടി നേതാക്കളെ പങ്കെടുപ്പിച്ച് കേരളത്തിൽ ഒക്ടോബർ പകുതിയോടെ പ്രക്ഷോഭ പരിപാടികൾ തുടങ്ങാനാണ് തീരുമാനം.

The Kerala High Court’s single bench is set to pronounce its verdict today on a plea seeking FIR registration against Pinarayi Vijayan and Muhammed Riaz in the Masappadi case. The petition was filed by public activist K. M. Shahjahan, while the ED has sought FIR registration and the state government has argued that a preliminary inquiry is sufficient.

### Related Links & Sources
- [Original Story Source](https://truevisionnews.com/news/386185/masappadi-case-fir-plea-verdict-today)