---
title: "തീപിടിച്ച് സ്വർണവില...! സ്വർണം വാങ്ങാൻ സാധാരണക്കാർ ഇനി എന്ത് ചെയ്യും? പവന് ഇന്ന് കൂടിയത് അറിയാം"
english_title: "Gold Price Today in Kerala Rises by Rs 760 Per Pavan"
publisher: "truevisionnews.com"
canonical_url: "https://truevisionnews.com/news/385120/gold-price-today-in-kerala-rises-by-rs-760-per-pavan-"
published_at: "2026-10-02T11:04:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6abf4284b34bc_WhatsApp_Image_2026-10-02_at_10.59.48_AM.jpeg"
keywords: ["kerala gold price", "gold price today", "kozhikode gold rate", "kerala gold news"]
---

# തീപിടിച്ച് സ്വർണവില...! സ്വർണം വാങ്ങാൻ സാധാരണക്കാർ ഇനി എന്ത് ചെയ്യും? പവന് ഇന്ന് കൂടിയത് അറിയാം

> **Lead Summary:** **കോഴിക്കോട്: **കേരളത്തിൽ സ്വർണവിലയിൽ വീണ്ടും വൻ കുതിപ്പ് രേഖപ്പെടുത്തി. ഇന്നലെ ഇടിവ് നേരിട്ട സ്വർണവിലയിൽ ഇന്ന് പവന് 760 രൂപയും ഗ്രാമിന് 95 രൂപയുമാണ് വർധിച്ചിരിക്കുന്നത്. ഇതോടെ സംസ്ഥാനത്ത് ഒരു പവൻ സ്വർണത്തിന്റെ വില 1,10,200 രൂപയായും, ഒരു ഗ്രാം സ്വർണത്തിന്റെ വില 13,775 രൂപയായും ഉയർന്നു.

## Article Content

**കോഴിക്കോട്: **കേരളത്തിൽ സ്വർണവിലയിൽ വീണ്ടും വൻ കുതിപ്പ് രേഖപ്പെടുത്തി. ഇന്നലെ ഇടിവ് നേരിട്ട സ്വർണവിലയിൽ ഇന്ന് പവന് 760 രൂപയും ഗ്രാമിന് 95 രൂപയുമാണ് വർധിച്ചിരിക്കുന്നത്. ഇതോടെ സംസ്ഥാനത്ത് ഒരു പവൻ സ്വർണത്തിന്റെ വില 1,10,200 രൂപയായും, ഒരു ഗ്രാം സ്വർണത്തിന്റെ വില 13,775 രൂപയായും ഉയർന്നു.

ഇന്നലെ വിലയിൽ ഇടിവ് രേഖപ്പെടുത്തിയതിന് പിന്നാലെയാണ് വിപണിയിൽ പെട്ടെന്നുള്ള ഈ തിരിച്ചുകയറ്റം. കഴിഞ്ഞ ദിവസങ്ങളിലെ വിപണി വിവരങ്ങൾ പരിശോധിക്കുമ്പോൾ, ഇന്നലെ സ്വർണവിലയിൽ നേരിയ കുറവ് വന്നിരുന്നു. പവന് 240 രൂപ കുറഞ്ഞ് 1,09,440 രൂപയും ഗ്രാമിന് 30 രൂപ കുറഞ്ഞ് 13,680 രൂപയുമായിരുന്നു ഇന്നലത്തെ നിരക്ക്.

എന്നാൽ, അതിനുമുമ്പുള്ള ദിവസങ്ങളിൽ ചാഞ്ചാട്ടങ്ങൾ പ്രകടമായിരുന്നു. സെപ്റ്റംബർ 30ന് പവന് 560 രൂപ കൂടി 1,09,680 രൂപയിലും, ഗ്രാമിന് 70 രൂപ കൂടി 13,710 രൂപയിലുമാണ് വ്യാപാരം നടന്നത്. ചൊവ്വാഴ്ച പവന് 200 രൂപയും ഗ്രാമിന് 25 രൂപയും കുറഞ്ഞ് 1,09,120 രൂപയിലെത്തിയിരുന്നു. തിങ്കളാഴ്ചയാകട്ടെ, രണ്ടു തവണകളിലായി പവന് 2640 രൂപയാണ് ഇടിഞ്ഞത്.

അന്ന് ഒരു പവന് 1,09,320 രൂപയും ഗ്രാമിന് 13,665 രൂപയുമായിരുന്നു വില. കഴിഞ്ഞ ജനുവരി 29ന് രേഖപ്പെടുത്തിയ 1,31,160 രൂപയാണ് കേരളത്തിലെ ഇതുവരെയുള്ള സ്വർണവിലയിലെ റെക്കോർഡ്. കഴിഞ്ഞ ഡിസംബർ 23നാണ് സംസ്ഥാനത്ത് പവൻ വില ആദ്യമായി ഒരു ലക്ഷം രൂപ കടന്നത്. അന്താരാഷ്ട്ര തലത്തിലുള്ള സാമ്പത്തിക മാറ്റങ്ങളാണ് സ്വർണവിലയെ സ്വാധീനിക്കുന്നത്.

ഡോളർ ശക്തിയാർജിച്ചതും, പണപ്പെരുപ്പനിരക്ക് നിയന്ത്രിക്കാൻ യുഎസ് ഫെഡറൽ റിസർവ് പലിശനിരക്ക് വർധിപ്പിച്ചതും, എണ്ണവിലയിലുണ്ടായ മാറ്റങ്ങളുമാണ് സ്വർണവിലയിലെ നിരന്തരമായ വ്യതിയാനങ്ങൾക്ക് കാരണമാകുന്നതെന്ന് വിപണി വിദഗ്ധർ വിലയിരുത്തുന്നു.

English Summary:

Gold price in Kerala surged today after yesterday's fall. Pavan price increased by Rs 760 to Rs 1,10,200 and gram by Rs 95 to Rs 13,775. Yesterday price was Rs 1,09,440 per pavan after a Rs 240 fall. Prices fluctuated this week, with a big fall on Monday. Record price was Rs 1,31,160 on Jan 29. Dollar strength, US Fed rate hike and oil price changes impact gold rates.

### Related Links & Sources
- [Original Story Source](https://truevisionnews.com/news/385120/gold-price-today-in-kerala-rises-by-rs-760-per-pavan-)