---
title: "അമ്മവീട്ടിൽ പോയി മടങ്ങുംവഴി ദുരന്തം; ശരീരത്തിലൂടെ ബസ് കയറിയിറങ്ങി സ്കൂട്ടർ യാത്രക്കാരിക്ക് ദാരുണാന്ത്യം"
english_title: "Thrissur Chettupuzha Scooter Rider Woman Dies Private Bus Accident Anita Mankuzhi Pullazhi"
publisher: "truevisionnews.com"
canonical_url: "https://truevisionnews.com/news/383448/thrissur-chettupuzha-scooter-rider-woman-dies-private-bus-accident-anita"
published_at: "2026-09-19T15:55:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6aae63f173ee9_thrissur-chettupuzha-scooter-rider-woman-dies-private-bus-accident-anita.jpg"
keywords: ["Thrissur Accident", "Woman Death", "Thrissur Scooter Accident"]
---

# അമ്മവീട്ടിൽ പോയി മടങ്ങുംവഴി ദുരന്തം; ശരീരത്തിലൂടെ ബസ് കയറിയിറങ്ങി സ്കൂട്ടർ യാത്രക്കാരിക്ക് ദാരുണാന്ത്യം

> **Lead Summary:** തൃശ്ശൂർ: ചേറ്റുപുഴയിൽ സ്കൂട്ടർ യാത്രക്കാരി സ്വകാര്യ ബസിനടിയിൽപ്പെട്ടു മരിച്ചു. പുല്ലഴി സ്വദേശി റോസ് ഗാർഡൻ സ്ട്രീറ്റ് നമ്പർ മൂന്നിൽ മാങ്കുഴി പരേതനായ സഹദേവന്റെ ഭാര്യ അനിത ആണ് മരിച്ചത്.

## Article Content

തൃശ്ശൂർ: ചേറ്റുപുഴയിൽ സ്കൂട്ടർ യാത്രക്കാരി സ്വകാര്യ ബസിനടിയിൽപ്പെട്ടു മരിച്ചു. പുല്ലഴി സ്വദേശി റോസ് ഗാർഡൻ സ്ട്രീറ്റ് നമ്പർ മൂന്നിൽ മാങ്കുഴി പരേതനായ സഹദേവന്റെ ഭാര്യ അനിത ആണ് മരിച്ചത്.

ശനിയാഴ്ച ഉച്ചയോടെയായിരുന്നു അപകടം. മനക്കൊടിയിൽ അമ്മ വീട്ടിൽ പോയി മടങ്ങിവരികയായിരുന്നു അനിത. ചേറ്റുപുഴ കയറ്റത്ത് ഫിസിയോതെറാപ്പി സെൻ്ററിനു മുന്നിൽവെച്ചായിരുന്നു അപകടം.

തൃശ്ശൂർ കാഞ്ഞാണി പാലാഴി റൂട്ടിലോടുന്ന ‘ശ്രേയസ്’ ബസ് ഇവരുടെ സ്കൂട്ടറിൽ തട്ടുകയും ബസിനടിയിലേക്ക് വീണ അനിതയുടെ ശരീരത്തിലൂടെ കയറുകയുമായിരുന്നു. സംഭവസ്ഥലത്തുവച്ചുതന്നെ അനിത മരണപ്പെട്ടു.

മക്കൾ : ആകാശ് (ഐടി ബാംഗ്ലൂർ ), ഹിമ. മരുമക്കൾ: മിഥുന (ഫെഡറൽ ബാങ്ക്, ബാംഗ്ലൂർ), വിജിൽ.

**English Summary:**

In Thrissur Chettupuzha, a scooter rider died after coming under private bus on Saturday afternoon. Deceased identified as Anita, wife of late Sahadevan of Mankuzhi, Rose Garden Street No 3, Pullazhi native. She was returning from her mother's house at Manakkodi when Shreyas bus on Thrissur-Kanjani-Palazhi route hit her scooter near physiotherapy centre at Chettupuzha slope. She died on spot.

### Related Links & Sources
- [Original Story Source](https://truevisionnews.com/news/383448/thrissur-chettupuzha-scooter-rider-woman-dies-private-bus-accident-anita)