---
title: "  അവധിയുണ്ടേ....! ഓച്ചിറ ഓണാഘോഷം; മൂന്ന് താലൂക്കുകൾക്ക് സംസ്ഥാന സർക്കാർ ഔദ്യോഗിക അവധി അനുവദിച്ചു"
english_title: "Oachira 28th Onam Festival Holiday Declared For Three Taluks Kerala Government Order"
publisher: "truevisionnews.com"
canonical_url: "https://truevisionnews.com/news/383462/oachira-28th-onam-festival-holiday-three-taluks-kerala-government"
published_at: "2026-09-19T17:29:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6aae7956f0644_oachira-28th-onam-festival-holiday-three-taluks-kerala-government.jpg"
keywords: ["Oachira 28th Onam", "Oachira Festival", "Kerala Government Holiday", "Kayamkulam News"]
---

#   അവധിയുണ്ടേ....! ഓച്ചിറ ഓണാഘോഷം; മൂന്ന് താലൂക്കുകൾക്ക് സംസ്ഥാന സർക്കാർ ഔദ്യോഗിക അവധി അനുവദിച്ചു

> **Lead Summary:** **കായംകുളം: **ചരിത്രപ്രസിദ്ധമായ ഓച്ചിറ ഇരുപത്തെട്ടാം ഓണാഘോഷത്തോടനുബന്ധിച്ച് മൂന്ന് താലൂക്കുകൾക്ക് സംസ്ഥാന സർക്കാർ ഔദ്യോഗിക അവധി അനുവദിച്ചു. കൊല്ലം ജില്ലയിലെ കരുനാഗപ്പള്ളി താലൂക്കിനും ആലപ്പുഴ ജില്ലയിലെ കാർത്തികപ്പള്ളി, മാവേലിക്കര താലൂക്കുകൾക്കുമാണ് അവധി പ്രഖ്യാപിച്ചിരിക്കുന്നത്.

## Article Content

**കായംകുളം: **ചരിത്രപ്രസിദ്ധമായ ഓച്ചിറ ഇരുപത്തെട്ടാം ഓണാഘോഷത്തോടനുബന്ധിച്ച് മൂന്ന് താലൂക്കുകൾക്ക് സംസ്ഥാന സർക്കാർ ഔദ്യോഗിക അവധി അനുവദിച്ചു. കൊല്ലം ജില്ലയിലെ കരുനാഗപ്പള്ളി താലൂക്കിനും ആലപ്പുഴ ജില്ലയിലെ കാർത്തികപ്പള്ളി, മാവേലിക്കര താലൂക്കുകൾക്കുമാണ് അവധി പ്രഖ്യാപിച്ചിരിക്കുന്നത്.

കായംകുളം എം.എൽ.എയും സഹകരണ-എക്സൈസ് വകുപ്പ് മന്ത്രിയുമായ എം. ലിജുവിന്റെ പ്രത്യേക അഭ്യർത്ഥനയെ തുടർന്നാണ് മുഖ്യമന്ത്രി അവധി അനുവദിച്ചത്. ഇതുസംബന്ധിച്ച ഔദ്യോഗിക ഉത്തരവ് ഉടൻ പുറത്തിറങ്ങും. സെപ്റ്റംബർ 23-നാണ് ഓച്ചിറയിലെ ഇരുപത്തെട്ടാം ഓണം നടക്കുന്നത്.

ഈ പ്രദേശത്തിന്റെ സാമൂഹികവും സാംസ്കാരികവുമായ പാരമ്പര്യത്തിൽ ഏറെ പ്രാധാന്യമുള്ളതാണ് ഈ ആഘോഷം. ഓച്ചിറയിലും സമീപപ്രദേശങ്ങളിലുമുള്ള ജനങ്ങൾ വലിയ ജനപങ്കാളിത്തത്തോടെയാണ് വർഷങ്ങളായി ഈ ചടങ്ങ് ആചരിച്ചുവരുന്നത്.

വിവിധ പരിപാടികളിൽ പ്രദേശവാസികൾക്ക് തടസ്സമില്ലാതെ സജീവമായി പങ്കെടുക്കുന്നതിന് പ്രാദേശിക അവധി വേണമെന്ന ആവശ്യം ശക്തമായിരുന്നു. ഈ പശ്ചാത്തലത്തിലാണ് ആഘോഷത്തിന്റെ പ്രാധാന്യം കണക്കിലെടുത്ത് മന്ത്രി എം. ലിജു സർക്കാരിന്റെ ശ്രദ്ധയിൽപ്പെടുത്തി പ്രത്യേക ഉത്തരവിനായി ഇടപെട്ടത്.

കൂടാതെ, ഓണാഘോഷത്തിന്റെ ഭാഗമായുള്ള എഴുന്നള്ളിപ്പിന് തടസ്സമായി നിന്നിരുന്ന കൃഷ്ണപുരത്തെ 19 ഇലക്ട്രിക് പോസ്റ്റുകൾ നീക്കം ചെയ്യുന്ന കാര്യത്തിലും മന്ത്രിയുടെ ഇടപെടൽ നിർണായകമായി. ഇതിന്റെ ഭാഗമായി നിലവിലുള്ള ഇലക്ട്രിക് ലൈനുകൾ മാറ്റി ഭൂഗർഭ കേബിളുകൾ സ്ഥാപിക്കുന്നതിനുള്ള നിർമ്മാണ പ്രവർത്തനങ്ങൾ വേഗത്തിൽ പുരോഗമിക്കുകയാണ്. കൃഷ്ണപുരത്തുകാരുടെ വർഷങ്ങളായുള്ള ഈ ആവശ്യത്തിനും ഇതിലൂടെ ശാശ്വത പരിഹാരമായിരിക്കുകയാണ്.

English Summary: Kayamkulam: The state government has declared a holiday for three taluks for the historic Oachira 28th Onam festival.

### Related Links & Sources
- [Original Story Source](https://truevisionnews.com/news/383462/oachira-28th-onam-festival-holiday-three-taluks-kerala-government)