---
title: "ഭരണതലത്തിൽ വൻ അഴിച്ചുപണി; ബി. അശോകിനും എൻ. പ്രശാന്തിനും കൂടുതൽ ചുമതലകൾ നൽകി സർക്കാർ ഉത്തരവിറക്കി"
english_title: "Senior IAS Officers B Ashok And N Prasanth Given Additional Governance Responsibilities"
publisher: "truevisionnews.com"
canonical_url: "https://truevisionnews.com/news/383172/b-ashok-n-prasanth-ias-officers-given-additional-responsibilities-kerala"
published_at: "2026-09-17T20:26:00+05:30"
category: "Kerala"
language: "ml"
image: "https://cf.zdn.im/img/truevisionnews.com/0/image-uploads/6aac007c44429_b-ashok-n-prasanth-ias-officers-given-additional-responsibilities-kerala.jpg"
keywords: ["B Ashok IAS", "N Prasanth IAS", "Kerala IAS Transfer News", "UDF Government"]
---

# ഭരണതലത്തിൽ വൻ അഴിച്ചുപണി; ബി. അശോകിനും എൻ. പ്രശാന്തിനും കൂടുതൽ ചുമതലകൾ നൽകി സർക്കാർ ഉത്തരവിറക്കി

> **Lead Summary:** **തിരുവനന്തപുരം: മു**തിർന്ന ഐ.എ.എസ് ഉദ്യോഗസ്ഥരായ ബി. അശോകിനും എൻ. പ്രശാന്തിനും കൂടുതൽ ചുമതലകൾ നൽകി സംസ്ഥാന സർക്കാർ ഉത്തരവിറക്കി. ഉന്നതവിദ്യാഭ്യാസ വകുപ്പ് പ്രിൻസിപ്പൽ സെക്രട്ടറിയായ ബി. അശോകിന് പൊതുഭരണവകുപ്പിന്റെയും ഭരണപരിഷ്കരണ വകുപ്പിന്റെയും അധികച്ചുമതലയാണ് നൽകിയിട്ടുള്ളത്. കായിക യുവജനക്ഷേമ വകുപ്പ് സെക്രട്ടറിയായി സേവനമനുഷ്ഠിക്കുന്ന എൻ. പ്രശാന്തിന് നികുതിവകുപ്പ് സ്പെഷൽ സെക്രട്ടറിയുടെ അധികച്ചുമതലയും നൽകി.

## Article Content

**തിരുവനന്തപുരം: മു**തിർന്ന ഐ.എ.എസ് ഉദ്യോഗസ്ഥരായ ബി. അശോകിനും എൻ. പ്രശാന്തിനും കൂടുതൽ ചുമതലകൾ നൽകി സംസ്ഥാന സർക്കാർ ഉത്തരവിറക്കി. ഉന്നതവിദ്യാഭ്യാസ വകുപ്പ് പ്രിൻസിപ്പൽ സെക്രട്ടറിയായ ബി. അശോകിന് പൊതുഭരണവകുപ്പിന്റെയും ഭരണപരിഷ്കരണ വകുപ്പിന്റെയും അധികച്ചുമതലയാണ് നൽകിയിട്ടുള്ളത്. കായിക യുവജനക്ഷേമ വകുപ്പ് സെക്രട്ടറിയായി സേവനമനുഷ്ഠിക്കുന്ന എൻ. പ്രശാന്തിന് നികുതിവകുപ്പ് സ്പെഷൽ സെക്രട്ടറിയുടെ അധികച്ചുമതലയും നൽകി.

ഇവർക്ക് പുറമെ ധനവകുപ്പ് (റിസോഴ്സ്) സെക്രട്ടറിയായ പാട്ടീൽ അജിത് ഭാഗവത് റാവുവിന് കിഫ്ബി സി.ഇ.ഒയുടെ അധികച്ചുമതല നൽകാനും സർക്കാർ തീരുമാനിച്ചു. കഴിഞ്ഞ സർക്കാരിന്റെ കാലത്ത് അച്ചടക്ക നടപടിക്ക് വിധേയരായ രണ്ട് ഉദ്യോഗസ്ഥരെയാണ് നിലവിൽ സുപ്രധാന ചുമതലകളിലേക്ക് നിയോഗിച്ചിരിക്കുന്നത്. മുഖ്യമന്ത്രി വി.ഡി. സതീശന്റെ കീഴിലുള്ള വകുപ്പുകളിലേക്കാണ് ഇരുവരെയും നിയമിച്ചിരിക്കുന്നത് എന്ന വിവരവും പുറത്തുവന്നിട്ടുണ്ട്.

അതേസമയം സംസ്ഥാന ആരോഗ്യവകുപ്പ് ഡയറക്ടറായി ഡോ. വി. മീനാക്ഷിയെ നിയമിച്ച് സർക്കാർ ഉത്തരവിറക്കി. മുൻപ് ഡയറക്ടറായിരുന്ന ഡോ. റീനയെ സ്ഥാനത്തുനിന്ന് മാറ്റിയതിനെ തുടർന്ന് ഡോ. മീനാക്ഷിക്ക് താൽക്കാലിക ചുമതല മാത്രമാണ് നൽകിയിരുന്നത്. ഇതിന് പിന്നാലെയാണ് ഇപ്പോൾ പൂർണ്ണ ചുമതല നൽകിക്കൊണ്ട് സർക്കാർ ഉത്തരവ് പുറപ്പെടുവിച്ചിരിക്കുന്നത്. ഭരണതലത്തിലും സിവിൽ സർവീസിലും വലിയ പ്രാധാന്യത്തോടെയാണ് ഈ ചുമതലാ മാറ്റങ്ങളെ കേന്ദ്രങ്ങൾ വീക്ഷിക്കുന്നത്.

**English Summary:**

The Kerala government has assigned additional responsibilities to senior IAS officers B. Ashok and N. Prasanth. B. Ashok, Higher Education Principal Secretary, gets Public Administration and Administrative Reforms, while Sports Secretary N. Prasanth receives Special Secretary of Taxes. Finance Secretary Patil Ajith Bhagavat Rao gets additional charge as KIFB CEO. Dr. V. Meenakshi has been appointed full-time Health Department Director, replacing Dr. Reena.

### Related Links & Sources
- [Original Story Source](https://truevisionnews.com/news/383172/b-ashok-n-prasanth-ias-officers-given-additional-responsibilities-kerala)