---
title: "രാവിലെ ജോലിക്കിടെ വൻ അപകടം; ഫാക്ടറിയിൽ ബോയിലർ പൊട്ടിത്തെറിച്ച് അഞ്ച് ജീവനക്കാർക്ക് ദാരുണാന്ത്യം"
english_title: "Five Killed Boiler ExplosionAndhra Pradesh Factory"
publisher: "truevisionnews.com"
canonical_url: "https://truevisionnews.com/news/385341/five-killed-boiler-explosion-andhra-pradesh-factory"
published_at: "2026-10-03T14:18:00+05:30"
category: "National"
language: "ml"
image: "https://cf.zdn.im/img/truevisionnews.com/0/image-uploads/6ac0c21894e92_five-killed-boiler-explosion-andhra-pradesh-factory.jpg"
keywords: ["BoilerBlast", "FactoryExplosion", "AndhraPradesh", "Tirupati", "IndustrialAccident"]
---

# രാവിലെ ജോലിക്കിടെ വൻ അപകടം; ഫാക്ടറിയിൽ ബോയിലർ പൊട്ടിത്തെറിച്ച് അഞ്ച് ജീവനക്കാർക്ക് ദാരുണാന്ത്യം

> **Lead Summary:** **തെലങ്കാന: **ആന്ധ്രാപ്രദേശിലെ തിരുപ്പതി ജില്ലയിലെ ശ്രീ സിറ്റിയിലെ ഫാക്ടറിയിലുണ്ടായ ദാരുണമായ സ്ഫോടനത്തിൽ അഞ്ചുപേർ മരിച്ചു. പത്തിലേറെ പേർക്ക് പരിക്കേറ്റിട്ടുണ്ട്. പരിക്കേറ്റവരിൽ ചിലരുടെ നില അതീവ ഗുരുതരമാണെന്നാണ് ആശുപത്രി അധികൃതർ നൽകുന്ന വിവരം. ടിഐഎൽ എന്ന ഹെൽത്ത് കെയർ ഫാക്ടറിയിലാണ് ഈ അപകടം ഉണ്ടായത്. ഫാക്ടറിയിലെ ബോയിലർ പൊട്ടിത്തെറിക്കുകയായിരുന്നു എന്നാണ് പ്രാഥമിക നിഗമനമെന്ന് അധികൃതർ വ്യക്തമാക്കി.

## Article Content

**തെലങ്കാന: **ആന്ധ്രാപ്രദേശിലെ തിരുപ്പതി ജില്ലയിലെ ശ്രീ സിറ്റിയിലെ ഫാക്ടറിയിലുണ്ടായ ദാരുണമായ സ്ഫോടനത്തിൽ അഞ്ചുപേർ മരിച്ചു. പത്തിലേറെ പേർക്ക് പരിക്കേറ്റിട്ടുണ്ട്. പരിക്കേറ്റവരിൽ ചിലരുടെ നില അതീവ ഗുരുതരമാണെന്നാണ് ആശുപത്രി അധികൃതർ നൽകുന്ന വിവരം. ടിഐഎൽ എന്ന ഹെൽത്ത് കെയർ ഫാക്ടറിയിലാണ് ഈ അപകടം ഉണ്ടായത്. ഫാക്ടറിയിലെ ബോയിലർ പൊട്ടിത്തെറിക്കുകയായിരുന്നു എന്നാണ് പ്രാഥമിക നിഗമനമെന്ന് അധികൃതർ വ്യക്തമാക്കി.

രാവിലെ 8 മണിയോടെ അപകടം നടക്കുമ്പോൾ ഫാക്ടറിയിൽ മുപ്പതിലേറെ ജീവനക്കാർ ജോലിക്കായി ഉണ്ടായിരുന്നു. ശ്രീസിറ്റിയിലെ സത്യവേദു മണ്ഡൽ ഇൻഡസ്ട്രിയൽ ഏരിയയിലാണ് ഈ ഫാക്ടറി പ്രവർത്തിച്ചിരുന്നത്. സംഭവമറിഞ്ഞ് പോലീസും അഗ്നിശമന സേനയും ഉടൻതന്നെ സ്ഥലത്തെത്തി രക്ഷാപ്രവർത്തനം ഏകോപിപ്പിച്ചു. പരിക്കേറ്റവരെ ഉടൻതന്നെ അടുത്തുള്ള ആശുപത്രികളിൽ പ്രവേശിപ്പിച്ച് വിദഗ്ധ ചികിത്സ നൽകിവരികയാണ്.

അപകടത്തിൽ ആന്ധ്രാപ്രദേശ് ഐടി മന്ത്രി നാരാ ലോകേഷ് അഗാധമായ ദുഃഖം രേഖപ്പെടുത്തി. മരിച്ചവരുടെ കുടുംബാംഗങ്ങൾക്ക് സർക്കാർ അർഹമായ ധനസഹായം നൽകുമെന്ന് അദ്ദേഹം പ്രഖ്യാപിച്ചിട്ടുണ്ട്. കൂടാതെ, സ്ഫോടനത്തിന് ഇടയാക്കിയ കാരണങ്ങളെക്കുറിച്ച് സമഗ്രമായ ഔദ്യോഗിക അന്വേഷണത്തിനും സർക്കാർ ഉത്തരവിട്ടിട്ടുണ്ട്. ഫാക്ടറിയിലെ സുരക്ഷാ വീഴ്ചകളാണോ അപകടത്തിന് കാരണമെന്ന് അന്വേഷണത്തിൽ വ്യക്തമാകും.

Five people were killed and more than ten others injured in a boiler explosion at the TIL healthcare factory in Sri City, Tirupati district, Andhra Pradesh. Authorities said some of the injured are in critical condition, while the state government has announced assistance for the victims’ families and ordered a probe.

### Related Links & Sources
- [Original Story Source](https://truevisionnews.com/news/385341/five-killed-boiler-explosion-andhra-pradesh-factory)