---
title: "ട്രെയിൻ യാത്രക്കാർക്ക് സന്തോഷവാർത്ത...! മാവേലി, മലബാർ എക്സ്പ്രസുകളിൽ സ്ഥിരമായി സ്ലീപ്പർ കോച്ചുകൾ അനുവദിച്ച് റെയിൽവേ"
english_title: "Railway Adds Permanent Sleeper Coaches to Maveli and Malabar Express Trains"
publisher: "truevisionnews.com"
canonical_url: "https://truevisionnews.com/news/384625/maveli-malabar-express-additional-sleeper-coaches"
published_at: "2026-09-29T08:55:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6abb2fddc8604_maveli-malabar-express-additional-sleeper-coaches.jpg"
keywords: ["Maveli Express", "Malabar Express", "Indian Railway", "Sleeper Coaches"]
---

# ട്രെയിൻ യാത്രക്കാർക്ക് സന്തോഷവാർത്ത...! മാവേലി, മലബാർ എക്സ്പ്രസുകളിൽ സ്ഥിരമായി സ്ലീപ്പർ കോച്ചുകൾ അനുവദിച്ച് റെയിൽവേ

> **Lead Summary:** **തിരുവനന്തപുരം: **യാത്രക്കാരുടെ തിരക്ക് പരിഗണിച്ച് മാവേലി, മലബാർ എക്സ്പ്രസുകളിലടക്കം അധിക കോച്ചുകൾ അനുവദിച്ച് റെയിൽവേ. ജനപ്രിയ ട്രെയിനുകളായ മാവേലി എക്സ്പ്രസിലും മലബാർ എക്സ്പ്രസിലും ഓരോ സ്ലീപ്പർ ക്ലാസ് കോച്ചുകൾ വീതമാണ് സ്ഥിരമായി അനുവദിച്ചിട്ടുള്ളത്. ഇതുവഴി ഈ റൂട്ടിലെ യാത്രാദുരിതത്തിന് വലിയ തോതിൽ പരിഹാരമാകുമെന്നാണ് വിലയിരുത്തപ്പെടുന്നത്.

## Article Content

**തിരുവനന്തപുരം: **യാത്രക്കാരുടെ തിരക്ക് പരിഗണിച്ച് മാവേലി, മലബാർ എക്സ്പ്രസുകളിലടക്കം അധിക കോച്ചുകൾ അനുവദിച്ച് റെയിൽവേ. ജനപ്രിയ ട്രെയിനുകളായ മാവേലി എക്സ്പ്രസിലും മലബാർ എക്സ്പ്രസിലും ഓരോ സ്ലീപ്പർ ക്ലാസ് കോച്ചുകൾ വീതമാണ് സ്ഥിരമായി അനുവദിച്ചിട്ടുള്ളത്. ഇതുവഴി ഈ റൂട്ടിലെ യാത്രാദുരിതത്തിന് വലിയ തോതിൽ പരിഹാരമാകുമെന്നാണ് വിലയിരുത്തപ്പെടുന്നത്.

മംഗളൂരു സെൻട്രൽ-തിരുവനന്തപുരം സെൻട്രൽ മാവേലി എക്സ്പ്രസ് (16603) സെപ്റ്റംബർ 30 മുതൽ അധിക കോച്ചുമായാകും സർവീസ് നടത്തുക. മറുപക്കത്ത്, തിരുവനന്തപുരം-മംഗളൂരു മാവേലി എക്സ്പ്രസിൽ (16604) ഒക്ടോബർ ഒന്നാം തീയതി മുതലും അധികമായി ഒരു സ്ലീപ്പർ കോച്ചുണ്ടാകും. ഒരു സ്ലീപ്പർ കോച്ച് കൂടി അനുവദിച്ചതോടെ ആകെ 10 സ്ലീപ്പർ കോച്ചുകളുമായാകും മാവേലി എക്സ്പ്രസിന്റെ സർവീസ്. നിലവിൽ ഒരു എസി ഫസ്റ്റ് ക്ലാസ് കം ടൂ ടയർ, ഒരു എസി ടൂ ടയർ, അഞ്ച് എസി ത്രീ ടയർ, അഞ്ച് ജനറൽ സെക്കൻഡ് ക്ലാസ്, ഭിന്നശേഷിക്കാർക്കായി രണ്ട് സെക്കൻഡ് ക്ലാസ് കോച്ചുകളും മാവേലി എക്സ്പ്രസിലുണ്ട്.

അതുപോലെ, മംഗളൂരു-തിരുവനന്തപുരം മലബാർ എക്സ്പ്രസിൽ (16630) സെപ്റ്റംബർ 28 മുതൽ ഒരു സ്ലീപ്പർ ക്ലാസ് കോച്ച് കൂടി അനുവദിച്ചിട്ടുണ്ട്. തിരുവനന്തപുരം-മംഗളൂരു മലബാർ എക്സ്പ്രസ് (16629) സെപ്റ്റംബർ 29 മുതലും അധിക കോച്ചുമായി സർവീസ് ആരംഭിക്കും. ഈ മാറ്റത്തോടെ മലബാർ എക്സ്പ്രസിലെ സ്ലീപ്പർ കോച്ചുകളുടെ എണ്ണവും പത്തായി ഉയർന്നു. റെയിൽവേയുടെ ഈ നടപടി ദീർഘദൂര യാത്രക്കാർക്ക് വലിയ ആശ്വാസമാണ് നൽകുന്നത്.

**English Summary:**

Indian Railways has permanently added one sleeper coach each to popular trains including the Maveli and Malabar Expresses to ease passenger congestion. The Mangaluru-Thiruvananthapuram Maveli Express (16603) will operate with the extra coach starting September 30, and the return service (16604) from October 1, bringing its total sleeper coaches to ten. Similarly, the Malabar Express trains (16630/16629) have been equipped with an additional sleeper coach from September 28 and 29 respectively, also totaling ten sleeper coaches.

### Related Links & Sources
- [Original Story Source](https://truevisionnews.com/news/384625/maveli-malabar-express-additional-sleeper-coaches)