---
title: "വൈഭവിന് വഴിയൊരുങ്ങുമോ? സഞ്ജുവിനും അഭിഷേകിനും മുന്നിൽ ടീം ഇന്ത്യയുടെ നിർണായക തീരുമാനം, അവസാന ടി20 ഇന്ന് "
english_title: "India vs Afghanistan 3rd T20 Today Vaibhav Suryavanshi Debut Expected Sanju Samson Abhishek Sharma Delhi Arun Jaitley Stadium"
publisher: "truevisionnews.com"
canonical_url: "https://truevisionnews.com/news/383074/india-vs-afghanistan-3rd-t20-vaibhav-suryavanshi-debut-expected-delhi"
published_at: "2026-09-17T11:31:00+05:30"
category: "Sports"
language: "ml"
image: "https://cf.zdn.im/img/truevisionnews.com/0/image-uploads/6aab82d3bf44b_india-vs-afghanistan-3rd-t20-vaibhav-suryavanshi-debut-expected-delhi.jpg"
keywords: ["India vs Afghanistan 3rd T20", "Vaibhav Suryavanshi", "Sanju Samson", "Shreyas Iyer", "Abhishek Sharma"]
---

# വൈഭവിന് വഴിയൊരുങ്ങുമോ? സഞ്ജുവിനും അഭിഷേകിനും മുന്നിൽ ടീം ഇന്ത്യയുടെ നിർണായക തീരുമാനം, അവസാന ടി20 ഇന്ന് 

> **Lead Summary:** ന്യൂഡൽഹി: അഫ്ഗാനിസ്ഥാനെതിരായ 3 മത്സര ട്വന്റി20 പരമ്പരയിലെ അവസാന മത്സരത്തിനായി ടീം ഇന്ത്യ ഇന്നിറങ്ങുമ്പോൾ ആരാധകർ ആകാംക്ഷയോടെ കാത്തിരിക്കുന്നത് ഒരു പതിനഞ്ചുകാരനു വേണ്ടിയാണ്. വൈഭവ് സൂര്യവംശി!

## Article Content

ന്യൂഡൽഹി: അഫ്ഗാനിസ്ഥാനെതിരായ 3 മത്സര ട്വന്റി20 പരമ്പരയിലെ അവസാന മത്സരത്തിനായി ടീം ഇന്ത്യ ഇന്നിറങ്ങുമ്പോൾ ആരാധകർ ആകാംക്ഷയോടെ കാത്തിരിക്കുന്നത് ഒരു പതിനഞ്ചുകാരനു വേണ്ടിയാണ്. വൈഭവ് സൂര്യവംശി!

ആദ്യ രണ്ടു മത്സരങ്ങളിലും അവസരം ലഭിക്കാതിരുന്ന വൈഭവ് ഇന്ന് കളിച്ചേക്കുമെന്നാണ് റിപ്പോർട്ട്. ഇതോടെ, സഞ്ജു സാംസണിനോ അഭിഷേക് ശർമയ്ക്കോ പുറത്തിരിക്കേണ്ടിവരും.

ആദ്യ രണ്ടു മത്സരങ്ങളും ജയിച്ച ഇന്ത്യ ഇതിനോടകം പരമ്പര സ്വന്തമാക്കി. മറുവശത്ത്, ആദ്യ രണ്ടു മത്സരങ്ങളിലെ ദയനീയ തോൽവികൾ ഏൽപിച്ച ആഘാതം മൂന്നാം മത്സരത്തിലൂടെ മറികടക്കുകയാകും അഫ്ഗാനിസ്ഥാന്റെ ലക്ഷ്യം.

ഡൽഹി അരുൺ ജയ്റ്റ്ലി സ്റ്റേഡിയത്തിൽ രാത്രി 7.30 മുതലാണ് മത്സരം. സോണി ടെൻ ചാനലുകളിലും ഫാൻകോഡ് ആപ്പിലും തത്സമയം.

പരമ്പരയിൽ ഇതുവരെ അവസരം ലഭിക്കാത്ത താരങ്ങളെ മൂന്നാം ട്വന്റി20ക്കുള്ള ടീമിൽ ഉൾപ്പെടുത്തിയേക്കുമെന്ന് ഇന്ത്യൻ ക്യാപ്റ്റൻ ശ്രേയസ് അയ്യർ വ്യക്തമാക്കിയിരുന്നു. ഇതോടെ വൈഭവ് ഇന്നു കളിക്കുമെന്ന് ഏറക്കുറെ ഉറപ്പാണ്.

എന്നാൽ ആരാകും വൈഭവിനു വേണ്ടി പുറത്തുപോകുക എന്ന കാര്യത്തിൽ തീരുമാനമായില്ല. ആദ്യ ട്വന്റി20യിൽ അർധ സെഞ്ചറി നേടിയ അഭിഷേകും രണ്ടാം ട്വന്റി20യിൽ തകർത്തടിച്ച സഞ്ജുവും ഫോം തെളിയിച്ചുകഴിഞ്ഞു. ഇതോടെ, ആരെ മാറ്റണമെന്ന ആശങ്കയിലാണ് മാനേജ്മെന്റ്.

ഇഷാൻ കിഷന് വിശ്രമം നൽകി, സഞ്ജുവിനെ മിഡിൽ ഓർഡറിലേക്കും വൈഭവിനെ ഓപ്പണറായും പരീക്ഷിക്കാൻ ആലോചനയുണ്ട്. ബോളിങ്ങിൽ ജസ്പ്രീത് ബുമ്രയ്ക്ക് വിശ്രമം നൽകിയാൽ, യഷ് ഠാക്കൂർ ടീമിലെത്തിയേക്കും.

**English Summary:**

Team India plays final T20 against Afghanistan today in Delhi, focus on 15-year-old Vaibhav Suryavanshi expected to debut, reports said. He missed first two matches; his inclusion may force Sanju Samson or Abhishek Sharma out. India already sealed series 2-0. Match at Arun Jaitley Stadium 7.30 pm live on Sony Ten and FanCode. Captain Shreyas Iyer said unused players may get chance, making Vaibhav's debut likely. Abhishek hit fifty in first T20, Sanju starred in second, leaving management in dilemma. Ishan Kishan may be rested to try Sanju in middle order and Vaibhav as opener; Yash Thakur may replace Jasprit Bumrah if rested.

### Related Links & Sources
- [Original Story Source](https://truevisionnews.com/news/383074/india-vs-afghanistan-3rd-t20-vaibhav-suryavanshi-debut-expected-delhi)