---
title: "തിരുവനന്തപുരം ആർ.സി.സി.യിൽ ഓങ്കോളജി നഴ്സിങ് ഡിപ്ലോമ; ഒക്ടോബർ 3 വരെ അപേക്ഷിക്കാം"
english_title: "RCC Post Basic Diploma in Oncology Nursing Admission 2026-27"
publisher: "truevisionnews.com"
canonical_url: "https://truevisionnews.com/news/384788/rcc-post-basic-diploma-in-oncology-nursing-admission-2026-27"
published_at: "2026-09-30T06:46:00+05:30"
category: "Edu-Career"
language: "ml"
image: "https://cf.zdn.im/img/truevisionnews.com/0/image-uploads/6abc63750d415_rcc-post-basic-diploma-in-oncology-nursing-admission-2026-27.jpg"
keywords: ["RCC Oncology Nursing", "PBDON 2026", "Post Basic Diploma in Oncology Nursing", "RCC Admission"]
---

# തിരുവനന്തപുരം ആർ.സി.സി.യിൽ ഓങ്കോളജി നഴ്സിങ് ഡിപ്ലോമ; ഒക്ടോബർ 3 വരെ അപേക്ഷിക്കാം

> **Lead Summary:** തിരുവനന്തപുരം റീജിയണൽ കാൻസർ സെന്ററിൽ (ആർ.സി.സി.) 2026-27 വർഷത്തെ പോസ്റ്റ് ബേസിക് ഡിപ്ലോമ ഇൻ ഓങ്കോളജി നഴ്സിങ് കോഴ്സിലേക്ക് അപേക്ഷ ക്ഷണിച്ചു. പ്രവേശനത്തിനുള്ള അപേക്ഷകൾ ഒക്ടോബർ 3 വൈകീട്ട് 5 മണിക്ക് മുമ്പായി സമർപ്പിക്കണം. 12 മാസമാണ് കോഴ്സിന്റെ കാലാവധി. പഠിതാക്കൾക്ക് പ്രതിമാസം 15,000 രൂപ സ്റ്റൈപ്പന്റ് ലഭിക്കും.

## Article Content

തിരുവനന്തപുരം റീജിയണൽ കാൻസർ സെന്ററിൽ (ആർ.സി.സി.) 2026-27 വർഷത്തെ പോസ്റ്റ് ബേസിക് ഡിപ്ലോമ ഇൻ ഓങ്കോളജി നഴ്സിങ് കോഴ്സിലേക്ക് അപേക്ഷ ക്ഷണിച്ചു. പ്രവേശനത്തിനുള്ള അപേക്ഷകൾ ഒക്ടോബർ 3 വൈകീട്ട് 5 മണിക്ക് മുമ്പായി സമർപ്പിക്കണം. 12 മാസമാണ് കോഴ്സിന്റെ കാലാവധി. പഠിതാക്കൾക്ക് പ്രതിമാസം 15,000 രൂപ സ്റ്റൈപ്പന്റ് ലഭിക്കും.

ആകെ 20 സീറ്റുകളാണ് കോഴ്സിലേക്കുള്ളത്. ജനറൽ മെറിറ്റിൽ 11 സീറ്റുകളും എസ്.ഇ.ബി.സി വിഭാഗത്തിൽ 2 സീറ്റുകളും എസ്.സി/എസ്.ടി വിഭാഗത്തിൽ 2 സീറ്റുകളുമാണുള്ളത്. സർവീസ് ക്വാട്ടയിൽ ആർ.സി.സി. സ്റ്റാഫിന് 2 സീറ്റുകളും സി.ഡി.എം.ഇ. സ്റ്റാഫിന് 2 സീറ്റുകളും ലഭിക്കും. ഭിന്നശേഷിക്കാർ, ലോക്കോ മോട്ടോർ ഡിസെബിലിറ്റി വിഭാഗത്തിന് ഒരു സീറ്റാണുള്ളത്.

കോഴ്സ് ഫീസ് 25,000 രൂപയാണ്. ഇതിന് പുറമെ 1,000 രൂപ കോഷൻ ഡെപ്പോസിറ്റായി നൽകണം. ബി.എസ്‌സി നഴ്സിങ് അല്ലെങ്കിൽ ജനറൽ നഴ്സിങ് ആൻഡ് മിഡ് വൈഫറി ഡിപ്ലോമയാണ് അടിസ്ഥാന വിദ്യാഭ്യാസ യോഗ്യത. ഫിസിക്സ്, കെമിസ്ട്രി, ബയോളജി വിഷയങ്ങളോടെ പ്ലസ്ടു അല്ലെങ്കിൽ തത്തുല്യ പരീക്ഷ വിജയിച്ചിരിക്കണമെന്നും നിബന്ധനയുണ്ട്.

അപേക്ഷകർക്ക് പരമാവധി 35 വയസ്സാണ് പ്രായപരിധി. കേരള നഴ്സസ് ആൻഡ് മിഡ് വൈഫ്സ് കൗൺസിലിൽ (കെ.എൻ.എം) രജിസ്റ്റർ ചെയ്തവരായിരിക്കണം അപേക്ഷകർ.

അപേക്ഷയുടെ പ്രിൻറും ബന്ധപ്പെട്ട സർട്ടിഫിക്കറ്റുകളുടെയും രേഖകളുടെയും പകർപ്പുകളും ഫീസും ഡിമാൻഡ് ഡ്രാഫ്റ്റ് മുഖേനയും സഹിതം ഒക്ടോബർ 9 വൈകീട്ട് 4 മണിക്ക് മുമ്പ് ലഭിക്കണം. അപേക്ഷകൾ The Director, Regional Cancer Centre, Medical College Campus, Thiruvananthapuram-695011 എന്ന വിലാസത്തിലാണ് ലഭിക്കേണ്ടത്. കവറിന് പുറത്ത് ‘Application for PBDON-2026’ എന്ന് രേഖപ്പെടുത്തണം.

പ്രവേശനം സംബന്ധിച്ച വിശദമായ വിവരങ്ങൾ തിരുവനന്തപുരം റീജിയണൽ കാൻസർ സെന്ററിന്റെ www.rcctvm.gov.in എന്ന വെബ്സൈറ്റിൽ ലഭ്യമാണ്.

**

English Summary:**

Regional Cancer Centre, Thiruvananthapuram, has invited applications for the 2026-27 Post Basic Diploma in Oncology Nursing course. The 12-month course has 20 seats, with a monthly stipend of Rs 15,000. The course fee is Rs 25,000 and the caution deposit is Rs 1,000. Candidates must have BSc Nursing or General Nursing and Midwifery Diploma, plus Plus Two or equivalent with Physics, Chemistry and Biology. The age limit is 35 years, and applicants must be registered with the Kerala Nurses and Midwives Council. Applications must be submitted by October 3, while the printed application and supporting documents must reach RCC by October 9.

### Related Links & Sources
- [Original Story Source](https://truevisionnews.com/news/384788/rcc-post-basic-diploma-in-oncology-nursing-admission-2026-27)