---
title: "കാസർകോട് കുഴൽ കിണർ വണ്ടി നിയന്ത്രണം വിട്ട് വീടിനു മുകളിലേക്ക് മറിഞ്ഞ് രണ്ട് പേർക്ക് ദാരുണാന്ത്യം; ഉറക്കത്തിലായിരുന്ന വീട്ടുകാർ അത്ഭുതകരമായി രക്ഷപ്പെട്ടു"
english_title: "Two Dead as Borewell Truck Topples Onto House in Kasaragod"
publisher: "truevisionnews.com"
canonical_url: "https://truevisionnews.com/news/385264/kasaragod-borewell-truck-house-accident"
published_at: "2026-10-03T07:02:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6ac05b6cbf58f_kasaragod-borewell-truck-house-accident.jpg"
keywords: ["KasaragodNews", "RoadAccident", "BorewellTruck", "KeralaAccident", "BreakingNews"]
---

# കാസർകോട് കുഴൽ കിണർ വണ്ടി നിയന്ത്രണം വിട്ട് വീടിനു മുകളിലേക്ക് മറിഞ്ഞ് രണ്ട് പേർക്ക് ദാരുണാന്ത്യം; ഉറക്കത്തിലായിരുന്ന വീട്ടുകാർ അത്ഭുതകരമായി രക്ഷപ്പെട്ടു

> **Lead Summary:** കാസർകോട്: കാസർകോട് വെസ്റ്റ് എളേരി വരക്കാട് കുഴൽ കിണർ വണ്ടി വീടിനു മുകളിലേക്ക് മറിഞ്ഞ് രണ്ട് പേർ മരിച്ചു. മധ്യപ്രദേശ് സ്വദേശി ദേവേന്ദ്ര, ഛത്തീസ്ഗഡ് സ്വദേശി മനാസർ എന്നിവരാണ് മരിച്ചത്.

## Article Content

കാസർകോട്: കാസർകോട് വെസ്റ്റ് എളേരി വരക്കാട് കുഴൽ കിണർ വണ്ടി വീടിനു മുകളിലേക്ക് മറിഞ്ഞ് രണ്ട് പേർ മരിച്ചു. മധ്യപ്രദേശ് സ്വദേശി ദേവേന്ദ്ര, ഛത്തീസ്ഗഡ് സ്വദേശി മനാസർ എന്നിവരാണ് മരിച്ചത്.

ഇരുവരും വാഹനത്തിലുള്ളവരായിരുന്നു. ജെയ്സണും കുടുംബവും താമസിക്കുന്ന വാടക വീട്ടിന് മുകളിലേക്കാണ് വണ്ടി മറിഞ്ഞത്. പുലർച്ചെ രണ്ടോടെയാണ് അപകടം ഉണ്ടായത്.

ചൂട് കാലമായതിനാൽ കുടുംബം വീടിൻ്റെ ഹാളിലാണ് ഉറങ്ങിയിരുന്നത്. വാഹനം ഇറക്കത്തിൽ നിയന്ത്രണം വിട്ട് വാഹനം വീടിന് മുകളിലേക്ക് മറിയുകയായിരുന്നു. ട്രാക്ടറിൻ്റെ ക്രെയിൻ വീടിൻ്റെ ടെറസിൽ തട്ടി നിന്നത് കൊണ്ട് വലിയൊരു ദുരന്തം ഒഴിവായി.

എന്നാൽ വാഹനത്തിലെ രണ്ടുപേരുടേയും ജീവൻ രക്ഷിക്കാനായില്ല. തലയ്ക്ക് ​ഗുരുതരമായി പരിക്കേറ്റ ഇരുവരേയും ഉടൻ ആശുപത്രിയിൽ എത്തിച്ചിരുന്നു. മൃതദേഹങ്ങൾ കാഞ്ഞങ്ങാട് ജില്ലാ ആശുപത്രിയിലേക്ക് മാറ്റി.

അതേസമയം, പ്രദേശത്ത് അപായ സൂചനകൾ ഉൾപ്പെടെ ഒന്നും നൽകാത്തത് സ്ഥിരമായി അപകടങ്ങൾക്ക് കാരണമാവുന്നതായി നാട്ടുകാർ പറയുന്നു. നേരത്തെയും നിരവധി അപകടങ്ങൾ പ്രദേശത്ത് ഉണ്ടായിട്ടുണ്ട്.

A borewell truck overturned onto a rented house in West Eleri, Kasaragod, killing two men from Madhya Pradesh and Chhattisgarh. The accident occurred around 2 a.m., and locals say the area lacks proper warning signs, leading to repeated mishaps.

### Related Links & Sources
- [Original Story Source](https://truevisionnews.com/news/385264/kasaragod-borewell-truck-house-accident)