---
title: "വീട്ടിൽ നിന്നും  മരിച്ചീനി പുഴുങ്ങിയത് കഴിക്കുന്നതിനിടെ ശാരീരികാസ്വാസ്ഥ്യം; തിരുവനന്തപുരത്ത് അധ്യാപിക മരിച്ചു"
english_title: "Teacher Dies After Falling Ill While Eating Food in TVM"
publisher: "truevisionnews.com"
canonical_url: "https://truevisionnews.com/news/385126/teacher-dies-after-falling-ill-while-eating-food-NEW-UPDATE-"
published_at: "2026-10-02T11:24:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6abf47880daf8_Gemini_Generated_Image_qvbaqvqvbaqvqvba_(1).png"
keywords: ["Teacher death", "Thiruvananthapuram news", "Mangalapuram school teacher", "food health issue"]
---

# വീട്ടിൽ നിന്നും  മരിച്ചീനി പുഴുങ്ങിയത് കഴിക്കുന്നതിനിടെ ശാരീരികാസ്വാസ്ഥ്യം; തിരുവനന്തപുരത്ത് അധ്യാപിക മരിച്ചു

> **Lead Summary:** **തിരുവനന്തപുരം: **ഭക്ഷണം കഴിക്കുന്നതിനിടയിൽ ശാരീരികാസ്വാസ്ഥ്യം ഉണ്ടായതിനെ തുടർന്ന് ചികിത്സയിലായിരുന്ന അധ്യാപിക മരണപ്പെട്ടു. മംഗലപുരത്തെ ഒരു സ്വകാര്യ സ്കൂളിലെ അധ്യാപികയായ ധന്യ ആണ് അന്തരിച്ചത്. വെഞ്ഞാറമ്മൂട് മണലിമുക്ക് പണിക്കരുകോണം സ്വദേശിനിയായ ഇവർ, ജോലിസ്ഥലത്തേക്ക് എളുപ്പത്തിൽ എത്തിച്ചേരുന്നതിനായി കണിയാപുരത്ത് വാടകയ്ക്ക് താമസിച്ചുവരികയായിരുന്നു.

## Article Content

**തിരുവനന്തപുരം: **ഭക്ഷണം കഴിക്കുന്നതിനിടയിൽ ശാരീരികാസ്വാസ്ഥ്യം ഉണ്ടായതിനെ തുടർന്ന് ചികിത്സയിലായിരുന്ന അധ്യാപിക മരണപ്പെട്ടു. മംഗലപുരത്തെ ഒരു സ്വകാര്യ സ്കൂളിലെ അധ്യാപികയായ ധന്യ ആണ് അന്തരിച്ചത്. വെഞ്ഞാറമ്മൂട് മണലിമുക്ക് പണിക്കരുകോണം സ്വദേശിനിയായ ഇവർ, ജോലിസ്ഥലത്തേക്ക് എളുപ്പത്തിൽ എത്തിച്ചേരുന്നതിനായി കണിയാപുരത്ത് വാടകയ്ക്ക് താമസിച്ചുവരികയായിരുന്നു.

ബുധനാഴ്ച വൈകുന്നേരത്തോടെ സ്വന്തം വാടകവീട്ടിൽ വെച്ച് ഭക്ഷണം കഴിക്കുന്നതിനിടയിലാണ് ഇവർക്ക് ശാരീരിക അസ്വസ്ഥത അനുഭവപ്പെട്ടത്. ചൂര മീൻ അച്ചാറും മരിച്ചീനി പുഴുങ്ങിയുമാണ് ഇവർ കഴിച്ചിരുന്നതെന്ന് പ്രദേശവാസികൾ സാക്ഷ്യപ്പെടുത്തുന്നു. ഭക്ഷണം കഴിച്ചു കഴിഞ്ഞയുടൻ തന്നെ കടുത്ത ഛർദ്ദിയും അസ്വസ്ഥതയും ഇവർക്ക് പിടിപെടുകയായിരുന്നു.

ഉടൻ തന്നെ കുടുംബാംഗങ്ങൾ ചേർന്ന് ധന്യയെ തിരുവനന്തപുരത്തെ ഒരു സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. തുടർന്ന് ആവശ്യമായ പോലീസ് നടപടിക്രമങ്ങൾ പൂർത്തിയാക്കിയ ശേഷം ബന്ധുക്കൾക്ക് കൈമാറിയ മൃതദേഹം, മണലിമുക്കിലെ വീട്ടുവളപ്പിൽ സംസ്കരിച്ചു. ശ്രീജിത്താണ് പരേതയുടെ ഭർത്താവ്; ശ്രദ്ധയാണ് മകൾ.

English Summary:

Thiruvananthapuram: A 38-year-old private school teacher, Dhanya, passed away after falling ill while having food at her rented house in Kaniyapuram. She experienced severe vomiting and discomfort immediately after eating tapioca and tuna pickle on Wednesday evening. Despite being rushed to a private hospital in Thiruvananthapuram by her family members, her life could not be saved. Following police procedures, her body was handed over to her relatives and cremated at her native place in Manalimukku. She is survived by her husband Sreejith and daughter Shraddha.

### Related Links & Sources
- [Original Story Source](https://truevisionnews.com/news/385126/teacher-dies-after-falling-ill-while-eating-food-NEW-UPDATE-)