---
title: "ചികിത്സിക്കേണ്ടവരുടെ കൈയ്യിൽ ലഹരി...! കണ്ണൂർ മട്ടന്നൂരില്‍ ഓപ്പറേഷന്‍ തണ്ടര്‍; എംഡിഎംഎയുമായി രണ്ട് യുവ ഡോക്ടര്‍മാര്‍ പിടിയില്‍"
english_title: "Two Young Doctors Held With MDMA in Mattannur; Thar Vehicle Seized"
publisher: "truevisionnews.com"
canonical_url: "https://truevisionnews.com/news/384853/mattannur-two-young-doctors-held-mdma-thar-seized"
published_at: "2026-09-30T13:32:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6abcc2afc8442_mattannur-two-young-doctors-held-mdma-thar-seized.jpg"
keywords: ["Mattannur MDMA Arrest", "Young Doctors", "Excise", "Drug Seizure", "Thar"]
---

# ചികിത്സിക്കേണ്ടവരുടെ കൈയ്യിൽ ലഹരി...! കണ്ണൂർ മട്ടന്നൂരില്‍ ഓപ്പറേഷന്‍ തണ്ടര്‍; എംഡിഎംഎയുമായി രണ്ട് യുവ ഡോക്ടര്‍മാര്‍ പിടിയില്‍

> **Lead Summary:** കണ്ണൂർ: കണ്ണൂർ മട്ടന്നൂരിൽ എംഡിഎംഎയുമായി യുവ ഡോക്‌ടർമാർ പിടിയിൽ. മലപ്പുറം പുതുപൊന്നാനി സ്വദേശി ഡോ. ഇർഷാദ്, തലശ്ശേരി വടക്കുമ്പാട് കൂളി ബസാറിൽ ഡോ. സിദ്ധാർത്ഥ് എന്നിവരെ ആണ് എക്സൈസ് പിടികൂടിയത്.

## Article Content

കണ്ണൂർ: കണ്ണൂർ മട്ടന്നൂരിൽ എംഡിഎംഎയുമായി യുവ ഡോക്‌ടർമാർ പിടിയിൽ. മലപ്പുറം പുതുപൊന്നാനി സ്വദേശി ഡോ. ഇർഷാദ്, തലശ്ശേരി വടക്കുമ്പാട് കൂളി ബസാറിൽ ഡോ. സിദ്ധാർത്ഥ് എന്നിവരെ ആണ് എക്സൈസ് പിടികൂടിയത്.

ഒരാൾ ബെംഗളൂരുവിലെ പിജി മെഡിക്കൽ വിദ്യാർഥിയും മറ്റൊരാൾ കണ്ണൂരിലെ സ്വകാര്യ മെഡിക്കൽ കോളേജിലെ ഡോക്‌ടറുമാണ്. എംഡിഎംഎ സൂക്ഷിക്കാനുപയോ​ഗിച്ച ഇവരുടെ ഥാറും പിടികൂടിയിട്ടുണ്ട്.

മട്ടന്നൂരിലെ സ്കൈ പാലസ് ബാറിൻ്റെ റൂമിലും ആഡംബര ജീപ്പായ ഥാർ വാഹനത്തിലുമായി സൂക്ഷിച്ച 2.809 ഗ്രാം എംഡിഎംഎ ആണ് പിടികൂടിയത്. എക്സൈസ് കമ്മീഷണർ സ്‌ക്വാഡിന് ലഭിച്ച വിവരത്തിൻ്റെ അടിസ്ഥാനത്തിൽ നടത്തിയ പരിശോധനയിലാണ് ഡോക്ടർമാർ പിടിയിലായത്.

ഇവരെ ചോദ്യം ചെയ്തതിലും എംഡിഎംഎ വാങ്ങിയത് ബാംഗ്ലൂരിൽ നിന്നാണെന്ന് മൊഴി നൽകിയിരുന്നു. ഇവരെ മട്ടന്നൂർ കോടതി മുമ്പാകെ ഹാജരാക്കിയ ശേഷം തുടർ നടപടികൾ വടകര നാർക്കോട്ടിക് സ്പെഷ്യൽ കോടതിയിൽ നടക്കും.

അസിസ്റ്റന്റ് എക്‌സൈസ് ഇന്‍സ്‌പെക്ടര്‍ പി അബ്ദുള്‍ ബഷീര്‍ , കമ്മീഷണര്‍ സ്‌ക്വാഡ് അംഗങ്ങളായ പി ജലീഷ് , കെ ബിനീഷ് , പ്രിവന്റീവ് ഓഫീസര്‍ ഗ്രേഡ് സി ഹണി , സിവില്‍ എക്‌സൈസ് ഓഫീസര്‍മാരായ പി വി അഭിജിത് , സി വി റിജുന്‍, കെ കെ രാഗില്‍ എന്നിവരടങ്ങുന്ന സംഘമാണ് വിദഗ്ദമായി ഇവരെ പിടികൂടിയത്. ജെഎഫ്‌സിഎം മട്ടന്നൂര്‍ കോടതി മുമ്പാകെ ഹാജരാക്കിയ ശേഷം തുടര്‍ നടപടികള്‍ വടകര നാര്‍ക്കോട്ടിക് സ്‌പെഷ്യല്‍ കോടതിയില്‍ നടക്കും.

**English Summary: **

Two young doctors, identified as Dr. Irshad from Puduponnani in Malappuram and Dr. Sidharth from Kooli Bazar in Thalassery Vadakkumbad, were held by the Excise Department in Mattannur in connection with the seizure of 2.809 grams of MDMA. According to the Excise Department, one of them is a PG medical student in Bengaluru and the other is a doctor at a private medical college in Kannur. The MDMA was allegedly kept in a room at Sky Palace Bar in Mattannur and in a Thar vehicle. The vehicle was also seized. The Excise team said the two told investigators that the MDMA was purchased from Bengaluru. They were produced before the JFCM Mattannur Court, with further proceedings to take place before the Vadakara Narcotic Special Court.

### Related Links & Sources
- [Original Story Source](https://truevisionnews.com/news/384853/mattannur-two-young-doctors-held-mdma-thar-seized)