---
title: "പോയത് എങ്ങോട്ട് ...? പോക്സോ അതിജീവിതകളായ രണ്ട് പെൺകുട്ടികളെ സംരക്ഷണകേന്ദ്രത്തിൽ നിന്ന് കാണാതായി, അന്വേഷണം ഊർജ്ജിതം "
english_title: "Palakkad POCSO Survivors Missing from Care Home"
publisher: "truevisionnews.com"
canonical_url: "https://truevisionnews.com/news/384622/palakkad-pocso-survivors-missing-care-home-"
published_at: "2026-09-29T08:48:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6abb2ee125ae2_palakkad-pocso-survivors-missing-care-home.jpg"
keywords: ["Child Missing Case", "Missing Case", "Palakkad care home", "POCSO survivors missing"]
---

# പോയത് എങ്ങോട്ട് ...? പോക്സോ അതിജീവിതകളായ രണ്ട് പെൺകുട്ടികളെ സംരക്ഷണകേന്ദ്രത്തിൽ നിന്ന് കാണാതായി, അന്വേഷണം ഊർജ്ജിതം 

> **Lead Summary:** **പാലക്കാട്: **സർക്കാരിന്റെ മേൽനോട്ടത്തിൽ സ്വകാര്യ ട്രസ്റ്റിന്റെ ഉടമസ്ഥതയിലുള്ള സംരക്ഷണകേന്ദ്രത്തിൽ നിന്ന് പോക്സോ കേസിലെ അതിജീവിതകളായ രണ്ട് പെൺകുട്ടികളെ കാണാതായി. 16 വയസ്സുള്ള കുട്ടികളെയാണ് കാണാതായിരിക്കുന്നത്. സംഭവത്തിൽ കസബ പൊലീസ് അന്വേഷണം ആരംഭിച്ചതായി പൊലീസ് അറിയിച്ചു.

## Article Content

**പാലക്കാട്: **സർക്കാരിന്റെ മേൽനോട്ടത്തിൽ സ്വകാര്യ ട്രസ്റ്റിന്റെ ഉടമസ്ഥതയിലുള്ള സംരക്ഷണകേന്ദ്രത്തിൽ നിന്ന് പോക്സോ കേസിലെ അതിജീവിതകളായ രണ്ട് പെൺകുട്ടികളെ കാണാതായി. 16 വയസ്സുള്ള കുട്ടികളെയാണ് കാണാതായിരിക്കുന്നത്. സംഭവത്തിൽ കസബ പൊലീസ് അന്വേഷണം ആരംഭിച്ചതായി പൊലീസ് അറിയിച്ചു.

ഇന്നലെ രാത്രിയോടെയാണ് കൊല്ലങ്കോട്, മങ്കര പൊലീസ് സ്റ്റേഷനുകളിൽ രജിസ്റ്റർ ചെയ്ത കേസുകളിലെ അതിജീവിതകളെ കാണാതായത്. കുട്ടികൾ സംരക്ഷണകേന്ദ്രത്തിൽ ഇല്ലെന്ന് അധികൃതർ മനസ്സിലാക്കിയ ഉടൻ തന്നെ പൊലീസിൽ വിവരം അറിയിക്കുകയായിരുന്നു. തുടർന്ന് കസബ പൊലീസ് സ്ഥലത്തെത്തി പ്രാഥമിക പരിശോധനകൾ നടത്തി അന്വേഷണം ഊർജ്ജിതമാക്കിയിട്ടുണ്ട്. കുട്ടികളെ കണ്ടെത്താനുള്ള ശ്രമങ്ങൾ തുടരുകയാണെന്ന് അധികൃതർ വ്യക്തമാക്കി.

അതേസമയം, ഏതാനും മാസങ്ങൾക്ക് മുമ്പ് ഇതേ സംരക്ഷണകേന്ദ്രത്തിൽ നിന്ന് സമാനമായ രീതിയിൽ മൂന്ന് പെൺകുട്ടികളെ കാണാതായ സംഭവം ഉണ്ടായിട്ടുണ്ടെന്ന് അധികൃതർ ചൂണ്ടിക്കാണിക്കുന്നു. അന്ന് കാണാതായ കുട്ടികളെ മണിക്കൂറുകൾക്കകം തന്നെ കണ്ടെത്താൻ പൊലീസിന് കഴിഞ്ഞിരുന്നു. വീണ്ടും സമാനമായ സംഭവം ആവർത്തിക്കപ്പെട്ടത് സംരക്ഷണകേന്ദ്രത്തിന്റെ സുരക്ഷാ സംവിധാനങ്ങളെക്കുറിച്ചുള്ള ആശങ്കകൾക്ക് ഇടയാക്കിയിട്ടുണ്ട്. സംഭവവുമായി ബന്ധപ്പെട്ട് പൊലീസ് കൂടുതൽ അന്വേഷണം നടത്തിവരികയാണ്.

English Summary:Two 16-year-old POCSO case survivors have gone missing from a care home managed by a private trust under government supervision in Palakkad. The Kasaba police have launched an investigation into the incident, which occurred late last night. Authorities noted that a similar incident took place a few months ago when three girls went missing from the same facility, though they were located within hours.

### Related Links & Sources
- [Original Story Source](https://truevisionnews.com/news/384622/palakkad-pocso-survivors-missing-care-home-)